Mose V, 2:7 - BAIBLO ALOO NGMAMI KLƆUKLƆU Ɔ

⁷ “Nyɛ na bɔ nɛ Yawɛ, nyɛ Mawu ɔ gbaa nyɛ ngɛ nɔ́ tsuaa nɔ́ mi, nɛ e baa nyɛ yi ngɛ nga kplanaa tilaa nɛ ɔ nɔ. Jeha nyingmi eywiɛ sɔuu ji nɛ ɔ nɛ Yawɛ, nyɛ Mawu ɔ hyɛ nyɛ nɔ, nɛ nɔ́ ko nɔ́ ko hia we nyɛ.

Mose V, 2:7 ပူးပေါင်းရင်းမြစ်များ

Mose I, 12:2

Ma ha mo nina babauu, nɛ a maa pee je ma agbo. Ma gbaa mo, nɛ ma ha o ma he biɛ, nɛ a maa gu o nɔ kɛ gbaa nihi babauu.

Mose I, 24:35

Yawɛ gbaa ye nyɔmtsɛ ɔ saminya, nɛ e pee lɛ niatsɛ. Yawɛ ha lɛ tohi, nahi, sika hiɔ, sika tsu, kɛ nyɔguɛhi nyumuhi kɛ yihi, afukpɔngɔhi, kɛ tejihi.

Mose I, 26:12

Isak du ní ngɛ jamɛ a zugba a nɔ, nɛ jamɛ a jeha a, e kpa nɔ́ nɛ e du ɔ yi totoe lafa, ejakaa Yawɛ gbaa lɛ.

Mose I, 30:27

Laban he nɔ ke, “I kpa mo pɛɛ nɛ o bu nɔ́ nɛ ma de nɛ ɔ tue. I ya bi ní, nɛ a de mi ke o he nɛ Yawɛ gbaa mi ngɛ.

Mose I, 39:3

Benɛ Yosef nyɔmtsɛ ɔ na kaa Yawɛ gbaa Yosef, nɛ e haa e yeɔ manye ngɛ nɔ́ tsuaa nɔ́ mi ɔ,

Mose I, 39:5

Kɛ je jamɛ a be ɔ kɛ yaa a, Yawɛ gbaa Potifar ngɛ Yosef he. E gbaa e weto ní tsuo: e we mi níhi, kɛ e ngmɔ mi níhi tsuo.

Nehemia 9:21

Jeha nyingmi eywiɛ sɔuu nɛ a nyɛɛ nga kplanaa a nɔ ɔ, o ha mɛ nɔ́ tsuaa nɔ́ nɛ he hia mɛ: a tadehi gba we ngɛ a he, nɛ a nanehi hu fuu we.

Hiob 23:10

Se Mawu le blɔ nɛ i nyɛɛɔ nɔ ɔ; ke e ka mi ɔ, e maa na kaa ye he tsɔ kaa sika tsu.

La 1:6

Ejakaa Yawɛ buu dali a he, se yayami peeli lɛɛ a hɛ mi ma kpata.

La 107:4

Ni komɛ wo lalaalo ngɛ nga kplanaa nɔ; a nɛ blɔ ko blɔ ko nɛ a kɛ ya ma a mi nɛ a ya hi lejɛ ɔ.

La 31:7

Ma nya, nɛ ma na bua jɔmi ngɛ o suɔmi nɛ be nyagbe ɔ he. O na ye nɔ́ nami ɔ; benɛ i ngɛ haomi mi ɔ, o hyɛ ye nɔ.

La 90:17

Nyɔmtsɛ, wa Mawu, naa wɔ mɔbɔ! Ha nɛ wa ní tsumi nɛ ya nɔ! Ee, ha nɛ wa ní tsumi nɛ ya nɔ!

Mose II, 16:35

Israel bi ɔmɛ ye mana a jeha nyingmi eywiɛ kɛ ya si a ya su zugba nɛ nihi ngɛ nɔ, nɛ ji Kanaan zugba a huzu nya.

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Hosea 13:5

Imi nɛ i hyɛ nyɛ nɔ ngɛ nga kplanaa a nɔ, he nɛ nyu ko nyu ko be.

Amos 2:10

Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.

Mose IV, 1:1

Benɛ Israel bi ɔmɛ je Egipt zugba a nɔ se jeha nɛ ji enyɔ ɔ, nyɔhiɔ enyɔne ɔ we kekleekle ligbi ɔ, Yawɛ kɛ Mose tu munyu ngɛ kpe he bo tsu ɔ mi ngɛ Sinai nga a nɔ, nɛ e de lɛ ke,

Mose IV, 14:33

Nyɛ bimɛ maa wo lalaalo ngɛ nga a nɔ jeha nyingmi eywiɛ, nɛ a maa na nɔ́ ngɛ hemi kɛ yemi nɛ nyɛ be ɔ he, kɛ yaa si be nɛ nyɛ nyagbe nɔ ɔ ma gbo fɔ si ngɛ nga a nɔ.

Mose IV, 14:34

Nyɛ slaa zugba a ligbi nyingmi eywiɛ, se nyɛ ma na nyɛ yayami ɔmɛ a he tue gblami jeha nyingmi eywiɛ; ligbi kake ma plɛ pee jeha ha nyɛ. Nɛ nyɛ maa na kaa i je nyɛ se.

Mose IV, 22:12

Mawu de Balaam ke, “O kɛ mɛ ko ya, nɛ koo gbiɛ Israel ma a hulɔ; ejakaa a gbaa mɛ.”

Mose IV, 32:13

Lɔ ɔ he ɔ, Yawɛ mi mi fu Israel, nɛ e ha a wo lalaalo ngɛ nga a nɔ jeha nyingmi eywiɛ, kɛ ya si be mi nɛ jamɛ a yi nɔ bi ɔmɛ nɛ pee nɔ́ nɛ dɛ ngɛ Yawɛ hɛ mi ɔ tsuo pɛpɛɛpɛ gbo ta.

Luka 22:35

Enɛ ɔ se ɔ, Yesu bi e kaseli ɔmɛ ke, “Be ko benɛ i tsɔ nyɛ, nɛ nyɛɛ hɛɛ we sika kpɛɛ, loo kotoku, loo tokota a, anɛ nɔ́ ko hia nyɛ lo?” A he nɔ ke, “Nɔ́ ko nɔ́ ko hia we wɔ.”

Yohane 10:27

Ye to ɔmɛ buɔ mi tue; i le mɛ, nɛ a nyɛɛɔ ye se.

Mose V, 1:19

“Kaa bɔ nɛ Yawɛ, wa Mawu ɔ fa wɔ ɔ, wa hia kɛ je Sinai yo ɔ he, kɛ gu nga kplanaa nɛ nɔ ngɛ gbeye ɔ nɔ, kɛ ya be ngɛ Amor bi ɔmɛ a yo zugba amɛ a nɔ.

Mose V, 1:46

“Lɔ ɔ he ɔ, wa hi Kadesh be babauu.

Mose V, 2:14

Be nɛ e ngɔ wɔ kɛ nyɛɛ kɛ je Kadesh Barnea kɛ ba su be nɛ wa po Zered pa a pee jeha nyingmi etɛ kɛ kpaanyɔ. Jamɛ a yi nɔ bi ta buli ɔmɛ tsuo pɛpɛɛpɛ gbo kaa bɔ nɛ Yawɛ ka mɛ kita a.

Mose V, 2:6

Nyɛ ma he niye ní nɛ nyɛ maa wo he hiɔ kɛ nyu ngɛ a dɛ.’

Mose V, 29:4

Se kɛ ba si mwɔnɛ ligbi nɛ ɔ, e ha we nɛ nyɛɛ nu níhi nɛ nyɛɛ kɛ kpe ɔ a sisi lolo.

Mose V, 29:5

Jeha nyingmi eywiɛ sɔuu Yawɛ kpaka nyɛ kɛ gu nga kplanaa a nɔ; nyɛ heha ní gba we ngɛ nyɛ he, nɛ nyɛ tokota amɛ hu tsɔ we.