Mose V, 20:1 - BAIBLO ALOO NGMAMI KLƆUKLƆU Ɔ

¹ “Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Mose V, 20:1 ပူးပေါင်းရင်းမြစ်များ

Mose I, 26:3

Hii si ngɛ hiɛ ɔ; i kɛ mo maa hi si, nɛ ma gbaa mo. Ma ngɔ zugba nɛ ɔ tsuo kɛ ha mo, kɛ o nina; nɛ si nɛ i wo o tsɛ Abraham ɔ, ma ye nɔ.

Kronika II, 14:10

Asa hia nɛ e kɛ lɛ ya kpe, nɛ tabo enyɔ ɔmɛ tsuo ya bua ngɛ Zefata kɔ̃ ɔ mi, ngɛ Maresha kasa nya.

Kronika II, 14:11

Asa fa kue ha Yawɛ e Mawu ɔ ke, “Yawɛ lee, mo nɛ o piɛɔ nihi nɛ a he wa, kɛ ni nɛmɛ nɛ a he wɛ tsuo a he! Yawɛ, wa Mawu, moo piɛ wa he koo! Ejakaa wa ngɔ wa hɛ ngɔ fɔ o nɔ. Wa ba ngɛ o biɛ mi, konɛ waa kɛ asafo babauu nɛ ɔ ba kpe. Yawɛ, mo ji wa Mawu; ko ha nɛ nɔmlɔ adesa nɛ ye o nɔ kunimi.”

Kronika II, 20:12

Mo ji wa Mawu! Moo gbla a tue ha wɔ, ejakaa wɔɔ lɛɛ ta babauu nɛ ba tua wɔ nɛ ɔ, wa be nyɛe maa da nya. Wa li bɔ nɛ wa maa pee ha; mo lɛ wa ngɛ hyɛe.”

Kronika II, 20:15

Yahaziel de ke, “Nɛnɛ Yehoshafat, nyɛ Yuda bi, kɛ Yerusalem bi tsuo, nyɛɛ bu tue! Yawɛ ke nyɛ tsui nɛ ko po, nɛ nyɛ ko ye gbeye kaa nyɛɛ kɛ ta babauu nɛ ɔ ma ya kpe, ejakaa ta a, tsa pi nyɛ nɔ́; Mawu nitsɛ ta ji ta a!

La 118:6

Nɛ Yawɛ kɛ mi ngɛ nɛ ɔ, i yi gbeye; mɛni adesa ma nyɛ maa pee mi.

La 20:7

Ni komɛ fĩaa kɛ fɔɔ a ta zugba lɛhi a nɔ; ni komɛ hu fĩaa kɛ fɔɔ a we okpɔngɔhi a nɔ; se wɔɔ lɛɛ Yawɛ, wa Mawu ɔ biɛ mi wa fĩaa ngɛ.

La 23:4

Ke i nyɛɛ diblii kpii mi po, i yi gbeye; ejakaa mo Yawɛ, o ngɛ ye kasa nya haa. O to tsɔ̃mi tso ɔ, kɛ o dɛma tso ɔ ji níhi nɛ woɔ mi he wami.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:8

Nyɛɛ hyɛ níhi nɛ Yawɛ tsu, bɔ nɛ e kpata níhi a hɛ mi ngɛ zugba a nɔ.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yeremia 16:14

Yawɛ ke, “Be ma nɛ nihi kɛ ye biɛ be kita kae hu kaa Mawu hɛ kalɔ ɔ nɛ jé Israel ma a kɛ je Egipt zugba a nɔ.

Zakaria 10:5

Ma ha nɛ Yuda bi a he maa wa. Mɛ tsuo a maa pee kaa ta buli katsɛmɛ ngɛ ta nya; a maa naa a he nyɛli a nɔ, nɛ a maa pee mɛ kaa zugba zu. I kɛ ye ma a ngɛ saminya, lɔ ɔ he ɔ, ma ha a kɛ a he nyɛli ɔmɛ maa to ní, nɛ ta okpɔngɔ nɔ hili ɔmɛ po a hɛ mi ma pue si.

Mose IV, 10:9

Ke he nyɛli ba tua nyɛ ngɛ nyɛ nitsɛmɛ nyɛ zugba nɔ, nɛ e ba mi kaa nyɛ gba ta kɛ fa nyɛ he ɔ, nyɛ kpa titimati ɔmɛ, nɛ nyɛ he ose. Kɛkɛ ɔ, Yawɛ, nyɛ Mawu ɔ ma kai nyɛ, nɛ e ma kpɔ nyɛ kɛ je nyɛ he nyɛli ɔmɛ a dɛ mi.

Mose IV, 23:21

Mawu nɛ́ Yakob he yayami ko; Mawu nɛ́ Israel he hiami ko. Yawɛ, a Mawu ɔ kɛ mɛ ngɛ; Yawɛ ji a matsɛ.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Mose V, 1:29

“Se i de nyɛ ke, ‘Nyɛ ko nu sawale, nɛ nyɛ ko ye mɛ gbeye.

Mose V, 2:7

“Nyɛ na bɔ nɛ Yawɛ, nyɛ Mawu ɔ gbaa nyɛ ngɛ nɔ́ tsuaa nɔ́ mi, nɛ e baa nyɛ yi ngɛ nga kplanaa tilaa nɛ ɔ nɔ. Jeha nyingmi eywiɛ sɔuu ji nɛ ɔ nɛ Yawɛ, nyɛ Mawu ɔ hyɛ nyɛ nɔ, nɛ nɔ́ ko nɔ́ ko hia we nyɛ.

Mose V, 20:2

Loko o ma bɔni ta a hwumi ɔ, osɔfo nɛ ba da ma a hɛ mi, nɛ e de tabo ɔ ke,

Mose V, 20:3

‘Nyɛɛ bu tue, Israel bi! Mwɔnɛ ɔ, nyɛ su ta nya. Nyɛ ko ye nyɛ he nyɛli ɔmɛ gbeye, nyɛ kã nɛ ko ta, nɛ nyɛ ko nu sawale.

Mose V, 31:6

Nyɛ he nɛ wa nɛ nyɛɛ pee kã. Nyɛ ko ye mɛ gbeye. Yawɛ, nyɛ Mawu ɔ nitsɛ kɛ nyɛ maa hi si. E be nyɛ sie, nɛ e be nyɛ kuae hulɔ.”

Mose V, 31:8

Yawɛ nitsɛ ma kpaka mo, nɛ e kɛ mo maa hi si. E be mo sie, nɛ e be mo kuae hulɔ; lɔ ɔ he ɔ, koo nu sawale; nɛ koo ye gbeye.”

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Mose V, 7:18

Nyɛ ko ye mɛ gbeye; nyɛ kai nɔ́ nɛ Yawɛ, nyɛ Mawu ɔ pee Egipt bi ɔmɛ tsuo, kɛ a matsɛ ɔ.

Mose V, 7:21

Lɔ ɔ he ɔ, nyɛ ko ye nyɛ he nyɛli ɔmɛ gbeye. Yawɛ, nyɛ Mawu ɔ kɛ nyɛ ngɛ; e ji Mawu kpetekpleenyɛ nɛ sa nɛ a ye lɛ gbeye.

Mose V, 9:3

Se mwɔnɛ ligbi nɛ ɔ, nyɛ ma na maa le kaa Yawɛ, nyɛ Mawu ɔ ji nɔ nɛ nyɛɛ nyɛ hɛ mi kɛ yaa kaa bɔ nɛ la tsoɔ gegeege kɛ sãã nɔ́ ɔ nɛ. E maa ye a nɔ ha nyɛ; e ma ha nyɛ maa fie mɛ, nɛ nyɛ ma kpata a hɛ mi amlɔ kaa bɔ nɛ Yawɛ, nyɛ Mawu ɔ wo nyɛ si ɔ.

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Yoshua 11:9

Yoshua pee bɔ nɛ Yawɛ fa lɛ ke e pee ɔ; e poo a we okpɔngɔ ɔmɛ a nane se pani, nɛ e sã a ta zugba lɛ ɔmɛ.

Manyadali 6:12

Yawɛ bɔfo ɔ je e he si tsɔɔ lɛ, nɛ e de lɛ ke, “Mo nyumu katsɛ, Yawɛ kɛ mo ngɛ!”

Manyadali 6:16

Se Yawɛ de lɛ ke, “Ma piɛ o he; o maa fia Midian bi ɔmɛ nɔ nɛ o maa gbe mɛ kaa a gbeɔ nɔ kake.”

Samuel I, 17:32

David de Saul ke, “Nɔ ko nɔ ko kó ye tsui ngɛ Filisti no nɛ ɔ he; i yaa nɛ i kɛ lɛ ya kpe.”