Mose V, 18:8 - BAIBLO ALOO NGMAMI KLƆUKLƆU Ɔ

⁸ E kɛ osɔfo kpa amɛ nɛ ngɛ lejɛ ɔ nɛ a na niye ní blɔ nya sɔsɔɛ; se nɔ́ nɛ e weku li maa mane lɛ ɔ lɛɛ e pee lɛ nɔ kake e nɔ́.

Mose V, 18:8 ပူးပေါင်းရင်းမြစ်များ

Kronika II, 31:4

Jehanɛ, matsɛ ɔ fa Yerusalem ma mi bi ɔmɛ ke a ngɔ osɔfo ɔmɛ, kɛ Levi bi ɔmɛ a blɔ nya ní ɔmɛ ba ha mɛ, bɔ nɛ pee nɛ a ngɔ a juɛmi tsuo kɛ fɔ a ní tsumi ɔmɛ a nɔ kaa bɔ nɛ Yawɛ mlaa a tsɔɔ ɔ.

Nehemia 12:44

Jamɛ a ligbi ɔ, nito hehi nɛ ngɛ sɔlemi we ɔ, nɛ a toɔ nike níhi ngɛ a mi ɔ, a ngɔ ni komɛ ngɔ to a nya, nɛ́ a hyɛ mi dlami nyɔngmanyɔngma mi kakaaka ɔmɛ, kɛ jeha mi kekleekle blɛfo ɔ, kɛ kekleekle tso yiblii nɛ fu ɔ a nɔ. Ni nɛ ɔmɛ a ní tsumi ji kaa a hyɛ nɛ a bua nike ní ɔmɛ a nya ngɛ ngmɔ ɔmɛ nɛ bɔle ma amɛ a nɔ, nɛ a kɛ ba ha osɔfo ɔmɛ, kɛ Levi bi ɔmɛ kaa bɔ nɛ mlaa a tsɔɔ ɔ. Yuda ma a tsuo bua jɔ osɔfo ɔmɛ, kɛ Levi bi ɔmɛ a he saminya;

Nehemia 12:47

Zerubabel yi nɔ, kɛ Nehemia be ɔ mi ɔ, Israel ma a tsuo ngɔɔ nike ní kɛ ba haa nɛ a kɛ hyɛ sɔlemi we ɔ lali ɔmɛ, kɛ buli ɔmɛ a nɔ daa ligbi. Ma a ngɔɔ bɔ klɔuklɔu kɛ ba haa Levi bi ɔmɛ, nɛ mɛ hu a ngɔɔ bɔ ɔ mi fa, nɛ ji osɔfo ɔmɛ a blɔ nya a kɛ haa osɔfo ɔmɛ.

Mose III, 27:30

Zugba a nɔ nɔ́ tsuaa nɔ́ mi dlami nyɔngma mi kake, wu nɛ a ma du jio, tso yiblii jio, peeɔ Yawɛ nɔ́; e ngɛ klɔuklɔu kɛ ha Yawɛ.

Mose III, 7:14

Níhi nɛ a kɛ ma bɔ sami ɔ, e je mi kakaaka kɛ pee nike ní pɔtɛɛ kɛ ha Yawɛ. Osɔfo ɔ nɛ maa tsɛ̃ muɔ ɔ kɛ pue bɔ sami la tɛ ɔ he ɔ, enɛ ɔ maa pee e nɔ́.

Mose IV, 18:21

Yawɛ de ke, “Levi bi ɔmɛ lɛɛ i ngɔ Israel níhi tsuo a mi dlami nyɔngmanyɔngma mi kakaaka kɛ ngɛ mɛ hae kaa a weto ní, ngɛ ní nɛ a tsuɔ ngɛ kpe he bo tsu ɔ mi ɔ he.

Luka 10:7

Nyɛɛ hi jamɛ a we ɔ mi nɔuu. Nɔ́ tsuaa nɔ́ nɛ a ha nyɛ ke nyɛɛ ye ɔ, nyɛɛ ye, nɛ nɔ́ tsuaa nɔ́ nɛ a ha nyɛ ke nyɛɛ nu ɔ, nyɛɛ nu; ejakaa ní tsulɔ ɔ, e hiɔwo sa lɛ. Nyɛ ko klɛ̃ kɛ je we kake mi kɛ ya we kake mi.

Mose V, 18:7

E ma nyɛ ma ba ja nɛ e sɔmɔ Yawɛ, e Mawu ɔ ngɛ lejɛ ɔ kaa bɔ nɛ Levi bi kpa amɛ nɛ ngɛ lejɛ ɔ peeɔ ɔ pɛpɛɛpɛ.