Mose V, 19:5 - BAIBLO ALOO NGMAMI KLƆUKLƆU Ɔ

⁵ Waa ngɔ lɛ kaa nihi enyɔ ho pu mi ya nɛ a ya po tso. Benɛ nɔ kake ngɛ tso ɔ poe ɔ, e gbiɛ nɛ e wo nɔ ɔ dade ɔ hia kɛ je tso ɔ nya ya fia e nyɛmi ɔ, nɛ e gbo. Ke e ba mi ja a, nɔ ɔ nɛ tu fo kɛ ya ma nɛ ɔmɛ eko mi nɛ e ya sa we ngɛ lejɛ ɔ.

Mose V, 19:5 ပူးပေါင်းရင်းမြစ်များ

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Abɛ Womi 27:12

Nɔ nɛ le ní naa yayami nɛ ma, nɛ e ya laa e he; se kuasia lɛɛ e kɛ yayami ɔ ya kpee, nɛ e naa e mi nɔ́.

Mose IV, 35:25

Ke e ba mi ja a, ma kpekpemi ɔ nɛ kpɔ nɔ nɛ gbe nɔmlɔ ɔ kɛ je muɔ he lue yelɔ ɔ dɛ mi, nɛ a kpale lɛ kɛ ya ma a mi he nɛ e tu fo kɛ ya sa we ngɛ ɔ. E ya hi lejɛ ɔ kɛ yaa si be mi nɛ osɔfo nɔkɔtɔma pe kulaa a (nɛ a pɔ lɛ nu klɔuklɔu ɔ) ma gbo.

Mose V, 19:4

Ke nɔ ko gbe nɔ tlukaa nɛ pi e he nyɛlɔ ɔ, e ma nyɛ maa tu fo kɛ ya ma nɛ ɔmɛ eko mi nɛ e ya sa we.

Mose V, 19:6

Ke wesa he ma kake pɛ nɛ a to ɔ, eko ɔ, lejɛ ɔ maa kɛ tsɔ, nɛ lue yelɔ ɔ nine maa su nɔ ɔ nɔ; nɛ e kɛ mi mi la maa gbe nɔ ko nɛ pee we nɔ́ ko yaka gu. Nyumu nɛ ɔ, e nine nɛ ya kpa ngɛ e nyɛmi ɔ nɔ tlukaa, se pi kaa e to e yi mi kaa e maa pee lɛ yayami ko.

Matsɛmɛ II, 6:4

nɛ e kɛ mɛ ho. Benɛ a ya su Yordan pa a nya a, a bɔni tso ɔmɛ hɛɛmi pue si.