Mose V, 2:34 - BAIBLO ALOO NGMAMI KLƆUKLƆU Ɔ

³⁴ Jamɛ a be ɔ mi nɔuu nɛ wa ngɔ e ma amɛ tsuo, nɛ wa kpata mɛ tsuo pɛpɛɛpɛ a hɛ mi. Wa gbe nɔ tsuaa nɔ, nyumuhi, yihi, kɛ jokuɛwi tsuo; wa si we nɔ kake po.

Mose V, 2:34 ပူးပေါင်းရင်းမြစ်များ

Mose V, 3:6

Wa kpata mɛ tsuo pɛpɛɛpɛ a hɛ mi. Bɔ nɛ wa pee Heshbon matsɛ, Sihon ɔ, ja nɔuu wa pee ma tsuaa ma kɛ e mi nyumu ɔmɛ, yi ɔmɛ, kɛ jokuɛwi ɔmɛ.

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Mose V, 7:26

Nyɛ ko ngɔ amaga nɛ ɔ eko kɛ ba nyɛ we ɔmɛ a mi; ke nyɛ pee ja a, gbiɛmi nɛ ngɛ amaga amɛ a nɔ ɔ maa ba nyɛ nɔ. Nyɛɛ nyɛ, nɛ nyɛɛ hie amaga amɛ, ejakaa Yawɛ gbiɛmi ngɛ a nɔ.

Yoshua 10:28

Yoshua ye Makeda nɔ kunimi jamɛ a ligbi ɔ. E gbe ma a mi bi ɔmɛ, kɛ a matsɛ ɔ; e kpata nɔ tsuaa nɔ hɛ mi, nɛ nɔ kake po píɛ. Bɔ nɛ e pee Yeriko matsɛ ɔ, jã pɛpɛɛpɛ e pee Makeda matsɛ ɔ.

Yoshua 10:40

Yoshua ye zugba a tsuo nɔ: yo nɔ zugba a, leneyi je zugba a, nga nɔ zugba a, kɛ kɔ̃ mi zugba a, kɛ a matsɛmɛ ɔmɛ tsuo pɛpɛɛpɛ. E kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yawɛ, Israel Mawu ɔ fa ke a pee ji nɛ ɔ nɛ.

Yoshua 11:14

Israel bi ɔmɛ ha ma nɛ ɔmɛ a mi ní, kɛ lohwe ɔmɛ tsuo, se nimli ɔmɛ lɛɛ a kpata mɛ tsuo a hɛ mi; nɔ kake po píɛ.

Yoshua 6:21

A kɛ klaate kpata nɔ tsuaa nɔ hɛ mi ngɛ ma a mi: nyumuhi, yihi, jokuɛwi, kɛ nikɔtɔmahi. A kpata nahi, tohi, kɛ tejihi hu a hɛ mi.

Yoshua 7:11

Israel pee yayami! A yi somi nɛ i kɛ mɛ so ɔ nɔ; a ngɔ ní ɔmɛ nɛ i ke a kpata a hɛ mi ɔ ekomɛ kɛ piɛ mɛ nitsɛmɛ a níhi a he; a ju, nɛ a to lakpa.

Yoshua 9:24

Ni ɔmɛ he nɔ ke, “Wa kpa mo pɛɛ, wa pee ja niinɛ. Wa na le kaa anɔkuale mi ɔ, Yawɛ, nyɛ Mawu ɔ fa e tsɔlɔ Mose ke e ngɔ zugba a tsuo ngɔ ha nyɛ, nɛ e kpata ni ɔmɛ nɛ ngɛ zugba a nɔ tsuo a hɛ mi ngɛ nyɛ blɔ mi. Wa ye gbeye wawɛɛ kaa nyɛ ma ba gbe wɔ; lɔ ɔ he nɛ wa to ga nɛ ɔ nɛ.

Samuel I, 15:3

Yaa nɛ o ya tua Amalek bi ɔmɛ, nɛ o kpata a nɔ́ tsuaa nɔ́ hɛ mi. Ko si nɔ́ ko nɔ́ ko; se mohu o gbe nyumuhi kɛ yihi, jokuɛwi kɛ bimwɔwi, nahi kɛ tohi, kɛ afukpɔngɔhi kɛ tejihi tsuo pɛpɛɛpɛ.”