Mose V, 2:37 - BAIBLO ALOO NGMAMI KLƆUKLƆU Ɔ

³⁷ Hehi nɛ Yawɛ, wa Mawu ɔ fa wɔ ke wa ko ya a pɛ nɛ wa yɛ; mɛ ji Amon bi ɔmɛ a zugba a, Yabok pa a nya hiɛ kɛ hiɛ, kɛ a ma amɛ nɛ ngɛ yo nɔ ɔ, kɛ he kpa komɛ hulɔ.

Mose V, 2:37 ပူးပေါင်းရင်းမြစ်များ

Mose I, 32:22

Jamɛ a nyɔ ɔ mi nɔuu ɔ, Yakob te si, nɛ e kɛ e yihi enyɔ ɔmɛ, kɛ e mawayi enyɔ ɔmɛ, kɛ a bimɛ nyɔngma kɛ kake ɔmɛ po Yabok pa a.

Mose IV, 21:24

Se Israel bi ɔmɛ kɛ klaate tane a yi, nɛ a ngɔ a zugba a kɛ je Arnon pa a nya kɛ ya pue Yabok pa a nɛ ji Amon bi ɔmɛ a huzu ɔ nya, ejakaa Amon bi ɔmɛ a huzu ɔ, a fia gbogbo ngɛ nɔ.

Mose V, 2:19

Ke nyɛ ya su Amon bi ɔmɛ nɛ ji Lot nina a a zugba a huzu nya a, nyɛ ko hao mɛ, nɛ nyɛɛ kɛ mɛ ko hwu ta hulɔ; ejakaa i be nyɛ a zugba a ekoeko hae.’ ”

Mose V, 2:5

Se nyɛɛ hyɛ saminya nɛ nyɛɛ kɛ mɛ ko hwu ta. I be nyɛ a zugba a ekoeko hae; nane mami he kake po be nyɛ nɔ́ pee; ejakaa i ngɔ Edom yo ɔ ngɔ ha Esau nina kaa a weto ní.

Mose V, 2:9

Yawɛ de mi ke, ‘Koo hao Moab bi ɔmɛ nɛ ji Lot nina a. I ngɔ Ar ma a ngɔ ha mɛ. I be mo a zugba a eko hae.’ ”

Mose V, 3:16

I ngɔ zugba a nɛ ngɛ kɛ je Gilead kɛ ya na Arnon pa a ngɔ ha Ruben kɛ Gad wɛtso ɔmɛ. Pa a kpɛti pee a huzu ngɛ leneyi je; nɛ a huzu nɛ ngɛ omleyi je ji Yabok pa a nɛ e fa peeɔ Amon bi ɔmɛ a huzu ɔ.

Yoshua 12:2

Matsɛmɛ nɛ ɔmɛ a ti nɔ kake ji Amor bi ɔmɛ a Matsɛ Sihon nɛ hi Heshbon ɔ. E nɔ yemi hehi ji nɛ ɔmɛ nɛ: Gilead fa a, kɛ je Aroer ngɛ Arnon kɔ̃ ɔ nya kɛ gu kɔ̃ ɔ mi, kɛ ya su Yabok pa a nya ngɛ Amon bi ɔmɛ a huzu ɔ nya.

Manyadali 11:15

nɛ a ya de lɛ ke, “Bɔ nɛ Yefta de ji nɛ ɔ nɛ: Israel ngɔɛ Moab zugba, loo Amon zugba ko.

Manyadali 11:22

A ngɔ Amor bi ɔmɛ a zugba a tsuo, kɛ je Arnon kɛ ya si Yabok, kɛ je nga a nɔ kɛ ya si Yordan tɔɔ.