Mose V, 18:10 - BAIBLO ALOO NGMAMI KLƆUKLƆU Ɔ

¹⁰ Mo ko sã o bimɛ ngɛ o bɔ sami la tɛ nɔ; jehanɛ hu, nyɛ ti nɔ ko kó klaa, e ko pee nyakpɛ ní, e ko nu wɔ, e ko tsu kunya,

Mose V, 18:10 ပူးပေါင်းရင်းမြစ်များ

Mose III, 19:31

“Nyɛ ko ya bi ní ngɛ klaali, kɛ kunya yeli a ngɔ; ke nyɛ pee ja a, nyɛ ma ble nyɛ he. Imi ji Yawɛ, nyɛ Mawu ɔ nɛ.

Mose III, 19:26

“Nyɛ ko ye lo nɛ muɔ ngɛ mi kɛ mwɔɔ. Nyɛ ko klaa, nɛ nyɛ ko ye kunya hulɔ.

Mose II, 22:18

“Yo tsuaa yo nɛ tsuɔ kunya a, a gbe lɛ.

Ni Tsumi 19:19

Kunya tsuli ɔmɛ hu a ti nihi babauu ngɔ a womi ɔmɛ kɛ ba pue si ngɛ ni ɔmɛ tsuo a hɛ mi nɛ a sã. Womihi nɛ a sã a tsuo a jua nɛ a bua nya a peeɔ sika hiɔ akpe nyingmi enuɔ sɔuu.

Yesaya 47:13

Nihi nɛ le hiɔwe níhi a mi, nihi nɛ kase dodoe ɔmɛ a he ní, kɛ nihi nɛ pee hiɔwe mi dlami ɔmɛ a he foni, nɛ a deɔ mo níhi nɛ maa ba o nɔ nyɔhiɔ tsuaa nyɔhiɔ mi ɔ, ha nɛ a ba nɛ a ba he o yi wami koo! Se pɔ tɔ mo kɛ a ga womi ɔmɛ!

Mose V, 12:31

Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Kronika II, 33:6

E ngɔ e binyumuhi kɛ sã sami bɔhi ngɛ Hinom kɔ̃ ɔ mi. E kla, e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Kronika II, 28:3

E sã tsopa kɛ e he via ngɛ Hinom kɔ̃ ɔ mi. Pi lɔ ɔ kɛkɛ. E kɛ lɛ nitsɛ e bimɛ po sã sami bɔhi kɛ ha amagahi kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ mi ɔ pee ɔ pɛpɛɛpɛ.

Kronika I, 10:13

Saul gbo, ejakaa e yi Yawɛ anɔkuale. E tɔ Yawɛ mlaa amɛ a nɔ; jehanɛ hu, e ya ní peelɔ ngɔ nɛ e ya tsɛ kpade nɛ e bi lɛ ga womi,

Matsɛmɛ II, 21:6

E ngɔ e binyumu kɛ sã sami bɔ; e kla, nɛ e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Matsɛmɛ II, 17:17

A ngɔ a binyumuhi, kɛ a biyihi kɛ sã sami bɔhi, kɛ ha wɔhi. A kla, a ye kunya, nɛ a je blɔ pee yayami nɛ a kɛ wo Yawɛ mi mi la.

Matsɛmɛ II, 16:3

se mohu e ya wo Israel matsɛmɛ ɔmɛ a nane. E ngɔ lɛ nitsɛ e binyumu po kɛ sã sami bɔ kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ ɔ nɔ ɔ a kusumi yayami ɔmɛ ngɛ ɔ.

Samuel I, 28:9

Se yo ɔ de lɛ ke, “Tse mo nitsɛ o le nɔ́ nɛ Matsɛ Saul pee ɔ, kaa e kpata ní peeli, kɛ klamɔhi nɛ ngɛ zugba a nɔ ɔ a hɛ mi. Mɛni he je mɔ nɛ o ngɛ mi klama tsɔe nɛ o ha nɛ a gbe mi ɔ?”

Samuel I, 28:7

Lɔ ɔ he ɔ, Saul de e tsɔli ɔmɛ ke, “Nyɛ hla yo ko nɛ peeɔ ní ha mi nɛ ma ya e ngɔ ya bi ní.” E tsɔli ɔmɛ de lɛ ke, “Wa kpa mo pɛɛ, yo ní peelɔ ko ngɛ Endor.”

Samuel I, 28:3

Samuel ba gbo, nɛ Israel tsuo nyɛ ya ha lɛ nɛ a ya pu lɛ ngɛ Rama nɛ ji lɛ nitsɛ e ma a mi. Nɛ Saul fie ní peeli, kɛ klamɔhi tsuo kɛ je zugba a nɔ.

Galatabi 5:20

amaga jami, kunya tsumi, ninyɛ, pɛ hlami, hunga jemi, mi mi la womi, pɛ, mi gbami, nya hiɔmi,

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

Ni Tsumi 8:9

Nyumu ko nɛ a tsɛɛ lɛ Simon ngɛ ma a mi lejɛ ɔ. E tsuɔ kunya kɛ peeɔ níhi nɛ peeɔ Samaria bi ɔmɛ nyakpɛ nitsɛnitsɛ. E peeɔ e he kaa nɔmlɔ nguaa ji lɛ.

Mose I, 44:5

Mɛni he je nyɛ ju ye nyɔmtsɛ ɔ sika hiɔ kplu ɔ? Kplu pɛ nɛ e kɛ nuu nyu ji lɔ ɔ nɛ, nɛ lɔ ɔ kɛ̃ e kɛ klaa. Nyɛ pee yayami agbo!’ ”

Mose III, 20:6

“Ke nɔ ko je ye se nɛ e ya bi ní ngɛ klaali, kɛ kunya yeli a ngɔ ɔ, imi Mawu ɔ, ye hɛ maa dɔ kɛ wo lɛ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Samuel I, 15:23

Atuã tsɔmi ɔ, e ji yayami; e ngɛ kaa klaami, nɛ tue wami hu ngɛ kaa wɔ jami. Akɛnɛ o bui Yawɛ fami ɔ tue he je ɔ, lɛ hu e kua mo kaa matsɛ.”

Samuel I, 28:8

Kɛkɛ nɛ Saul tsake e he nɛ e wo tade kpa, nɛ gbɔkuɛ ɔ, e kɛ nyumuhi enyɔ pue nɔ kɛ ho yo ɔ ngɔ ya. E de yo ɔ ke, “Moo pee ní ha mi, nɛ nɔ tsuaa nɔ nɛ ma tsɛ e biɛ ɔ, o ha nɛ nɔ ɔ susuma nɛ ba.”

Matsɛmɛ II, 23:24

Jehanɛ se hu, Matsɛ Yosia gu kpade tsɛmi, klaami, amagahi nɛ a kpɛ́, wɔhi, kɛ níhi nɛ a hiee tsuo a jami ngɛ Yerusalem kɛ Yuda ma kpa amɛ a mi. E pee nɔ́ nɛ ɔ, bɔ nɛ pee nɛ mlaa amɛ nɛ a ngma ngɛ womi ɔ nɛ osɔfo Hilkia ya na ngɛ Yawɛ we ɔ, ma a nɛ a ye nɔ.

Yeremia 27:9

Lɔ ɔ he ɔ, nyɛ ko bu nyɛ gbali ɔmɛ, klaali ɔmɛ, kpade tsɛli ɔmɛ, kɛ kunya yeli ɔmɛ tue. Mɛ tsuo a deɔ nyɛ ke nyɛ ko sɔmɔ Babilonia matsɛ ɔ.

Yeremia 27:10

Lakpa gbami lɛ a ngɛ gbae kɛ ngɛ nyɛ tsɔɔe ɔ nɛ. Nɛ nɔ́ nɛ maa je mi kɛ ba ji a ma ba ngɔ nyɛ kɛ je nyɛ zugba a nɔ kɛ ya tsitsaa lokoo. Ma fie nyɛ kɛ je hiɛ ɔ, nɛ nyɛ hɛ mi ma kpata.

Mika 5:12

Ma kpata nyɛ kunya yeli ɔmɛ tsuo a hɛ mi, nɛ a be klaalɔ ko nae ngɛ nyɛ kpɛti hu.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Mose II, 22:17

Se ke yomiyo ɔ tsɛ kua ke e kɛ lɛ be nyumu ɔ hae ɔ, lɛɛ bitsɛ ɔ nɛ he yo he ní peemi nya sika ngɛ nyumu ɔ nɛ puɛ e biyo ɔ dɛ.

Matsɛmɛ II, 17:15

A kua e blɔ nya tomi ɔmɛ, kɛ somi nɛ e kɛ a nɛmɛ ɔmɛ so ɔ, kɛ slɔmihi nɛ e slɔ mɛ ɔ. A ya nyɛɛ yakayaka amagahi a se, nɛ mɛ nitsɛmɛ a plɛ pee yakayaka nimli. Je ma amɛ nɛ bɔle mɛ kɛ kpe, nɛ Yawɛ wo mɛ mlaa ngɛ a he ke a ko pee a níhi kaa mɛ ɔ, a ya nyɛɛ jamɛatsɛmɛ ɔmɛ mohu a se.

Yeremia 7:31

A ya ma bɔ sami la tɛ ko ngɛ Hinom kɔ̃ ɔ mi, konɛ a sã a binyumu ɔmɛ, kɛ a biyi ɔmɛ ngɛ nɔ. A wo bɔ sami la tɛ ɔ biɛ ke Tofet. I wui mɛ mlaa ke a pee nɔ́ ko kaa kikɛ nɛ ɔ; nɔ́ nɛ ɔ bɛ ye yi mi po hyɛ.