Mose V, 18:5 - BAIBLO ALOO NGMAMI KLƆUKLƆU Ɔ

⁵ Levi bi ɔmɛ a wɛtso ɔ lɛ Yawɛ hla ngɛ wɛtso ɔmɛ tsuo a mi nɛ a sɔmɔ lɛ daa kaa osɔfohi.

Mose V, 18:5 ပူးပေါင်းရင်းမြစ်များ

Mose II, 29:9

Fi mlɛ mi fimi níhi kɛ wo a mlɛ mi, nɛ o bu mɛ pɛɛ. Bɔ nɛ o maa wo Aaron kɛ e binyumu ɔmɛ osɔfo ji nɛ ɔ nɛ. Kɛkɛ ɔ, osɔfo ní tsumi ɔ maa pee a nɔ́; nɛ enɛ ɔ maa pee mlaa nɛ fɔɔ si kɛ yaa neneene.

Mose IV, 16:5

nɛ e de Kora kɛ e se nyɛɛli ɔmɛ ke, “Hwɔɔ mɔtu ɔ, Yawɛ nitsɛ maa tsɔɔ wɔ nɔmlɔ nɛ ji e nɔ, kɛ nɔ nɛ ji nɔ klɔuklɔu. Nɔmlɔ nɛ ji e nɔ nɛ e maa hla a, Yawɛ ma ha nɛ e hɛ lɛ kɛ ba e ngɔ.

Mose IV, 25:13

E maa pee lɛ, kɛ e nina tsuo a nɔ́, nɛ a maa da nɔ kɛ ye osɔfo kɛ maa ya neneene. Ejakaa e kplɛɛ we nɛ nihi kɛ mi nɛ plee nɔ́ he, nɛ nɔ́ nɛ ɔ ha nɛ a kɛ Israel ma a he yayami pa mɛ.”

Mose IV, 3:10

Ngɔɔ osɔfo ní tsumi ɔ ngɔ wo Aaron, kɛ e binyumu ɔmɛ pɛ a dɛ mi; nɔ kpa ko nɛ maa hɛ lɛ kɛ su ní tsumi nɛ ɔ he ɔ, a gbe lɛ.”

Mose V, 10:8

Benɛ a ngɛ yoku ɔ he ɔ, Yawɛ hla Levi wɛtso ɔ mi nyumuhi, konɛ a hyɛ somi daka a nɔ, nɛ a sɔmɔ kaa osɔfohi, nɛ́ a ngɔ Yawɛ biɛ kɛ gbaa ma a. A blɔ nya ní tsumihi ji enɛ ɔmɛ kɛ mwɔɔ.

Mose V, 17:12

Se nɔ nɛ ma tsɔ atuã kɛ si kojolɔ, loo osɔfo ɔ nɛ ngɛ sɔmɔe jamɛ a be ɔ mi ɔ, nyɛɛ gbe lɛ; kikɛmɛ a blɔ nɛ ɔ nɔ nyɛɛ gu kɛ je yayami kɛ je Israel ma a mi.