Mose V, 19:13 - BAIBLO ALOO NGMAMI KLƆUKLƆU Ɔ

¹³ Koo na lɛ mɔbɔ kulaa. Koo ngmɛ blɔ nɛ nɔ gbelɔ nɛ ɔ nɛ hi hɛ ngmengmle ngɛ Israel hu; kɛkɛ ɔ, níhi a mi maa hi ha mo.

Mose V, 19:13 ပူးပေါင်းရင်းမြစ်များ

Matsɛmɛ I, 2:31

Salomo de lɛ ke, “Moo pee kaa bɔ nɛ Yoab de ɔ. Yaa fia lɛ nɔ́ nɛ o gbe, nɛ o pu lɛ nɛ o kɛ je muɔ ɔ nɛ Yoab pue si yaka a he sɔ̃ ɔ kɛ je i kɛ tsaatsɛ we ɔ wa nɔ.

Mose V, 21:9

Lɔ ɔ he ɔ, moo pee kaa bɔ nɛ Yawɛ ngɛ hlae kaa o pee ɔ, nɛ a be gbenɔ nɛ ɔ he musu woe kɛ tloo mo.

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Samuel II, 21:1

David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

Ezekiel 16:5

Ligbi ɔ nɛ a fɔ mo ɔ, nɔ ko nɔ ko nɛ́ mo mɔbɔ nɛ e maa pee ní nɛ ɔmɛ eko ha mo. Nɔ ko nɔ ko mi mi sãã we lɛ ngɛ o he, konɛ e suɔ o sane; se mohu a sake mo ngɔ hɛ fɔ nga mi; ejakaa nɔ tsuaa nɔ hie mo.

Samuel II, 21:14

A ya pu Saul kɛ e bi Yonatan a wu ɔmɛ ngɛ Benyamin zugba a nɔ ngɛ Zela, ngɛ e tsɛ Kish yɔkɔ ɔ mi; nɛ a pee nɔ́ tsuaa nɔ́ kaa bɔ nɛ matsɛ ɔ fa mɛ ɔ. Lɔ ɔ se ɔ, Mawu bu a kue nɛ a fa kɛ ha ma a tue.

Mose V, 25:12

poo yo ɔ nine; koo na lɛ mɔbɔ kulaa.

Mose V, 13:8

Koo kplɛɛ, nɛ koo bu lɛ tue tete po. Koo na lɛ mɔbɔ; koo baa e yi; koo laa e nɔ.

Mose III, 24:21

Ke nɔ ko gbe lohwe ko ɔ, e to nane mi. Se ke e gbe nɔmlɔ ɔ, lɛ hu a gbe lɛ.

Mose III, 24:17

“Nɔ tsuaa nɔ nɛ maa gbe nɔmlɔ ɔ, lɛ hu a gbe lɛ.

Mose I, 9:6

I pee nɔmlɔ kaa bɔ nɛ imi, Mawu ɔ nitsɛ i ngɛ ɔ; lɔ ɔ he ɔ, nɔ tsuaa nɔ nɛ ma pue nɔmlɔ adesa muɔ si ɔ, e nyɛmi nɔmlɔ adesa nɔuu ma pue lɛ hu e muɔ si.

Mose V, 19:12

lɔ ɔ lɛɛ e ma a mi nimeli ɔmɛ nɛ a tsɔ nɛ a ya ngɔ lɛ kɛ ba ha e nyɛmi lue yelɔ ɔ nɛ e gbe lɛ.

Mose V, 19:21

Koo na mɔbɔ kulaa ngɛ kikɛmɛ a sanehi a mi; to nane mi pɛpɛɛpɛ. Tue gblami ɔ ji kaa ke nɔ ko gbe nɔ ko ɔ, a gbe lɛ kɛ to nya; ke nɔ ko pɛ́ nɔ ko hɛngmɛ, loo e ku e lungu, loo e po nɔ ɔ nine, loo e nane ɔ, a pee lɛ jã nɔuu kɛ to nane mi.

Samuel II, 14:7

Amlɔ nɛ ɔ, weku ɔ tsuo te si wo mi nɛ a ngɛ ye nɔ nyɛe ke ma ngɔ ye bi ɔ nɛ tane e nyɛmi ɔ yi ɔ ngɔ ha mɛ nɛ a gbe lɛ kɛ ye e nyɛmi ɔ nɛ e gbe ɔ he lue. Ke a pee ja kɛkɛ a kpata gbosi ní yelɔ ɔ hu hɛ mi; kɛkɛ pe a gbe ye la tso ku nɛ piɛ ngɛ la mi ɔ ji lɔ ɔ nɛ. Lɛɛ tse ye huno biɛ maa laa gbidigbidi; nɛ e nina ko hu be piɛe ngɛ zugba a nɔ.”

Mose IV, 35:31

Jehanɛ, nyɛ ko he wami kpɔmi nɔ́ ko ngɛ nɔ ko nɛ je blɔ gbe nɔ ɔ dɛ; ja a gbe lɛ.