Mose V, 20:20 - BAIBLO ALOO NGMAMI KLƆUKLƆU Ɔ

²⁰ Se tsohi nɛ o le kaa a yi a yiblii ɔ, o ma nyɛ ma kɛ pee níhi nɛ a maa da nɔ kɛ sá ma a yi kɛ ya si be nɛ o maa ngɔ ma a.

Mose V, 20:20 ပူးပေါင်းရင်းမြစ်များ

Ezekiel 17:17

Ke e ba mi kaa Babilonia bi ɔmɛ fia kpokuhi, nɛ a ma mɔhi, konɛ a kɛ kpata nihi babauu a hɛ mi tete po, Egipt matsɛ ɔ kɛ e ta babauu ɔ be he nɔ́ ko nyɛe maa pee ha lɛ.

Yeremia 33:4

Imi Yawɛ, Israel Mawu ɔ, i ngɛ dee ke a maa ku Yerusalem we ɔmɛ, kɛ Yuda matsɛ we ɔ ngɔ pue si. E he be se nami bae ha nyɛ kaa nyɛ maa je kpo nɛ nyɛɛ kɛ Babilonia bi ɔmɛ ya hwu ta ngɛ kpoku nɛ a fia kɛ bɔle ma a he. Ke nyɛ pee ja a, nyɛ ma ha nɛ nihi nɛ i kɛ abofu maa gbe ɔ a gbogboe ma hyi ma a mi tɔ. Ní yayamihi nɛ ma nɛ ɔ mi bi ɔmɛ pee he je ɔ, i kua ma a.

Yeremia 6:6

Yawɛ Tabohiatsɛ ɔ fa matsɛmɛ nɛ ɔmɛ nɛ a po tso kɛ pee kpoku kɛ bɔle Yerusalem kɛ kpe, nɛ a sa ma a yi. Yawɛ de to ke, “Ma gbla ma nɛ ɔ tue, ejakaa amimi sɔuu lɛ a ngɛ yee ngɛ ma a mi.

Yesaya 37:33

“Lɔ ɔ he ɔ, bɔ nɛ Yawɛ de ngɛ Asiria matsɛ ɔ he ji nɛ ɔ nɛ: ‘E be ma nɛ ɔ mi sɛe, nɛ e be kɛ̃ɛ̃ kake po tsɛ̃e kɛ ba hiɛ ɔ. Ta buli nɛ hɛɛ tsɛ̃i be ma a he sue, nɛ a be kpoku ko fiae kɛ wo ma a he.

Fiɛlɔ 9:14

Ma wayoo ko hi si kɛ e mi nimli bɔɔ pɛ. Be ko ɔ, matsɛ nguaa ko ba tua ma a. E sa ma a yi, nɛ e fia kpoku kɛ bɔle ma a.

Kronika II, 26:15

E ha nɛ e ga ní tsuli kpanaa amɛ pee klama komɛ ngɛ Yerusalem. A kɛ klama amɛ ma mɔ ɔmɛ, kɛ gbogbo kɔ̃ nya amɛ a nɔ, konɛ a kɛ tsɛ̃ kɛ̃ɛ̃, nɛ a kɛ kpɛne tɛ agboagbohi kɛ je lejɛ ɔmɛ. E matsɛ yemi ɔ he si, nɛ e biɛ pɛ kɛ ya lokoo, ejakaa Mawu piɛ e he.

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Mose V, 20:19

“Ke o hɛ dɔ kɛ ngɛ ma ko tuae ɔ, koo poo tsohi nɛ woɔ yiblii nɛ a yeɔ nɛ ngɛ lejɛ ɔ ngɔ pue he. Ke be nɛ o kɛ sá ma a yi kɛ kaa mɛni po, koo pee ja. Moo ye tso yiblii ɔmɛ, se o ko kpata tso ɔmɛ a hɛ mi. Tsa pi tso ɔmɛ ji o he nyɛli ɔmɛ nɛ o kɛ ná a.

Mose V, 21:1

“Ke a na nɔ ko nɛ a gbe lɛ fɔ si ngɛ nga mi ngɛ zugba a nɛ Yawɛ, o Mawu ɔ ma ngɔ ha mo ɔ nɔ, nɛ a li nɔ nɛ gbe lɛ ɔ,

Matsɛmɛ II, 3:19

Nyɛ maa ngɔ a ma kpakpa amɛ, kɛ mahi nɛ a fia gbogbo kɛ wo a he ɔ tsuo. Nyɛ maa poo tso kpakpa tsuaa tso kpakpa; nyɛ maa tsi nyu vu ɔmɛ tsuo, nɛ nyɛ maa ngɔ tɛ kɛ ha a zugba kpakpa amɛ tsuo a hɛ mi.”