Mose V, 2:5 - BAIBLO ALOO NGMAMI KLƆUKLƆU Ɔ

⁵ Se nyɛɛ hyɛ saminya nɛ nyɛɛ kɛ mɛ ko hwu ta. I be nyɛ a zugba a ekoeko hae; nane mami he kake po be nyɛ nɔ́ pee; ejakaa i ngɔ Edom yo ɔ ngɔ ha Esau nina kaa a weto ní.

Mose V, 2:5 ပူးပေါင်းရင်းမြစ်များ

Mose I, 36:8

Enɛ ɔ he je ɔ, Esau hia kɛ ya hi Edom yo ɔ nɔ.

Mose I, 36:9

Esau, Edom bi ɔmɛ a tsɛ ɔ nina ji nɛ ɔ nɛ.

Yeremia 27:5

“Imi lɛ i kɛ ye he wami kpetekpleenyɛ, kɛ kɔni si wami bɔ je ɔ, nimli adesahi, kɛ lohwehi tsuo nɛ ngɛ je ɔ mi; nɛ i kɛ ní nɛ ɔmɛ haa nɔ tsuaa nɔ nɛ i suɔ.

Ezekiel 35:2

E ke, “Nɔmlɔ adesa, plɛ o hɛ mi kɛ kpee Edom zugba a, nɛ o gba kɛ si lɛ.

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Ni Tsumi 7:5

Mawu ha we Abraham nitsɛ zugba a kpɔ nɛ maa su nane ma he kake tete po. Se Mawu wo lɛ si kaa e ma ha nɛ zugba a ma ba pee e kɛ e nina a nɔ́. Benɛ Mawu wo si nɛ ɔ, Abraham be bi po.

Mose V, 2:22

Yawɛ pee Edom bi ɔmɛ nɛ ji Esau nina a jã nɔuu. E kpata Hor bi ɔmɛ a hɛ mi, nɛ Edom bi ɔmɛ ya ngɔ a zugba a, nɛ a hi lejɛ ɔ. A ngɛ lejɛ ɔ kɛ mwɔɔ.

Mose V, 2:6

Nyɛ ma he niye ní nɛ nyɛ maa wo he hiɔ kɛ nyu ngɛ a dɛ.’

Mose V, 32:8

Nɔ nɛ ngɛ hiɔwe lokoo ɔ, nɔ nɛ dla zugba a ha je ma amɛ, nɛ e to ma tsuaa ma hi he ɔ, lɛ nɛ e ha je ma tsuaa je ma e mawu.

Yoshua 24:4

I ha Isak fɔ Yakob kɛ Esau. I ngɔ Edom yo nɔ zugba a ngɔ ha Esau kaa e weto ní; se nyɛ nɛ̃, Yakob kɛ e bimɛ ɔmɛ lɛɛ a ya hi Egipt.