Mose V, 19:8 - BAIBLO ALOO NGMAMI KLƆUKLƆU Ɔ

⁸ “Ke Yawɛ, o Mawu ɔ ha nɛ o zugba a ba kle kaa bɔ nɛ e de o nɛmɛ ɔmɛ ke e maa pee ɔ, nɛ e ngɔ zugba a tsuo ngɔ ha mo ɔ,

Mose V, 19:8 ပူးပေါင်းရင်းမြစ်များ

Mose V, 12:20

“Ke Yawɛ, nyɛ Mawu ɔ bli nyɛ huzu ɔmɛ a mi kaa bɔ nɛ e wo si ɔ, nyɛ ma nyɛ maa ye de lo be tsuaa be nɛ nyɛ suɔ.

Mose II, 34:24

Ma fie je ma amɛ kɛ je o blɔ ɔ nɔ, nɛ ma bli o huzu ɔmɛ a mi. Nɛ ke o ba Yawɛ, o Mawu ɔ hɛ mi si etɛ ngɛ jeha mi ɔ, nɔ ko hɛ be o zugba a nɔ kɔe.

Mose II, 23:31

Ma bli o huzu ɔmɛ a mi kɛ je Wo Tsu ɔ nya kɛ ya su Mediterenia wo ɔ nya; jehanɛ hu, kɛ je nga a nɔ kɛ ya pi Yufrate pa a. Ma ngɔ zugba a nɔ bi ɔmɛ kɛ wo o dɛ mi, nɛ o maa fie mɛ kɛ je o blɔ nɔ.

Ezra 4:20

Jehanɛ hu, a na kaa matsɛ nguahi hi Yerusalem sa a, nɛ a ye ma a nɔ kɛ ya pue Yufrate pa a se tsuo; nɛ Yerusalem he tó, kɛ sika kpahi ngɛ ma amɛ a dɛ.

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

Mose I, 28:14

O nina maa hiɛ babauu kaa tabo zu. A maa ha zugba a nɔ tsuo kɛ je beleku je kɛ yaa si bonyoku je, jehanɛ kɛ je omleyi je kɛ yaa si leneyi je. Mo, kɛ o nina a nɔ a maa gu kɛ gbaa je ma amɛ tsuo.

Mose V, 19:7

Enɛ ɔ he je nɛ i fa mo ke o to wesa he ma etɛ ɔ nɛ.