Mose V, 18:11 - BAIBLO ALOO NGMAMI KLƆUKLƆU Ɔ

¹¹ e ko fi kablɛ, e ko tsɛ kpade, nɛ e ko bi ní hulɔ.

Mose V, 18:11 ပူးပေါင်းရင်းမြစ်များ

Mose III, 19:31

“Nyɛ ko ya bi ní ngɛ klaali, kɛ kunya yeli a ngɔ; ke nyɛ pee ja a, nyɛ ma ble nyɛ he. Imi ji Yawɛ, nyɛ Mawu ɔ nɛ.

Ni Tsumi 16:16

Ligbi ko benɛ wa yaa he nɛ a sɔlee ngɛ ɔ, waa kɛ nyɔguɛ yiheyo ko nɛ klaami mumi ngɛ e mi kpe. E kɛ mumi nɛ ɔ peeɔ sika kɛ haa e nyɔmtsɛmɛ ɔmɛ.

Mose II, 22:18

“Yo tsuaa yo nɛ tsuɔ kunya a, a gbe lɛ.

Mose III, 20:27

“Nyumu tsuaa nyumu, loo yo tsuaa yo nɛ hiaa, loo a biɔ ní ngɛ e ngɔ ɔ, a fia lɛ tɛ nɛ e gbo; e gbenɔ ɔ sa lɛ nitsɛ.”

Samuel I, 28:8

Kɛkɛ nɛ Saul tsake e he nɛ e wo tade kpa, nɛ gbɔkuɛ ɔ, e kɛ nyumuhi enyɔ pue nɔ kɛ ho yo ɔ ngɔ ya. E de yo ɔ ke, “Moo pee ní ha mi, nɛ nɔ tsuaa nɔ nɛ ma tsɛ e biɛ ɔ, o ha nɛ nɔ ɔ susuma nɛ ba.”

Mose III, 19:26

“Nyɛ ko ye lo nɛ muɔ ngɛ mi kɛ mwɔɔ. Nyɛ ko klaa, nɛ nyɛ ko ye kunya hulɔ.

Mose III, 20:6

“Ke nɔ ko je ye se nɛ e ya bi ní ngɛ klaali, kɛ kunya yeli a ngɔ ɔ, imi Mawu ɔ, ye hɛ maa dɔ kɛ wo lɛ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”