Mose V, 21:16 - BAIBLO ALOO NGMAMI KLƆUKLƆU Ɔ

¹⁶ Lɔ ɔ lɛɛ ke be su nɛ e maa dla weto ní ha e binyumu ɔmɛ ɔ, nyumu ɔ be he blɔ kaa e ngɔɔ yo nɛ e suɔ lɛ saminya a bi ɔ ngɔ peeɔ bi nɔkɔtɔma ngɛ yo nɛ e sume lɛ ɔ bi ɔ nane mi.

Mose V, 21:16 ပူးပေါင်းရင်းမြစ်များ

Kronika I, 26:10

Nyumu ko ngɛ Merari weku ɔ mi nɛ a tsɛɛ lɛ Hosa. E ngɛ binyumuhi eywiɛ; a biɛhi ji Shimri, Hilkia, Tebalia, kɛ Zakaria. Hosa wo e bi Shimri nɔkɔtɔma, pohu pi lɛ ji bitɛte. Hosa weku li tsuo nɛ buu ngɛ Yawɛ we ɔ ji nyɔngma kɛ etɛ.

Filipibi 4:8

Nyagbe ɔ, ye nyɛmimɛ, nihi nɛ ji anɔkuale, nihi nɛ sa bu, níhi nɛ da, níhi nɛ he tsɔ, níhi nɛ ngɛ fɛu, níhi nɛ woɔ nɔ hɛ mi nyami, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu.

Romabi 8:29

Nihi nɛ Mawu hla ngɔ to momo ɔ, e pee mɛ klɔuklɔu, konɛ a subai nɛ hi kaa Bi ɔ nɔ. Kɛkɛ ɔ, Bi ɔ maa pee nɔkɔtɔma ngɛ e nyɛmimɛ babauu a kpɛti.

Kronika II, 21:3

A tsɛ ha mɛ sika tsu, sika hiɔ, kɛ ní kpa komɛ nɛ a he jua wa babauu nitsɛ; nɛ e ngɔ mɛ ngɔ to Yuda mahi nɛ a fia gbogbo ngɔ wo a he ɔ a mi kakaaka. Se Yehoram lɛɛ akɛnɛ lɛ ji bitɛte he je ɔ, Yehoshafat ngɔ lɛ ngɔ pee nɔ nɛ maa ye tsɛ ngɛ e se.

Mose I, 25:31

Yakob he nɔ ke, “Yoo, ma ha mo. Se loko ma ha mo ɔ, ja o ngɔ o blɔ nya kaa bitɛte ɔ ngɔ ha mi.”

Mose V, 21:15

“Waa ngɔ lɛ kaa nyumu ko ngɛ yihi enyɔ, nɛ e suɔ nɔ kake saminya, se e sume nɔ kake sane tsɔ, nɛ e kɛ mɛ ni enyɔ ɔmɛ tsuo fɔ binyumuhi, se yo ɔ nɛ e sume lɛ tsɔ ɔ bi ji bi nɔkɔtɔma.

Mose V, 21:17

E ha e bi nɔkɔtɔma ɔ nɔ́ nɛ e ma ha e bi kaketsɛ ɔ totoe enyɔ. Ejakaa bi nɔkɔtɔma nɛ ɔ ji nyumu ɔ kekleekle binyumu nɛ a fɔ ha lɛ.