Mose V, 18:18 - BAIBLO ALOO NGMAMI KLƆUKLƆU Ɔ

¹⁸ Ma je gbalɔ ko nɛ ngɛ kaa mo kɛ je mɛ nitsɛmɛ a kpɛti; ma tsɔɔ lɛ nɔ́ nɛ e de, nɛ lɛɛ e ma de ma a nɔ́ tsuaa nɔ́ nɛ i fa lɛ ɔ.

Mose V, 18:18 ပူးပေါင်းရင်းမြစ်များ

La 110:4

Yawɛ ka kita nɛ ɔ, nɛ e be e nya se kpalee, “Osɔfo ji mo kɛ yaa neneene kaa Melkizedek pɛ.”

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

Mose II, 4:12

Lɔ ɔ he ɔ, moo ya. Ma ha o nya mi ma tsɔ, nɛ ma tsɔɔ mo nɔ́ nɛ o de.”

Mose II, 4:15

O kɛ lɛ nɛ tu munyu, nɛ́ o tsɔɔ lɛ nɔ́ nɛ e de. Ma piɛ o kɛ lɛ tsuo nyɛ he, nɛ ma tsɔɔ nyɛ nɔ́ nɛ nyɛɛ pee.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Yesaya 51:16

Imi ji nɔ nɛ pee hiɔwe ploplooplo ɔ, nɛ i ngɔ zugba a sisi tomi ɔmɛ ngɔ ma si. Bɔ nɛ i ngɛ Yerusalem dee ji, ‘Ye ma ji mo! I wo mo mlaa, nɛ i ngɔ ye he wami kɛ ngɛ o he bue.’ ”

Yesaya 51:4

“Ye ma, nyɛɛ bu mi tue, nyɛ ta tue ha nɔ́ nɛ i ngɛ dee ɔ. Ma ngɔ ye mlaa kɛ ha je ma amɛ; nɛ lɔ ɔ maa pee kaa la ha mɛ.

Yeremia 1:9

Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.

Hosea 12:14

Israel ma a wo Yawɛ mi mi la wawɛɛ nitsɛ. Yi wu tso níhi nɛ a pee he je ɔ, a sa gbenɔ. Yawɛ maa gbla a tue ngɛ e hɛ mi si nɛ a pue ɔ he.

Amos 2:11

I hla nyɛ binyumu ɔmɛ ekomɛ nɛ i pee mɛ gbali. I pee nyɛ nihewi ɔmɛ ekomɛ Nazir bi.

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Mose IV, 12:13

Mose kpa ngmlaa kɛ tsɛ Yawɛ, nɛ e de ke, “Mawu lee, i kpa mo pɛɛ nɛ o tsa lɛ!”

Mose IV, 23:16

Kɛkɛ nɛ Yawɛ kɛ Balaam ba kpe. E tsɔɔ lɛ nɔ́ nɛ e de Balak, nɛ e ha nɛ e kpale e se, konɛ e ngɔ sɛ gbi nɛ ɔ ya ha Balak.

Mose IV, 23:5

Yawɛ tsɔɔ Balaam nɔ́ nɛ e de Balak, ne e ha nɛ e kpale e se, konɛ e ngɔ sɛ gbi nɛ ɔ ya ha Balak.

Luka 24:19

E bi ke, “Mɛni sanehi?” A he nɔ ke, “Sanehi nɛ ba Yesu nɛ je Nazaret ɔ nɔ ɔ! Nyumu nɛ ɔ, gbalɔ ji lɛ. E pee nyakpɛ níhi, nɛ e tu munyu nguahi nɛ sa Mawu, kɛ ma a tsuo a hɛ mi.

Yohane 1:21

A bi lɛ ke, “Mɛnɔ ji mo mɔ? Eliya lo?” Yohane he nɔ ke, “Tsa pi imi ji Eliya.” A bi lɛ ekohu ke, “Mo ji gbalɔ ɔ lo?” Yohane he nɔ ke, “Dɛbi!”

Yohane 1:25

kpale bi lɛ ke, “Ke pi mo ji Kristo ɔ, pi Eliya ji mo, nɛ pi mo ji gbalɔ ɔ hulɔ ɔ, lɛɛ mɛni he nɛ o ngɛ nihi sɔlee mɔ?”

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Yohane 12:48

Nɔ tsuaa nɔ nɛ kua mi, nɛ e ngɔɛ munyu nɛ i fiɛ ɔ hulɔ ɔ, nɔ ko ngɛ nɛ maa kojo lɛ. Nyagbe ligbi ɔ, munyu ɔmɛ nɛ i tu ɔ maa kojo lɛ.

Yohane 15:15

Jehanɛ i tsɛ we nyɛ tsɔli hu, ejakaa tsɔlɔ li nɔ́ nɛ e nyɔmtsɛ tsuɔ. I tsɛɔ nyɛ ye huɛmɛ mohu, ejakaa níhi tsuo nɛ i nu kɛ je Tsaatsɛ nya a, i de nyɛ.

Yohane 17:18

Bɔ nɛ o tsɔ mi je ɔ mi ɔ, ja nɔuu imi hu i ngɛ mɛ tsɔe.

Yohane 17:8

Sɛ gbi nɛ o ha mi ɔ, i kɛ ha mɛ nɛ a ngɔ, nɛ a le kaa niinɛ i je o ngɔ, nɛ mo nɛ o tsɔ mi.

Yohane 4:25

Yo ɔ de lɛ ke, “I le kaa Mesia a nɛ a tsɛɛ lɛ Kristo ɔ ma, nɛ ke e ba a, e maa tsɔɔ wɔ nɔ́ tsuaa nɔ́.”

Yohane 8:28

Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ.

Ni Tsumi 3:22

Ejakaa Mose de ke, ‘Nyɔmtsɛ nyɛ Mawu ɔ ma tle gbalɔ ko si kaa imi kɛ maa je nyɛ nyɛmimɛ ɔmɛ a kpɛti ngɔ ha nyɛ. Nyɛɛ bu lɛ tue, nɛ nyɛɛ pee nɔ́ tsuaa nɔ́ nɛ e ma de nyɛ ke nyɛɛ pee.

Ni Tsumi 7:37

Kikɛmɛ a Mose nɛ ɔ nɛ de Israel bi ɔmɛ ke, ‘Nyɔmtsɛ, nyɛ Mawu ɔ maa tsɔ gbalɔ ko kɛ je nyɛ nyɛmimɛ ɔmɛ a kpɛti kaa bɔ nɛ e tsɔ mi ɔ nɛ.’

Mose V, 18:15

Se mohu, Yawɛ nyɛ Mawu ɔ ma je gbalɔ ko nɛ ngɛ kaa imi kɛ je nyɛ nyɛmimɛ ɔmɛ a kpɛti ha nyɛ, nɛ lɛ tue nyɛɛ bu.

Mose V, 33:5

Benɛ Israel wɛtso ɔmɛ, kɛ nikɔtɔma amɛ tsuo ba bua a he nya a, Yawɛ ba pee a matsɛ.

Mose V, 34:10

Gbalɔ ko ti si hu ngɛ Israel kaa Mose, nɛ́ e kɛ Mawu tu munyu hɛ mi kɛ hɛ mi.

Mose V, 5:5

I da si ngɛ nyɛɛ kɛ Yawɛ nyɛ kpɛti jamɛ a be ɔ, konɛ ma de nyɛ nɔ́ nɛ e ngɛ dee ɔ, ejakaa nyɛ ngɛ la a gbeye yee. “Nɛ nyɛ kuɛ yo ɔ.

1 Timoteo 2:5

Mawu kake kɛkɛ lɛ ngɛ, kɛ nɔ kake nɛ dlaa Mawu kɛ adesa a kpɛti. Jamɛ a nɔ ɔ ji Kristo Yesu.

Hebribi 7:22

Slɔɔto nɛ ngɛ mi ji Yesu ba pee nɔ nɛ a gu e nɔ kɛ so somi nɛ hi pe kulaa.