Mose V, 2:21 - BAIBLO ALOO NGMAMI KLƆUKLƆU Ɔ

²¹ Ma nɛ ɔ kle, nɛ e he wa; e mi ni ɔmɛ ka gagaaga kaa Anak bi. A hiɛ babauu, se Yawɛ kpata a hɛ mi. Amon bi ɔmɛ ya ngɔ a zugba a, nɛ a hi lejɛ ɔ.

Mose V, 2:21 ပူးပေါင်းရင်းမြစ်များ

Mose V, 1:28

Jije wa maa ya? Wa nyɛmimɛ ɔmɛ ha wa tsui po. A ke nihi nɛ ngɛ lejɛ ɔ je oblai; a he wa, nɛ a ka pe wɔ. A ke mahi nɛ a ngɛ mi ɔ, ma nguanguahi nɛ a fia gbogbohi nɛ ya hiɔwe ploplooplo ngɔ wo a he. Jehanɛ hu, mɛ nitsɛmɛ a na oblai nɛ ɔmɛ paa kɛ a hɛngmɛ!’

Mose V, 2:20

(A buu zugba nɛ ɔ hu kaa oblaihi nɛ a tsɛɛ mɛ Refaim ɔ a zugba; mɛ lɛ a hi lejɛ ɔ sa a; se Amon bi ɔmɛ tsɛɛ mɛ Zamzum bi.

Mose V, 2:22

Yawɛ pee Edom bi ɔmɛ nɛ ji Esau nina a jã nɔuu. E kpata Hor bi ɔmɛ a hɛ mi, nɛ Edom bi ɔmɛ ya ngɔ a zugba a, nɛ a hi lejɛ ɔ. A ngɛ lejɛ ɔ kɛ mwɔɔ.

Mose V, 3:11

Bashan matsɛ, Og pɛ ji oblaihi nɛ a tsɛɛ mɛ Refaim ɔ a ti nɔ nɛ piɛ. E dade sa tso ngɛ Amon bi ɔmɛ a ma nɛ a tsɛɔ Raba a kɛ mwɔɔ. Sa tso ɔ kami ji gugue enyɔ kɛ nine mi blimi enyɔ, nɛ e blimi ji gugue kake kaa bɔ nɛ níhi a susumi mlaa a ngɛ ɔ.

Manyadali 11:24

Nɔ́ tsuaa nɔ́ nɛ nyɛ mawu Kemosh ɔ ha nyɛ ɔ, nyɛɛ ngɔ. Wɔ hu, nɔ́ tsuaa nɔ́ nɛ Yawɛ, wa Mawu ɔ kpɔ kɛ fɔ si ha wɔ ɔ, wa maa ngɔ.