Mose V, 20:8 - BAIBLO ALOO NGMAMI KLƆUKLƆU Ɔ

⁸ “Jehanɛ asafoatsɛmɛ ɔmɛ nɛ a de ta buli ɔmɛ ke, ‘Anɛ nɔ ko ngɛ hiɛmɛ nɛ ɔ nɛ sawale nu lɛ, nɛ e ngɛ gbeye yee lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, e ma ha fɔ̃ maa sɛ e nyɛmimɛ ɔmɛ a mi.’

Mose V, 20:8 ပူးပေါင်းရင်းမြစ်များ

Mose II, 15:15

Edom matsɛmɛ ɔmɛ a he mi jɔ̃; sawale nu Moab nimeli ɔmɛ; Kanaan bi ɔmɛ tsuo a kã a laa.

Abɛ Womi 24:10

Ke haomi ba o nɔ, nɛ o pee gbedee ɔ, e tsɔɔ kaa o he wami pi saasaa.

Mose IV, 13:31

Se nyumu ɔmɛ nɛ kɛ lɛ ya slaa zugba a de ke, “Wa be nyɛe maa da nimli ɔmɛ a hɛ mi, ejakaa a he wa pe wɔ.”

Mose IV, 32:9

A nyɛɛ hluu kɛ ya su Eskol kɔ̃ ɔ mi, nɛ a ya na zugba a. Se mohu a se kpalemi mi ɔ, a ba wo Israel bi ɔmɛ a kɔni mi nyu nɛ a ko ya zugba a nɛ Yawɛ ngɔ ha mɛ ɔ nɔ.

Luka 9:62

Se Yesu de lɛ ke, “Nɔ nɛ kɛ e nine pɛtɛɛ na kpakplaa he, nɛ e plɛɛ hyɛɛ e se ɔ, e sɛ Mawu matsɛ yemi ɔ.”

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Mose V, 20:9

Ke asafoatsɛmɛ ɔmɛ tu munyu nɛ ɔmɛ gbe nya a, á to tatsɛmɛ nɛ maa da kuu tsuaa kuu nya.

Mose V, 23:9

“Ke o hia ta nɛ o kɛ o he nyɛli yaa kpe ɔ, moo hyɛ saminya nɛ o ko pee nɔ́ ko nɛ ma ble mo.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Kpojemi 3:16

Se akɛnɛ o ngɛ kulɔkulɔ, akɛnɛ o be yluduu, nɛ o be kalakala hu he je ɔ, ma sú mo ngɔ pue he kaa a suɔ lada.

Manyadali 7:3

Lɔ ɔ he ɔ, ha nɛ ma a tsuo nɛ nu kaa, ‘Nɔ tsuaa nɔ nɛ ngɛ gbeye yee nɛ e he ngɛ doe ɔ, e kpale kɛ ho we mi ya.’ ” Benɛ Gideon ka mɛ ɔ, nimli akpe nyingmi enyɔ kɛ enyɔ kpale a se; nɛ e piɛ nimli akpe nyɔngma.