Mose V, 20:5 - BAIBLO ALOO NGMAMI KLƆUKLƆU Ɔ

⁵ “Lɔ ɔ se ɔ, asafoatsɛmɛ ɔmɛ nɛ a de ta buli ɔmɛ ke, ‘Anɛ nɔ ko ngɛ hiɛmɛ nɛ ɔ nɛ po we he, se e gbaa we nɔ lolo kɛ ha Yawɛ lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, ke e ba mi kaa e ya nɔ ta a, nɔ kpa ma ba gbaa we ɔ nɔ.

Mose V, 20:5 ပူးပေါင်းရင်းမြစ်များ

Nehemia 12:27

Benɛ a maa julaa Yerusalem gbogbo ɔ, a ya kpee Levi bi ɔmɛ kɛ je hehi tsuo nɛ a ngɛ ɔ kɛ ba. A ba piɛ Yerusalem ma mi bi ɔmɛ a he, nɛ a fia gɔgɔ, kɛ saku, nɛ a la sina lahi nɛ a kɛ ye nyami ligbi ɔ.

Samuel I, 17:18

Jehanɛ, moo hɛɛ wagasi nyɔngma nɛ ɔmɛ kɛ ya ha tatsɛ nɔkɔtɔma nɛ ngɛ a nya a. Slaa o nyɛmimɛ ɔmɛ nɛ o hyɛ bɔ nɛ a ngɛ, nɛ o kɛ okadi ko nɛ je a ngɔ kɛ ba.

Mose V, 16:18

“Nyɛɛ wo kojoli kɛ tsɔli ngɛ nyɛ wɛtso ɔmɛ a mi ngɛ ma amɛ tsuo nɛ Yawɛ, nyɛ Mawu ɔ ngɛ nyɛ hae ɔ a mi. Mɛɛ a ní tsumi ji kaa a maa hyɛ nɛ dami sane yemi nɛ ma si.

Mose V, 1:15

Lɔ ɔ he ɔ, i ngɔ wɛtsoyihi nɛ ji nyumuhi nɛ le ní, nɛ a ngɛ juɛmi, nɛ a ngɛ biɛ kpakpa nɛ nyɛ hla a ngɔ to ma a nya. Ni komɛ hyɛ nimli nyɔngma nɔ, ni komɛ hyɛ nimli nyingmi enuɔ nɔ, ni komɛ hyɛ nimli lafa nɔ, nɛ ni komɛ hu hyɛ nimli akpe nɔ. Jehanɛ i hla nɔ hyɛli kpa komɛ kɛ je nyɛ wɛtso ɔmɛ tsuo a mi.”

Mose IV, 31:48

Lɔ ɔ se ɔ, asafoatsɛmɛ ɔmɛ nɛ ngɛ nimli akpehi, kɛ lafahi a nya a ba Mose ngɔ,

Mose IV, 31:14

Mose mi mi fu asafoatsɛmɛ ɔmɛ nɛ ji akpe akpe kɛ lafa lafa a nyatsɛmɛ ɔmɛ nɛ je ta a kɛ ba a.

La 30:1

Ma je o yi Yawɛ, ejakaa o he ye yi wami. O ha we nɛ ye he nyɛli nɛ nya; o ngmɛ́ mɛ blɔ nɛ a ye ye he fɛu.

Mose V, 20:6

Anɛ nɔ ko ngɛ hiɛmɛ nɛ ɔ nɛ pee wai ngmɔ he, se e na we nɛ e kpa wai yiblii ɔ lolo lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, ke e ba mi kaa e ya nɔ ta a, nɔ kpa ma ba ye ngmɔ ɔ mi wai yiblii ɔ.