Mose V, 18:6 - BAIBLO ALOO NGMAMI KLƆUKLƆU Ɔ

⁶ “Levi no saisaa ma nyɛ maa je Israel ma amɛ eko fɛɛ eko mi kɛ ba he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose V, 18:6 ပူးပေါင်းရင်းမြစ်များ

Mose V, 12:5

Yawɛ, nyɛ Mawu ɔ maa hla he kake ngɛ nyɛ wɛtso ɔmɛ tsuo a mi, nɛ e maa ngɔ e biɛ kɛ wo lejɛ ɔ kaa e si himi he nɛ a ja lɛ ngɛ.

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

1 Timoteo 3:1

Anɔkuale sane ji kaa ke nɔ ko suɔ kaa e maa hyɛ Mawu asafo nɔ ɔ, e na ní tsumi kpakpa.

La 84:10

Ligbi kake nɛ nɔ ko maa ye ngɛ o we ɔ hi pe ligbi akpe nɛ e maa ye ngɛ he kpa ko. Ma suɔ nɛ ma pee agbo nya bulɔ ngɛ ye Mawu ɔ we ɔ mohu, pe kaa ma hi yayami peeli a we mi.

La 84:5

Nihi nɛ naa a he wami kɛ jeɔ o mi, nɛ a hlaa kaa a maa hia blɔ kɛ ya Zion yo ɔ nɔ ɔ, a gbaa mɛ.

La 27:4

Nɔ́ kake kɛkɛ lɛ i bi Yawɛ; nɔ́ kake pɛ lɛ i ngɛ hlae ngɛ e dɛ. Lɔ ɔ ji kaa ma hi Yawɛ we ɔ ye wami be ɔ tsuo; ma na Yawɛ he fɛu ɔ, nɛ ma fa kue ngɛ e we ɔ.

La 26:8

Yawɛ, i suɔ o hi he ɔ. I suɔ o we ɔ, he nɛ o hɛ mi nyami ɔ ngɛ ɔ.

Mose V, 16:2

Nyɛɛ ya he nɛ Yawɛ, nyɛ Mawu ɔ to nɛ a ja lɛ Mawu ngɛ ɔ, nɛ nyɛ ya gbe nyɛ to, loo na amɛ eko kɛ ye Hetsɔmi ɔ kɛ wo Yawɛ, nyɛ Mawu ɔ hɛ mi nyami.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose V, 18:7

E ma nyɛ ma ba ja nɛ e sɔmɔ Yawɛ, e Mawu ɔ ngɛ lejɛ ɔ kaa bɔ nɛ Levi bi kpa amɛ nɛ ngɛ lejɛ ɔ peeɔ ɔ pɛpɛɛpɛ.

Mose IV, 35:5

Kɛ je ma a nya a, nyɛ ma susu gugue 500 kɛ ya beleku je, gugue 500 kɛ ya leneyi je, gugue 500 kɛ ya bonyoku je, kɛ gugue 500 kɛ ya omleyi je, nɛ ma a maa hi kpɛti. Enɛ ɔ maa pee lohwehi a lɛmi he kɛ ha ma amɛ.

Mose V, 12:14

Nyɛɛ sã bɔ ɔmɛ ha Yawɛ ngɛ he kake nɛ lɛ nitsɛ e maa to ngɛ nyɛ wɛtso ɔmɛ a kpɛti kake zugba mi ɔ pɛ. Lejɛ ɔ pɛ nyɛɛ sã nyɛ bɔ ɔmɛ nɛ nyɛ maa sã a, nɛ nyɛɛ pee ní kpa amɛ tsuo nɛ i fa nyɛ ke nyɛɛ pee ɔ ngɛ.