Mose V, 20:19 - BAIBLO ALOO NGMAMI KLƆUKLƆU Ɔ

¹⁹ “Ke o hɛ dɔ kɛ ngɛ ma ko tuae ɔ, koo poo tsohi nɛ woɔ yiblii nɛ a yeɔ nɛ ngɛ lejɛ ɔ ngɔ pue he. Ke be nɛ o kɛ sá ma a yi kɛ kaa mɛni po, koo pee ja. Moo ye tso yiblii ɔmɛ, se o ko kpata tso ɔmɛ a hɛ mi. Tsa pi tso ɔmɛ ji o he nyɛli ɔmɛ nɛ o kɛ ná a.

Mose V, 20:19 ပူးပေါင်းရင်းမြစ်များ

Mateo 3:10

Amlɔ nɛ ɔ, gbiɛ ɔ fɔɔ si ngɛ tso sipoku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.

Mose V, 26:6

Egipt bi ɔmɛ pee wɔ yayami; a wa wɔ yi mi, nɛ a ye wɔ nyɔguɛ wawɛɛ.

Mateo 21:19

E na ngmɔkɔ tso ko ngɛ blɔ ɔ he, nɛ e gba kɛ ya he; se e nɛ nɔ́ ko nɔ́ ko ngɛ tso ɔ nɔ pe ba kɛkɛ. Lɔ ɔ he ɔ, e de tso ɔ ke, “O be yiblii ko woe hu gblegbleegble!” Nɛ ngmɔkɔ tso ɔ ngla amlɔ nɔuu.

Mose V, 20:18

Gbee mɛ, konɛ a ko ba tsɔɔ mo a musu ní ɔmɛ nɛ a peeɔ nɛ a kɛ jaa mawu kpahi ɔ, nɛ o kɛ enɛ ɔ ba pee yayami kɛ si Yawɛ, o Mawu ɔ.

Mose V, 20:20

Se tsohi nɛ o le kaa a yi a yiblii ɔ, o ma nyɛ ma kɛ pee níhi nɛ a maa da nɔ kɛ sá ma a yi kɛ ya si be nɛ o maa ngɔ ma a.

Yeremia 6:6

Yawɛ Tabohiatsɛ ɔ fa matsɛmɛ nɛ ɔmɛ nɛ a po tso kɛ pee kpoku kɛ bɔle Yerusalem kɛ kpe, nɛ a sa ma a yi. Yawɛ de to ke, “Ma gbla ma nɛ ɔ tue, ejakaa amimi sɔuu lɛ a ngɛ yee ngɛ ma a mi.

Matsɛmɛ II, 3:19

Nyɛ maa ngɔ a ma kpakpa amɛ, kɛ mahi nɛ a fia gbogbo kɛ wo a he ɔ tsuo. Nyɛ maa poo tso kpakpa tsuaa tso kpakpa; nyɛ maa tsi nyu vu ɔmɛ tsuo, nɛ nyɛ maa ngɔ tɛ kɛ ha a zugba kpakpa amɛ tsuo a hɛ mi.”

Matsɛmɛ II, 3:25

nɛ a kpata a ma amɛ a hɛ mi. Zugba kpakpa amɛ lɛɛ nɔ tsuaa nɔ fɔ tɛ kɛ pue a nɔ, kɛ ya si tɛ ɔmɛ ha zugba amɛ a nɔ A tsi nyu vu ɔmɛ tsuo, nɛ a poo tso kpakpa amɛ hulɔ. Kir Heres nɛ ji ma ngua a pɛ nɛ a si; se amlami tɛ fiali ɔmɛ ya sa jamɛ a ma a po yi nɛ a tua lɛ.