Mose V, 2:15 - BAIBLO ALOO NGMAMI KLƆUKLƆU Ɔ

¹⁵ Anɔkuale mi ɔ, Yawɛ kɛ mɛ to ní kɛ ya si mɛ tsuo a hɛ mi kpata.

Mose V, 2:15 ပူးပေါင်းရင်းမြစ်များ

La 106:26

Enɛ ɔ he je ɔ, e wo e nine nɔ nɛ e ka mɛ kita kaa e ma kpata a hɛ mi ngɛ nga a nɔ,

1 Korintobi 10:5

Se enɛ ɔ tsuo se ɔ, Mawu na we a ti nihi fuu a he tsui. Lɔ ɔ he ɔ, a kpata a hɛ mi ngɛ nga a nɔ.

Yesaya 66:14

Ke enɛ ɔ ba mi ɔ, nyɛ ma na bua jɔmi. Nyɛ ma na he wami he. Lɔ ɔ loko nyɛ maa le kaa imi Yawɛ ɔ, nihi nɛ buɔ mi tue ɔ, i piɛɔ a he, nɛ i kɛ abofu gblaa ye he nyɛli a tue.”

La 78:33

Enɛ ɔ he je ɔ, e po a wami be ɔ nɔ kpiti, nɛ dengme, kɛ nɔ́ nami sɔuu lɛ ngɛ mi.

La 32:4

Mo Yawɛ, o gbla ye tue nyɔ kɛ pia, nɛ ye he wami tsuo ta kaa bɔ nɛ nyu taa pa mi latsa be mi ɔ.

Samuel I, 7:13

Bɔ nɛ a plɛ kɛ ye Filisti bi ɔmɛ a nɔ ji nɛ ɔ nɛ. Samuel yi nɔ ɔ, Yawɛ ngmɛ́ blɔ nɛ Filisti bi ɔmɛ ya tua Israel ngɛ a zugba a nɔ hu.

Samuel I, 5:11

Lɔ ɔ he ɔ, mɛ hu a tsɛ Filisti matsɛmɛ ɔmɛ tsuo kpe, nɛ a de mɛ ke, “Nyɛ wo Israel Mawu ɔ somi daka a kɛ je hiɛ ɔ kɛ ya ha nɔtsɛmɛ, konɛ e ko ba gbe wɔ, kɛ wa ma mi bi ɔmɛ.” Sawale nu ma a tsuo, ejakaa gbenɔ hiɔ ɔ bɔni ní puɛmi momo.

Samuel I, 5:9

Se benɛ daka a ya su Gat ɔ, Yawɛ gbla ma a tue. E ha tslɔɔ fuu ma mi bi ɔmɛ tsuo, jokuɛwi kɛ nikɔtɔmahi; nɛ sawale nu nɔ tsuaa nɔ.

Samuel I, 5:6

Yawɛ gbla Ashdod bi ɔmɛ a tue wawɛɛ nitsɛ, nɛ e kɛ tslɔɔ kpata a kɛ a huza a nɔ bi ɔmɛ tsuo a hɛ mi.

Manyadali 2:15

He tsuaa he nɛ a gba ta kɛ gu kɛkɛ Yawɛ ha matahu ba po mɛ kaa bɔ nɛ e ka kita ke e maa pee mɛ ɔ. Nɛ a yi fi wawɛɛ nitsɛ.

Yuda 1:5

Nyɛ le enɛ ɔ momo lɛɛ, se i suɔ kaa ma kai nyɛ. Benɛ Nyɔmtsɛ ɔ jé Israel bi ɔmɛ si kake nyɔngloo kɛ je Egipt se ɔ, e kpata ni nɛmɛ nɛ he we yi ɔ a hɛ mi.

Mose IV, 14:28

Nyɛ de mɛ ke imi Yawɛ, i ke, ‘Ligbi abɔ nɛ ye hɛ ngɛ nɛ ɔ, ma pee ha nyɛ kaa bɔ nɛ nyɛ bi ɔ.