Mose V, 20:11 - BAIBLO ALOO NGMAMI KLƆUKLƆU Ɔ

¹¹ Ke ni ɔmɛ bli ma agbo ɔmɛ, nɛ a ha yi ɔ, mɛ tsuo pɛpɛɛpɛ a ma ba pee o nyɔguɛhi nɛ o maa nyɛ a nɔ nɛ a ma tsu ní kpakpataa ha mo.

Mose V, 20:11 ပူးပေါင်းရင်းမြစ်များ

Matsɛmɛ I, 5:1

Tiro matsɛ, Hiram kɛ David ɔ, huɛmɛ ji mɛ. Enɛ ɔ he je ɔ, benɛ e nu kaa a pɔ Salomo nu nɛ a wo lɛ matsɛ ngɛ David se ɔ, e tsɔ kɛ ya ha lɛ manye.

Matsɛmɛ II, 6:22

E he nɔ ke, “Dɛbi! Koo gbe mɛ! Nimli nɛ o ya nuu nyɔguɛ kɛ o klaate kɛ o kɛ̃ɛ̃ po, anɛ o maa gbe mɛ lo? Ha mɛ nɔ́ ko nɛ a ye, nɛ o ha mɛ nyu nɛ a nu, nɛ a kpale kɛ ho a nyɔmtsɛ ɔ ngɔ ya.”

La 120:7

Imi lɛɛ he jɔmi nɔmlɔ ji mi, se ke i tu munyu kɛkɛ mɛɛ lɛɛ a hia ta!

Luka 19:14

Se e ma mi bi ɔmɛ sume lɛ. Lɔ ɔ he ɔ, a tsɔ nihi kɛ fie e se ke a ya de ke, ‘Wa sume nɛ nyumu nɛ ɔ ba ye wa nɔ matsɛ.’

Mose V, 20:10

“Ke o yaa tua ma ko ɔ, moo ngmɛ jamɛ a ma a mi bi ɔmɛ blɔ nɛ a ha yi.

Mose V, 20:12

Ke jamɛ a ma a mi bi ɔmɛ sume nɛ a ha yi, se a suɔ ta mohu ɔ, ha nɛ o tabo ɔ nɛ sa a yi.

Yoshua 16:10

Efraim bi ɔmɛ fie we Kanaan bi ɔmɛ kɛ ji Gezer; lɔ ɔ he ɔ, Kanaan bi ɔmɛ ngɛ Efraim bi ɔmɛ a kpɛti kɛ ba si mwɔnɛ ɔ; se a plɛ pee Efraim bi ɔmɛ a nyɔguɛhi, nɛ a sɔmɔɔ mɛ.

Yoshua 9:27

Se kɛ̃ ɔ, e pee mɛ nyɔguɛhi, nɛ a lɛɔ lɛ́, nɛ a yaa pa kɛ haa Israel bi ɔmɛ, kɛ Yawɛ bɔ sami la tɛ ɔ. Kɛ ba si mwɔnɛ ɔ, mɛ nɛ a tsuɔ ní tsumi nɛ ɔ ngɛ he nɛ Yawɛ hla ke a ja lɛ ngɛ ɔ.

Yoshua 9:8

A de Yoshua ke, “Wa ma sɔmɔ mo.” E bi mɛ ke, “Mɛnɔmɛ ji nyɛ? Jije nyɛ je?”

Yoshua 9:9

A de lɛ ke, “Wa kpa mo pɛɛ, wa je ma se tsitsaa he ko; nɛ wa nu Yawɛ, nyɛ Mawu ɔ he. Níhi tsuo nɛ e pee ngɛ Egipt ɔ, wa nu he,

Manyadali 1:28

Benɛ Israel bi ɔmɛ a he ba wa a, a fie we Kanaan bi ɔmɛ kɛ ji zugba a nɔ pɛsɛpɛsɛ; se mohu a nyɛ a nɔ, nɛ a tsu ní ha mɛ.