Mose V, 2:14 - BAIBLO ALOO NGMAMI KLƆUKLƆU Ɔ

¹⁴ Be nɛ e ngɔ wɔ kɛ nyɛɛ kɛ je Kadesh Barnea kɛ ba su be nɛ wa po Zered pa a pee jeha nyingmi etɛ kɛ kpaanyɔ. Jamɛ a yi nɔ bi ta buli ɔmɛ tsuo pɛpɛɛpɛ gbo kaa bɔ nɛ Yawɛ ka mɛ kita a.

Mose V, 2:14 ပူးပေါင်းရင်းမြစ်များ

La 106:26

Enɛ ɔ he je ɔ, e wo e nine nɔ nɛ e ka mɛ kita kaa e ma kpata a hɛ mi ngɛ nga a nɔ,

La 90:15

Bɔ nɛ o ha nɛ wa na amanehlu wawɛɛ jeha komɛ nɛ be ɔ, ha nɛ wa na bua jɔmi, nɛ wa nya ja nɔuu ngɛ be nɛ wa ngɛ mi nɛ ɔ mi.

La 90:3

O deɔ adesa ke, “Kpale kɛ ya o je he!” Kɛkɛ ɔ, nɔmlɔ plɛɔ peeɔ tabo zu.

La 90:9

Ke o mi mi fu wɔ ɔ, o poɔ wa wami be ɔ nɔ kpiti kaa a woɔ mumi.

La 95:11

Ye mi mi wo la, nɛ i ka kita ke, ‘He nɛ i to nɛ a ya jɔɔ a he ngɛ ɔ, ke a nane ma lejɛ ɔ fii!’ ”

Ezekiel 20:15

Jehanɛ hu, i ka mɛ kita ngɛ nga a nɔ ke zugba kpakpa nɛ baa ní saminya, nɛ e ngɛ fɛu pe kulaa nɛ i ngɔ ha mɛ ɔ, i kɛ mɛ be lejɛ ɔ yae hu,

Mose IV, 1:1

Benɛ Israel bi ɔmɛ je Egipt zugba a nɔ se jeha nɛ ji enyɔ ɔ, nyɔhiɔ enyɔne ɔ we kekleekle ligbi ɔ, Yawɛ kɛ Mose tu munyu ngɛ kpe he bo tsu ɔ mi ngɛ Sinai nga a nɔ, nɛ e de lɛ ke,

Mose IV, 13:26

kɛ ba na Mose, kɛ Aaron, kɛ Israel ma kpekpemi ɔ tsuo ngɛ Paran nga a nɔ, ngɛ Kadesh. A gba mɛ nɔ́ nɛ a ya na ngɛ lejɛ ɔ, nɛ a ngɔ zugba a nɔ tso yiblii komɛ hu ba tsɔɔ mɛ.

Mose IV, 32:11

‘Nyumuhi nɛ a je Egipt kɛ ba, nɛ a ye kɛ je jeha nyingmi enyɔ kɛ yaa a, akɛnɛ a nyɛɛ we ye se kɛ pi si he je ɔ, i ngɛ kita kae kaa ke a ti nɔ ko na zugba a nɛ i wo si ke ma ngɔ kɛ ha Abraham, Isak, kɛ Yakob ɔ fii!

1 Korintobi 10:5

Se enɛ ɔ tsuo se ɔ, Mawu na we a ti nihi fuu a he tsui. Lɔ ɔ he ɔ, a kpata a hɛ mi ngɛ nga a nɔ.

Mose V, 1:19

“Kaa bɔ nɛ Yawɛ, wa Mawu ɔ fa wɔ ɔ, wa hia kɛ je Sinai yo ɔ he, kɛ gu nga kplanaa nɛ nɔ ngɛ gbeye ɔ nɔ, kɛ ya be ngɛ Amor bi ɔmɛ a yo zugba amɛ a nɔ.

Mose V, 1:2

Kɛ je Sinai yo ɔ he kɛ gu Edom yo ɔ nɔ kɛ yaa Kadesh Barnea a peeɔ ligbi nyɔngma kɛ kake blɔ nyɛɛmi.

Mose V, 1:46

“Lɔ ɔ he ɔ, wa hi Kadesh be babauu.

Mose V, 2:13

“Jehanɛ, wa ya po Zered pa a kaa bɔ nɛ Yawɛ fa wɔ ɔ.

Mose V, 2:16

“Benɛ ta buli ɔmɛ tsuo a hɛ mi kpata se ɔ,

Mose V, 2:7

“Nyɛ na bɔ nɛ Yawɛ, nyɛ Mawu ɔ gbaa nyɛ ngɛ nɔ́ tsuaa nɔ́ mi, nɛ e baa nyɛ yi ngɛ nga kplanaa tilaa nɛ ɔ nɔ. Jeha nyingmi eywiɛ sɔuu ji nɛ ɔ nɛ Yawɛ, nyɛ Mawu ɔ hyɛ nyɛ nɔ, nɛ nɔ́ ko nɔ́ ko hia we nyɛ.

Yoshua 24:7

a fa kue ha mi, nɛ i ha diblii wo ngɛ a kɛ Egipt bi ɔmɛ a kpɛti. Nyagbe ɔ, i ha wo ɔ ba ha Egipt bi ɔmɛ a nɔ. Nyɛ nitsɛmɛ nyɛ na nɔ́ nɛ i pee Egipt ɔ. “ ‘Nyɛ hi nga kplanaa a nɔ be babauu.

Yoshua 5:4

Benɛ Israel bi ɔmɛ je Egipt ɔ, a po nyumu ɔmɛ tsuo momo. Se jeha nyingmi eywiɛ ɔ nɛ ma a nyɛɛ nga kplanaa a nɔ ɔ, binyumuwi nɛ a fɔ jamɛ a be ɔ mi ɔ, mɛɛ a pui mɛ lolo. Jehanɛ hu, ta buli nɛ a kɛ je Egipt ɔ, mɛ tsuo a hɛ mi kpata ngɛ blɔ ɔ nɔ; ejakaa a bui Yawɛ gbi tue. Lɔ ɔ he ɔ, kaa bɔ nɛ Yawɛ ka kita a, e ha we nɛ a na zugba kpakpa nɛ baa ní ɔ nɛ e wo a nɛmɛ ɔmɛ si ke e ma ha mɛ ɔ.

Yuda 1:5

Nyɛ le enɛ ɔ momo lɛɛ, se i suɔ kaa ma kai nyɛ. Benɛ Nyɔmtsɛ ɔ jé Israel bi ɔmɛ si kake nyɔngloo kɛ je Egipt se ɔ, e kpata ni nɛmɛ nɛ he we yi ɔ a hɛ mi.