Mose V, 2:30 - BAIBLO ALOO NGMAMI KLƆUKLƆU Ɔ

³⁰ “Se Heshbon matsɛ, Sihon kplɛɛ we nɛ waa gu e zugba a mi kɛ be. Yawɛ, nyɛ Mawu ɔ kplii e tsui, bɔ nɛ pee nɛ waa ye e nɔ, nɛ́ wa kpɔ e zugba a ngɛ e dɛ. Jamɛ a zugba a nɔ wa ngɛ kɛ sá.

Mose V, 2:30 ပူးပေါင်းရင်းမြစ်များ

Mose IV, 21:23

Se Sihon ha we nɛ Israel bi ɔmɛ nɛ gu e zugba a nɔ. Mohu ɔ, e bua e ta a tsuo nya kɛ ho Yahaz ya, nɛ e kɛ Israel bi ɔmɛ ya hwu ta ngɛ nga a nɔ ngɛ lejɛ ɔ.

Mose II, 4:21

Yawɛ de Mose ke, “Ke o kpale kɛ ya Egipt ɔ, nyakpɛ níhi tsuo kulaa nɛ i ngɔ kɛ wo o dɛ ɔ, hyɛ nɛ o pee lɛ tsuo ngɛ Farao ɔ hɛ mi; se imi lɛɛ ma kplii Farao ɔ tsui, nɛ e be hae nɛ Israel bi ɔmɛ nɛ je.

Mose II, 11:10

Mose kɛ Aaron pee nyakpɛ ní nɛ ɔmɛ tsuo ngɛ Farao ɔ hɛ mi; se Yawɛ kplii Farao ɔ tsui, nɛ e ha we nɛ Israel bi ɔmɛ nɛ a je zugba a nɔ kɛ ho.

Yesaya 48:4

Israel bi, i le kaa nyɛ kuɛ wa; e ngɛ kpakpataa kaa dade, nɛ nyɛ yi wu tso ngɛ kpɛkpɛtɛɛ kaa akɔblee.

Manyadali 11:20

Se Sihon ngmɛ́ Israel bi ɔmɛ blɔ nɛ a gu e zugba a nɔ kɛ be. Mohu, Sihon bua e ma a tsuo nya ngɛ Yahaz, nɛ a ya tua Israel bi ɔmɛ.

Mose V, 2:31

“Jehanɛ, Yawɛ de mi ke, ‘Hyɛ, i jɔɔ Matsɛ Sihon kɛ e zugba a he ha nyɛ. Nyɛ ya ngɔ e zugba a, nɛ nyɛɛ hi nɔ.’

Matsɛmɛ I, 12:15

Matsɛ Rehoboam bui ma a tue fɛɛ! Se nɔ́ nɛ ɔ, Yawɛ he ngɛ mi; Yawɛ lɛ ha nɛ matsɛ ɔ pee ja, bɔ nɛ pee nɛ si nɛ lɛ Yawɛ, ɔ Nebat binyumu Yeroboam kɛ gu gbalɔ Ahiya nɛ je Shilo ɔ nɔ ɔ nɛ ba mi.

Kɔmɔ Yemi 3:65

Moo gbiɛ mɛ, nɛ o ha a tsui nɛ ye mɛ

Mose II, 7:14

Kɛkɛ nɛ Yawɛ de Mose ke, “Farao ɔ kplii e tsui; e kplɛɛ we nɛ e ha ni ɔmɛ nɛ a ho.

Mose IV, 21:33

Lɔ ɔ se ɔ, Israel bi ɔmɛ kpale a se ya gu Bashan blɔ ɔ nɔ. Bashan matsɛ, Og kɛ e tabo ɔ tsuo hia ta, nɛ a kɛ mɛ ba bua ngɛ Edrei, nɛ a hwu ta.

Mose IV, 21:34

Se Yawɛ de Mose ke, “Koo ye lɛ gbeye; ejakaa i ngɔ lɛ kɛ e ma a, kɛ e zugba a tsuo ngɔ wo o dɛ mi. Bɔ nɛ o pee Amor bi ɔmɛ a Matsɛ Sihon nɛ ye tsɛ ngɛ Heshbon ɔ, ja nɔuu o pee lɛ.”

Kronika II, 10:15

Matsɛ Rehoboam bui ma a tue fɛɛ! Se nɔ́ nɛ ɔ, Yawɛ he ngɛ mi. Yawɛ lɛ ha nɛ matsɛ ɔ pee ja a, bɔ nɛ pee nɛ si ko nɛ lɛ Yawɛ ɔ wo Nebat binyumu Yeroboam kɛ gu gbalɔ Ahiya nɛ je Shilo ɔ nɔ ɔ nɛ ba mi.