Mose V, 19:17 - BAIBLO ALOO NGMAMI KLƆUKLƆU Ɔ

¹⁷ mɛ ni enyɔ ɔmɛ tsuo nɛ a ngɔ a sane ɔ kɛ ya he nɛ a jaa Mawu ngɛ ɔ, kɛ ya ha osɔfo ɔmɛ kɛ kojoli ɔmɛ nɛ a ngɛ ní tsue jamɛ a be ɔ.

Mose V, 19:17 ပူးပေါင်းရင်းမြစ်များ

Mose V, 17:9

Nyɛɛ ngɔ nyɛ sane ɔ kɛ ya pue osɔfo ɔmɛ nɛ ji Levi bi ɔmɛ, kɛ kojolɔ nɛ ngɛ ní tsue jamɛ a be ɔ mi ɔ a hɛ mi, konɛ a buá he.

Mose V, 21:5

E hia kaa Levi bi ɔmɛ, nɛ ji osɔfo ɔmɛ hu nɛ a ya lejɛ ɔ; ejakaa mɛ lɛ a hyɛɛ mlaa sane tsuaa mlaa sane nɛ kɔɔ pɛ nɛ gbenɔ jeɔ mi ɔ mi, nɛ a buá he. Yawɛ, o Mawu ɔ nitsɛ nɛ hla mɛ, nɛ́ a sɔmɔ lɛ, nɛ́ a ngɔ e biɛ kɛ gbaa.

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mose II, 22:8

Se ke a nɛ julɔ ɔ, lɛɛ a ngɔ nɔ nɛ a ha nɔ́ si tomi ɔ kɛ ba Mawu hɛ mi, loo kojoli ɔmɛ a hɛ mi, nɛ e ba ka kita kaa e nine tɛ e nyɛmi ɔ ní ɔmɛ a he.

Mose V, 25:1

“Waa ngɔ lɛ kaa Israel bi enyɔ ngɛ pɛe, nɛ a ba kojomi he ɔ, konɛ a hyɛ a sane ɔ mi ha mɛ. Nɔ nɛ nɔ́ dɛ ɔ, á bu lɛ fɔ; nɔ nɛ nɔ́ da a, á wo lɛ nguɔ.

Ezekiel 44:24

Ke sane ko ba a, osɔfo ɔmɛ nɔuu nɛ a hyɛ sane ɔ mi, nɛ á kojo ngɛ ye mlaa amɛ a nya. Mlaahi, kɛ blɔ nya tomihi nɛ kɔɔ nyami be ɔmɛ tsuo a he ɔ, a hyɛ nɛ a ye a nɔ pɛpɛɛpɛ, nɛ a pee Hejɔɔmi ligbi ɔmɛ klɔuklɔu.

Mose II, 21:6

lɛɛ e nyɔmtsɛ ɔ maa ngɔ lɛ kɛ ba Mawu hɛ mi. E kɛ lɛ ma ba da sinya a nya, loo sinya tso ɔ he ngɛ lejɛ ɔ, nɛ e maa ngɔ tue gbumi nɔ́ kɛ gbu e tue ha lɛ. Kɛkɛ e ma tsa nɔ ma sɔmɔ kɛ yaa si lɛ, nyɔguɛ ɔ ma gbo.

Mose V, 16:18

“Nyɛɛ wo kojoli kɛ tsɔli ngɛ nyɛ wɛtso ɔmɛ a mi ngɛ ma amɛ tsuo nɛ Yawɛ, nyɛ Mawu ɔ ngɛ nyɛ hae ɔ a mi. Mɛɛ a ní tsumi ji kaa a maa hyɛ nɛ dami sane yemi nɛ ma si.