Mose V, 18:12 - BAIBLO ALOO NGMAMI KLƆUKLƆU Ɔ

¹² Yawɛ, o Mawu ɔ sume nihi nɛ tsuɔ níhi nɛ a hiɔ nɛ ɔ; lɔ ɔ he nɛ e ngɛ je ma amɛ fiee kɛ je zugba a nɔ ngɛ o blɔ nɔ ɔ nɛ.

Mose V, 18:12 ပူးပေါင်းရင်းမြစ်များ

Matsɛmɛ II, 23:24

Jehanɛ se hu, Matsɛ Yosia gu kpade tsɛmi, klaami, amagahi nɛ a kpɛ́, wɔhi, kɛ níhi nɛ a hiee tsuo a jami ngɛ Yerusalem kɛ Yuda ma kpa amɛ a mi. E pee nɔ́ nɛ ɔ, bɔ nɛ pee nɛ mlaa amɛ nɛ a ngma ngɛ womi ɔ nɛ osɔfo Hilkia ya na ngɛ Yawɛ we ɔ, ma a nɛ a ye nɔ.

Ezekiel 31:11

lɔ ɔ he ɔ, i kua lɛ. Ma ha nubwɔ ko nine maa su e nɔ. E kɛ lɛ maa ye sisiisi; e maa pee lɛ bɔ nɛ sa lɛ ngɛ yi wu tso níhi nɛ e pee ɔ a he.

Mose III, 18:24

“Je ma amɛ nɛ i ngɛ fiee kɛ ngɛ nyɛ blɔ mi jee ɔ, níhi nɛ a pee nɛ a kɛ ble a he,

Mose III, 18:25

nɛ a kɛ ble zugba a hulɔ ɔ ji nɛ ɔmɛ nɛ. Lɔ ɔ he je nɛ i ngɛ zugba a tue gblae, nɛ zugba a hu ngɛ ni ɔmɛ fiee ɔ nɛ.

Mose III, 18:27

Nihi nɛ hi hiɛmɛ nɛ ɔ loko nyɛ ba a bɔ musu nɛ ɔmɛ tsuo kɛ ble zugba a.

Mose V, 14:27

“Nyɛ ko si Levi bi ɔmɛ nɛ ngɛ nyɛ ma amɛ a mi ɔ se; mɛɛ lɛɛ a be weto ní ko ngɛ nyɛ kpɛti.

Mose V, 22:5

“Yo kó wo nyumu tade, nɛ nyumu hu kó wo yo tade; Yawɛ o Mawu ɔ sume nihi nɛ peeɔ jamɛ a níhi.

Mose V, 9:4

“Ke Yawɛ, nyɛ Mawu ɔ fie mɛ ha nyɛ ɔ, nyɛ ko susu nɛ nyɛ de nyɛ he ke, ‘Wa dami nɛ wa da he je nɛ Yawɛ kɛ wɔ ba nɛ wa ba ngɔ zugba nɛ ɔ.’ Pi ja, se mohu je ma nɛ ɔmɛ a yi mi nɛ wa a he je nɛ Yawɛ ngɛ mɛ fiee ha nyɛ ɔ nɛ.

Mose V, 9:5

Pi kaa nyɛ hi, loo nyɛ peeɔ nɔ́ nɛ da he je nɛ Yawɛ ha nyɛ yaa ngɔ a zugba a. Mohu ɔ, a yi mi nɛ wa a he je nɛ Yawɛ, nyɛ Mawu ɔ ngɛ mɛ fiee ha nyɛ ɔ nɛ. Jehanɛ hu, Yawɛ pee ja, bɔ nɛ pee nɛ e ye si nɛ e wo nyɛ nɛmɛ, Abraham, Isak, kɛ Yakob ɔ nɔ.