Mose V, 20:18 - BAIBLO ALOO NGMAMI KLƆUKLƆU Ɔ

¹⁸ Gbee mɛ, konɛ a ko ba tsɔɔ mo a musu ní ɔmɛ nɛ a peeɔ nɛ a kɛ jaa mawu kpahi ɔ, nɛ o kɛ enɛ ɔ ba pee yayami kɛ si Yawɛ, o Mawu ɔ.

Mose V, 20:18 ပူးပေါင်းရင်းမြစ်များ

Matsɛmɛ II, 21:3

Jami hehi nɛ e tsɛ Hezekia gbɛ ɔ, e kpale dla mɛ ekohu. E ma bɔ sami la tɛhi kɛ ha Baal, nɛ e puɛ amaga kɛ ha yo mawu ɔ nɛ a tsɛɛ Ashera a kaa bɔ nɛ Israel matsɛ, Ahab pee ɔ. E ja dodoehi hulɔ.

Mose II, 23:32

O kɛ mɛ, loo a mawu ɔmɛ ko so somi ko.

Mose II, 23:33

Ko ha nɛ a hi o zugba a nɔ; ke o pee ja a, a ma ha nɛ o maa pee yayami kɛ si mi; ejakaa ke o ya sɔmɔ a mawu ɔmɛ pɛ kɛkɛ lɔ ɔ plɛ pee klama nɛ a tsɔ mo.”

Mose II, 34:12

Hyɛ saminya nɛ o kɛ ma he nɛ nyɛ yaa a mi bi ɔmɛ kó so somi ko, nɛ lɔ ɔ ba plɛ klama nɛ a tsɔ mo.

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Efesobi 5:11

Diblii mi níhi nɛ se nami be he ɔ, nyɛ ko pee. Mohu ɔ, nyɛ je mɛ kpo nɛ nihi nɛ a na.

Mose V, 18:19

E maa tu munyu ngɛ ye biɛ mi, nɛ ke nɔ ko bui lɛ ɔ, imi nitsɛ ma gbla nɔ ɔ tue.

Mose V, 18:9

“Ke o ya su zugba a nɛ Yawɛ, o Mawu ɔ ngɛ mo hae ɔ nɔ ɔ, mo ko pee je ma amɛ nɛ ngɛ lejɛ ɔ a ní hiɔmi ní ɔmɛ.

Mose V, 20:17

Mo kpata ni ɔmɛ tsuo a hɛ mi pɛsɛpɛsɛ kaa bɔ nɛ Yawɛ, o Mawu ɔ fa mo ke o pee ɔ; mɛ ji Hit bi, Amor bi, Kanaan bi, Periz bi, Hiv bi, kɛ Yebus bi.

Mose V, 20:19

“Ke o hɛ dɔ kɛ ngɛ ma ko tuae ɔ, koo poo tsohi nɛ woɔ yiblii nɛ a yeɔ nɛ ngɛ lejɛ ɔ ngɔ pue he. Ke be nɛ o kɛ sá ma a yi kɛ kaa mɛni po, koo pee ja. Moo ye tso yiblii ɔmɛ, se o ko kpata tso ɔmɛ a hɛ mi. Tsa pi tso ɔmɛ ji o he nyɛli ɔmɛ nɛ o kɛ ná a.

Mose V, 9:5

Pi kaa nyɛ hi, loo nyɛ peeɔ nɔ́ nɛ da he je nɛ Yawɛ ha nyɛ yaa ngɔ a zugba a. Mohu ɔ, a yi mi nɛ wa a he je nɛ Yawɛ, nyɛ Mawu ɔ ngɛ mɛ fiee ha nyɛ ɔ nɛ. Jehanɛ hu, Yawɛ pee ja, bɔ nɛ pee nɛ e ye si nɛ e wo nyɛ nɛmɛ, Abraham, Isak, kɛ Yakob ɔ nɔ.

2 Tesalonikabi 3:14

Ke nɔ ko sume kaa e maa ye nɔ́ nɛ wa ngma nyɛ nɛ ɔ nɔ ɔ, nyɛ kadi lɛ, nɛ nyɛɛ kɛ lɛ ko bɔ. Kɛkɛ ɔ, zo maa gbe lɛ.

1 Timoteo 6:5

nɛ a sãã nya be tsuaa be. A juɛmi be tutuutu, nɛ a li nɔ nɛ ji anɔkuale hu. E peeɔ mɛ kaa Mawu jami ji blɔ ko nɛ a guu nɔ kɛ naa ní kpɔtɔɔ.

Yoshua 23:13

nyɛ na nɛ nyɛɛ le kaa, ke nyɛ hia kɛ yaa a, Yawɛ, nyɛ Mawu ɔ be je ma nɛ ɔmɛ fiee kɛ je nyɛ blɔ mi hu. Mohu ɔ, nyɛ he nyɛli ɔmɛ maa pee kaa klama ko nɛ a tsɔ nyɛ, loo muɔ nɛ a tsua ngɛ nyɛ sisi. A maa pee kaa kpa nɛ a kɛ ngɛ nyɛ se mi fiae, nɛ maa sãã nyɛ, loo mio nɛ ngɛ nyɛ hɛngmɛ mi gbɔɔe. Nɔ́ nɛ ɔ ma tsa nɔ kɛ yaa si be nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ Yawɛ, nyɛ Mawu ɔ ngɔ ha nyɛ ɔ nɔ.

Manyadali 2:3

Lɔ ɔ he ɔ, imi hu i ngɛ nyɛ dee ke i be ni ɔmɛ fiee kɛ je nyɛ blɔ ɔ nɔ. A ma plɛ pee nyɛ he nyɛli, nɛ a mawu ɔmɛ hu ma plɛ pee klama nɛ a tsɔ nyɛ.”