Mose V, 19:4 - BAIBLO ALOO NGMAMI KLƆUKLƆU Ɔ

⁴ Ke nɔ ko gbe nɔ tlukaa nɛ pi e he nyɛlɔ ɔ, e ma nyɛ maa tu fo kɛ ya ma nɛ ɔmɛ eko mi nɛ e ya sa we.

Mose V, 19:4 ပူးပေါင်းရင်းမြစ်များ

Mose V, 4:42

konɛ ke nɔ ko li e he be nɛ e nine ya kpa ngɛ e nyɛmi nɔ tlukaa nɛ pi ninyɛ nya a, e tu fo kɛ ya sa we ngɛ lejɛ ɔ. Ke e tu fo kɛ ho ma nɛ ɔmɛ eko mi ya a, e yi ma na wami; nɛ a be lɛ gbee.

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

Kronika I, 11:2

Be ko nɛ be ɔ, benɛ Saul ngɛ tsɛ yee ngɛ wa nɔ ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Yoshua 3:4

Se kɛ̃ ɔ, blɔ maa pee gugue lafa enuɔ loo nɔ nɛ hi nyɛɛ kɛ daka a nyɛ kpɛti, konɛ nyɛɛ na he nɛ nyɛ maa gu; ejakaa nyɛ gui hiɛmɛ nɛ ɔ hyɛ.”

Mose V, 19:6

Ke wesa he ma kake pɛ nɛ a to ɔ, eko ɔ, lejɛ ɔ maa kɛ tsɔ, nɛ lue yelɔ ɔ nine maa su nɔ ɔ nɔ; nɛ e kɛ mi mi la maa gbe nɔ ko nɛ pee we nɔ́ ko yaka gu. Nyumu nɛ ɔ, e nine nɛ ya kpa ngɛ e nyɛmi ɔ nɔ tlukaa, se pi kaa e to e yi mi kaa e maa pee lɛ yayami ko.

Mose I, 31:2

Jehanɛ, Yakob yɔse kaa Laban tsɔ we e hɛ mi ha we lɛ hu kaa sa a.

Mose IV, 35:9

Yawɛ de Mose ke,

Mose IV, 35:12

Ma nɛ ɔmɛ maa pee wesa hehi ha nyɛ kɛ maa je muɔ he lue yelɔ ɔ dɛ mi. Ke nɔ ko nine ya kpa ngɛ nɔ ko nɔ tlukaa a, a ko gbe lɛ kɛ yaa si a kɛ lɛ ma ba da ma kpekpemi ɔ hɛ mi, nɛ a maa kojo lɛ lolo.

Mose V, 19:5

Waa ngɔ lɛ kaa nihi enyɔ ho pu mi ya nɛ a ya po tso. Benɛ nɔ kake ngɛ tso ɔ poe ɔ, e gbiɛ nɛ e wo nɔ ɔ dade ɔ hia kɛ je tso ɔ nya ya fia e nyɛmi ɔ, nɛ e gbo. Ke e ba mi ja a, nɔ ɔ nɛ tu fo kɛ ya ma nɛ ɔmɛ eko mi nɛ e ya sa we ngɛ lejɛ ɔ.

Samuel II, 14:11

Jehanɛ, yo ɔ de ke, “Nɛnɛ, i kpa mo pɛɛ nɛ o fa kue ha Yawɛ, o Mawu ɔ, konɛ nɔmlɔ nɛ ngɛ he blɔ kaa e yeɔ ye bi nɛ be je mi ɔ he lue ɔ, e ko ba pee yayami agbo pe kekle nɔ́ ɔ, kaa e maa gbe ye bi kaketsɛ ɔ hulɔ.” Matsɛ ɔ de lɛ ke, “I na Mawu, o bi ɔ yi bwɔmi kake po be e yi kpɛti jee kɛ nɔ si.”