Mose V, 18:17 - BAIBLO ALOO NGMAMI KLƆUKLƆU Ɔ

¹⁷ Lejɛ ɔ nɛ Yawɛ de mi ke, ‘Nɔ́ nɛ a bi ɔ da saminya.

Mose V, 18:17 ပူးပေါင်းရင်းမြစ်များ

Mose V, 5:28

“Yawɛ nu munyu ɔmɛ, benɛ nyɛɛ kɛ mi ngɛ munyu ɔmɛ tsuo tue ɔ; nɛ Yawɛ de mi ke, ‘I nu munyu ɔmɛ nɛ ma a de mo ɔ; anɔkuale ɔ sisiisi a de ɔ nɛ.

Mose V, 18:18

Ma je gbalɔ ko nɛ ngɛ kaa mo kɛ je mɛ nitsɛmɛ a kpɛti; ma tsɔɔ lɛ nɔ́ nɛ e de, nɛ lɛɛ e ma de ma a nɔ́ tsuaa nɔ́ nɛ i fa lɛ ɔ.

Mose V, 5:25

Mɛni he je e sa nɛ wa wo wa he kɛ wo gbenɔ mi ekohu? La gegeege ɔ ma ngla wɔ pɛsɛpɛsɛ. Ke wa nu Yawɛ, wa Mawu ɔ gbi ekohu ɔ, wa ma gbo.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Yesaya 50:5

Nyɔmtsɛ Yawɛ bli ye tue; i tsɔ we atuã, i kua we lɛ.

Yeremia 1:9

Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.