Mose V, 20:14 - BAIBLO ALOO NGMAMI KLƆUKLƆU Ɔ

¹⁴ Yi ɔmɛ, jokuɛwi ɔmɛ, we mi lohwe ɔmɛ, kɛ níhi tsuo nɛ ngɛ ma a mi ɔ, o ma nyɛ maa ngɔ kɛ pee o nɔ. O he nyɛli ɔmɛ a tabo ɔ mi ní ɔmɛ tsuo maa pee o nɔ́. Yawɛ, o Mawu ɔ nɛ ngɔ ha mo.

Mose V, 20:14 ပူးပေါင်းရင်းမြစ်များ

Yoshua 8:2

Ó pee Ai kɛ e matsɛ ɔ kaa bɔ nɛ o pee Yeriko kɛ e matsɛ ɔ; se ta yibu ní ɔmɛ, kɛ we mi lohwe ɔmɛ lɛɛ nyɛɛ ha ha nyɛ he. Nyɛ ya wo ma a he ka, nɛ nyɛ tua lɛ kɛ je e se je.”

Mose IV, 31:9

Israel bi ɔmɛ nuu Midian yi ɔmɛ, kɛ jokuɛwi ɔmɛ nyɔguɛ. A ha a na amɛ, a to ɔmɛ, kɛ a he níhi tsuo,

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

La 68:12

“Matsɛmɛ ɔmɛ, kɛ a tabo ɔmɛ tu fo oo! A tu fo kɛ je ta a nya oo!” Yihi nɛ a si ngɛ se ɔ dla ta yibu ní ɔ ha a he.

Kronika II, 20:25

Yehoshafat kɛ e ta buli ɔmɛ ba nɛ a ba ha ní ngɛ ni gbogboe ɔmɛ a he. Ta yibu ní nɛ a ha ji nɛ ɔmɛ nɛ: na babauu, niye ní, tade, kɛ ní kpa komɛ nɛ a he jua wa. A ngɔ ligbi etɛ kɛ bua ta yibu ní ɔmɛ a nya. Se a je fuu he, ejakaa ní ɔmɛ hiɛ tsɔ.

Yoshua 11:14

Israel bi ɔmɛ ha ma nɛ ɔmɛ a mi ní, kɛ lohwe ɔmɛ tsuo, se nimli ɔmɛ lɛɛ a kpata mɛ tsuo a hɛ mi; nɔ kake po píɛ.

Mose IV, 31:18

Se yihewi nɛ li nyumu ɔ, mɛɛ lɛɛ nyɛ ha nɛ a yi nɛ na wami, konɛ nyɛɛ ngɔ mɛ.

Mose IV, 31:12

A ngɔ ta yibu ní ɔmɛ tsuo, nyɔguɛ ɔmɛ, kɛ lohwe ɔmɛ nɛ a ha a kɛ ba Mose, osɔfo Eleazar, kɛ Israel ma kpekpemi ɔ a ngɔ ngɛ ma sito he ɔ, ngɛ Moab nga kplanaa a nɔ, ngɛ Yordan pa a se ngɛ Yeriko.

Mose IV, 31:11

Nɛ a ngɔ ta yibu ní ɔmɛ kulaa nɛ ji nimli, lohwehi, kɛ níhi nɛ a ha a tsuo.

Mose IV, 31:15

Mose bi mɛ ke, “Mɛni he je nɛ nyɛ he yi ɔmɛ tsuo a yi wami ɔ?

Mose V, 20:15

Ma amɛ nɛ a kɛ zugba a, he nɛ o yaa hi ɔ a kpɛti kɛ saminya a, jã ji bɔ nɛ o maa pee mɛ.

Mose V, 2:35

Wa ngɔ we mi lohwe ɔmɛ, nɛ wa ha níhi ngɛ ma amɛ a mi.