Mose V, 18:1 - BAIBLO ALOO NGMAMI KLƆUKLƆU Ɔ

¹ “Osɔfo ɔmɛ a weku, nɛ ji Levi weku ɔ, a ko ná zugba nɛ a dla kɛ ha Israel ma a eko. Mɛɛ lɛɛ nɔ́ nɛ a kɛ maa lɛ a he ji nike níhi, kɛ bɔhi nɛ a sãã ha Yawɛ ɔ.

Mose V, 18:1 ပူးပေါင်းရင်းမြစ်များ

Mose V, 10:9

Lɔ ɔ he je nɛ Levi wɛtso ɔ na we zugba ko kaa bɔ nɛ wɛtso kpa amɛ na a nɛ. Blɔ nya nɛ Levi bi ɔmɛ na ji kaa a pee Yawɛ osɔfohi kaa bɔ nɛ Yawɛ, nyɛ Mawu ɔ wo si ɔ.)

Yoshua 13:14

Levi bi ɔmɛ pɛ ji wɛtso nɛ Mose ha we mɛ zugba a eko. Kaa bɔ nɛ Yawɛ de Mose ɔ, Levi bi ɔmɛ lɛɛ a blɔ nya ní ji bɔhi nɛ a kɛ la sãã ngɛ bɔ sami la tɛ ɔ nɔ kɛ haa Yawɛ, Israel Mawu ɔ.

Mose V, 12:19

Jehanɛ hu, nyɛɛ hyɛ nɛ hi, konɛ nyɛ hɛ ko je Levi bi ɔmɛ a nɔ be abɔ nɛ nyɛ maa hi nyɛ zugba a nɔ ɔ.

Mose IV, 18:20

Enɛ ɔ se ɔ, Yawɛ de Aaron ke, “O be weto ní ko nae ngɛ Israel zugba a nɔ, nɛ blɔ fa mi nɔ ko hu o be nae. Imi ji o blɔ fa mi nɔ, kɛ o weto ní ngɛ Israel bi ɔmɛ a kpɛti.”

Yoshua 13:33

Levi wɛtso ɔ lɛɛ Mose ha we mɛ zugba a eko. E de mɛ ke mɛɛ a weto ní ji Yawɛ, Israel Mawu ɔ.

Mose IV, 26:62

Nyumuhi nɛ ngɛ Levi wɛtso ɔ mi, nɛ a ye kɛ je nyɔhiɔ kake kɛ yaa, nɛ a ngma a biɛ ɔ, a hiɛmi ji 23,000. A kane we mɛ kɛ piɛ we Israel bi kpa amɛ a he; ejakaa mɛɛ lɛɛ a ha we mɛ weto ní ko ngɛ Israel bi ɔmɛ a kpɛti.

Yoshua 18:7

Levi bi ɔmɛ be zugba a eko nae; mɛɛ lɛɛ a blɔ nya ni ji kaa a maa ye osɔfo kɛ ha Yawɛ. Gad, Ruben, kɛ Manase fa a, mɛ hu Yawɛ tsɔlɔ Mose ha mɛ a weto ní momo ngɛ Yordan pa a beleku je.”

Yeremia 33:18

Jehanɛ hu, a ma na osɔfohi kɛ maa je Levi wɛtso ɔ mi, nɛ osɔfo nɛ ɔmɛ maa sã sami bɔ, kɛ niye ní bɔ, kɛ bɔ kpahi ha mi daa be tsuaa be.”

Ezekiel 44:28

“Weto ní nɛ i ha Israel bi ɔmɛ, nɛ yi nɔ kake siɔ kɛ haa yi nɔ nɛ nyɛɛ se kɛ maa ya neneene ɔ, osɔfo ɔmɛ lɛɛ a nɔ́ ji osɔfo yemi; imi nitsɛ ji a weto ní, kɛ a nɔ́ tsuaa nɔ́. Lɔ ɔ he ɔ, a be weto ní kpa ko nae ngɛ Israel ma a mi.