Mose V, 18:15 - BAIBLO ALOO NGMAMI KLƆUKLƆU Ɔ

¹⁵ Se mohu, Yawɛ nyɛ Mawu ɔ ma je gbalɔ ko nɛ ngɛ kaa imi kɛ je nyɛ nyɛmimɛ ɔmɛ a kpɛti ha nyɛ, nɛ lɛ tue nyɛɛ bu.

Mose V, 18:15 ပူးပေါင်းရင်းမြစ်များ

Ni Tsumi 7:37

Kikɛmɛ a Mose nɛ ɔ nɛ de Israel bi ɔmɛ ke, ‘Nyɔmtsɛ, nyɛ Mawu ɔ maa tsɔ gbalɔ ko kɛ je nyɛ nyɛmimɛ ɔmɛ a kpɛti kaa bɔ nɛ e tsɔ mi ɔ nɛ.’

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Luka 9:35

Kɛkɛ nɛ Mawu tu munyu kɛ je bɔku ɔ mi ke, “Ye Bi nɛ i hla ji nɛ ɔ nɛ; nyɛɛ bu lɛ tue!”

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

1 Timoteo 2:5

Mawu kake kɛkɛ lɛ ngɛ, kɛ nɔ kake nɛ dlaa Mawu kɛ adesa a kpɛti. Jamɛ a nɔ ɔ ji Kristo Yesu.

Yohane 6:29

Yesu he nɔ́ ke, “Mawu suɔ kaa nyɛ he nɔ nɛ e tsɔ ɔ nyɛɛ ye.”

Luka 24:19

E bi ke, “Mɛni sanehi?” A he nɔ ke, “Sanehi nɛ ba Yesu nɛ je Nazaret ɔ nɔ ɔ! Nyumu nɛ ɔ, gbalɔ ji lɛ. E pee nyakpɛ níhi, nɛ e tu munyu nguahi nɛ sa Mawu, kɛ ma a tsuo a hɛ mi.

1 Yohane 3:23

Nɔ́ nɛ e fa wɔ ke waa pee ji kaa wa he e Bi Yesu Kristo waa ye, nɛ waa suɔ wa sibi kaa bɔ nɛ Kristo fa wɔ ɔ.

Yohane 1:25

kpale bi lɛ ke, “Ke pi mo ji Kristo ɔ, pi Eliya ji mo, nɛ pi mo ji gbalɔ ɔ hulɔ ɔ, lɛɛ mɛni he nɛ o ngɛ nihi sɔlee mɔ?”

Luka 10:16

Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Mose V, 34:10

Gbalɔ ko ti si hu ngɛ Israel kaa Mose, nɛ́ e kɛ Mawu tu munyu hɛ mi kɛ hɛ mi.

Yohane 1:21

A bi lɛ ke, “Mɛnɔ ji mo mɔ? Eliya lo?” Yohane he nɔ ke, “Tsa pi imi ji Eliya.” A bi lɛ ekohu ke, “Mo ji gbalɔ ɔ lo?” Yohane he nɔ ke, “Dɛbi!”

Mose V, 5:5

I da si ngɛ nyɛɛ kɛ Yawɛ nyɛ kpɛti jamɛ a be ɔ, konɛ ma de nyɛ nɔ́ nɛ e ngɛ dee ɔ, ejakaa nyɛ ngɛ la a gbeye yee. “Nɛ nyɛ kuɛ yo ɔ.

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Mateo 21:11

Ma kpekpemi ɔ he nɔ ke, “Nɔ nɛ ɔ ji gbalɔ Yesu nɛ je Nazaret ngɛ Galilea a nɛ.”

Luka 2:25

Jamɛ a be ɔ mi ɔ, nyumu ko ngɛ Yerusalem nɛ a tsɛɛ lɛ Simeon. Nyumu nɛ ɔ, nɔmlɔ kpakpa ji lɛ; e yeɔ Mawu gbeye, nɛ daa nɛ ɔ, e ngɛ blɔ hyɛe nɛ Mawu ba he Israel yi wami. Mumi Klɔuklɔu ɔ ngɛ e mi.

Luka 7:16

Gbeye nu ni ɔmɛ tsuo, nɛ a je Mawu yi, nɛ a de ke, “Gbalɔ nguaa ko te si ngɛ wa kpɛti! Mawu ba, konɛ e ba kpɔ wɔ, e ma a!”

Yohane 4:19

Yo ɔ de Yesu ke, “Nyɔmtsɛ, i na kaa gbalɔ ji mo.

Yohane 9:17

Jehanɛ ɔ, Farisi bi ɔmɛ kpale bi nyumu ɔ ekohu ke, “Tse o de wɔ ke e bli o hɛngmɛ! Saminya, kɛ moo o deɔ ngɛ e he kɛɛ?” Nyumu ɔ he nɔ ke, “Gbalɔ ji lɛ.”

Mose IV, 12:6

Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.

Mose IV, 12:8

Lɛɛ i kɛ lɛ tuɔ munyu hɛ mi kɛ hɛ mi paa; se pi ngɛ abɛ gbi mi. Ye su nitsɛ po lɛɛ e na hyɛ. Mɛni he je mɔ nɛ nyɛ yi gbeye, nɛ nyɛ tu munyu kɛ si ye tsɔlɔ Mose?”

Hosea 12:14

Israel ma a wo Yawɛ mi mi la wawɛɛ nitsɛ. Yi wu tso níhi nɛ a pee he je ɔ, a sa gbenɔ. Yawɛ maa gbla a tue ngɛ e hɛ mi si nɛ a pue ɔ he.