Mose V, 17:9 - BAIBLO ALOO NGMAMI KLƆUKLƆU Ɔ

⁹ Nyɛɛ ngɔ nyɛ sane ɔ kɛ ya pue osɔfo ɔmɛ nɛ ji Levi bi ɔmɛ, kɛ kojolɔ nɛ ngɛ ní tsue jamɛ a be ɔ mi ɔ a hɛ mi, konɛ a buá he.

Mose V, 17:9 ပူးပေါင်းရင်းမြစ်များ

Ezekiel 44:24

Ke sane ko ba a, osɔfo ɔmɛ nɔuu nɛ a hyɛ sane ɔ mi, nɛ á kojo ngɛ ye mlaa amɛ a nya. Mlaahi, kɛ blɔ nya tomihi nɛ kɔɔ nyami be ɔmɛ tsuo a he ɔ, a hyɛ nɛ a ye a nɔ pɛpɛɛpɛ, nɛ a pee Hejɔɔmi ligbi ɔmɛ klɔuklɔu.

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Hagai 2:11

E de ke, “Bi osɔfo ɔmɛ nɛ a tsɔɔ bɔ nɛ a buá sane nɛ ɔ he ha.

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Mose II, 22:8

Se ke a nɛ julɔ ɔ, lɛɛ a ngɔ nɔ nɛ a ha nɔ́ si tomi ɔ kɛ ba Mawu hɛ mi, loo kojoli ɔmɛ a hɛ mi, nɛ e ba ka kita kaa e nine tɛ e nyɛmi ɔ ní ɔmɛ a he.

Mose V, 17:10

Mɛ ji ni nɛmɛ nɛ maa ma munyu ɔ nya si. Nyɛɛ pee bɔ nɛ a ma de nyɛ ɔ pɛpɛɛpɛ.

Mose V, 21:5

E hia kaa Levi bi ɔmɛ, nɛ ji osɔfo ɔmɛ hu nɛ a ya lejɛ ɔ; ejakaa mɛ lɛ a hyɛɛ mlaa sane tsuaa mlaa sane nɛ kɔɔ pɛ nɛ gbenɔ jeɔ mi ɔ mi, nɛ a buá he. Yawɛ, o Mawu ɔ nitsɛ nɛ hla mɛ, nɛ́ a sɔmɔ lɛ, nɛ́ a ngɔ e biɛ kɛ gbaa.

Zakaria 3:7

bɔ nɛ Yawɛ Tabohiatsɛ ɔ de ji nɛ ɔ nɛ: “Ke o maa ye mlaa amɛ a nɔ, nɛ o maa hɛɛ ye blɔ nya tomi ɔmɛ a mi ɔ, ma ha nɛ o ye ye we ɔ, kɛ e he kue ɔmɛ a nɔ. Ma ha mo blɔ he ngɛ nihi nɛ daa si ngɛ ye hɛ mi ɔ a kpɛti.

Mose II, 18:16

Ke nɔ ko kɛ e nyɛmi na sane ɔ, a kɛ baa ye ngɔ nɛ i hyɛɛ mi, nɛ i tsɔɔ mɛ Mawu kita amɛ, kɛ Mawu blɔ nya tomi ɔmɛ.”

Mose V, 16:18

“Nyɛɛ wo kojoli kɛ tsɔli ngɛ nyɛ wɛtso ɔmɛ a mi ngɛ ma amɛ tsuo nɛ Yawɛ, nyɛ Mawu ɔ ngɛ nyɛ hae ɔ a mi. Mɛɛ a ní tsumi ji kaa a maa hyɛ nɛ dami sane yemi nɛ ma si.

Mose V, 25:1

“Waa ngɔ lɛ kaa Israel bi enyɔ ngɛ pɛe, nɛ a ba kojomi he ɔ, konɛ a hyɛ a sane ɔ mi ha mɛ. Nɔ nɛ nɔ́ dɛ ɔ, á bu lɛ fɔ; nɔ nɛ nɔ́ da a, á wo lɛ nguɔ.

Mose V, 33:10

A maa tsɔɔ Israel bi ɔmɛ o mlaa a, konɛ a ye nɔ. A maa sã bɔ ɔmɛ ngɛ o bɔ sami la tɛ ɔ nɔ.

Kronika I, 26:29

A hla Kenania kɛ e bimɛ ɔmɛ kɛ je Izhar nina a kpɛti, nɛ a pee mɛ Israel ma a nɔ hyɛli kɛ kojoli.

Zakaria 7:3

Jehanɛ, á bi osɔfo ɔmɛ, kɛ gbali ɔmɛ munyu ke, “Jeha babauu nɛ be ɔ, kɔmɔ nɛ wa yeɔ nɛ wa haa hwɔ nyɔhiɔ enuɔne ɔ, anɛ waa ya nɔ waa hi pee kpamisa lo?”