Mose V, 17:2 - BAIBLO ALOO NGMAMI KLƆUKLƆU Ɔ

² “Alini, nyɛ maa nu ngɛ nyɛ ma amɛ nɛ Yawɛ, nyɛ Mawu ɔ ngɔ kɛ ngɛ nyɛ hae ɔ ekomɛ a mi kaa nyumu ko, loo yo ko pee yayami kɛ si Yawɛ, nyɛ Mawu ɔ; e ya yi Yawɛ somi ɔ nɔ, nɛ e tɔ̃;

Mose V, 17:2 ပူးပေါင်းရင်းမြစ်များ

Matsɛmɛ II, 18:12

Nɔ́ nɛ ha nɛ a ngɔ Samaria ji, Israel bi ɔmɛ bui Yawɛ, a Mawu ɔ tue. Somi nɛ Yawɛ kɛ mɛ so, kɛ mlaahi nɛ e tsɔlɔ Mose wo mɛ ɔ, a tɔ lɛ tsuo pɛpɛɛpɛ. A bui Mawu tue, nɛ e mlaa amɛ hu a yi nɔ.

Matsɛmɛ II, 21:3

Jami hehi nɛ e tsɛ Hezekia gbɛ ɔ, e kpale dla mɛ ekohu. E ma bɔ sami la tɛhi kɛ ha Baal, nɛ e puɛ amaga kɛ ha yo mawu ɔ nɛ a tsɛɛ Ashera a kaa bɔ nɛ Israel matsɛ, Ahab pee ɔ. E ja dodoehi hulɔ.

Hiob 31:28

Nɔ́ nɛ ɔ hu maa pee yayami nɛ sa kaa kojoli nɛ a gbla nɔ tue ngɛ he. Ke i pee ja a, kɛkɛ i kua Mawu nɛ ngɛ hiɔwe ɔ.

Mose II, 22:19

“Nɔmlɔ nɛ e kɛ lohwe ma na yo kɛ nyumu bɔmi ɔ, a gbe lɛ.

Mose II, 22:20

“Nɔ tsuaa nɔ nɛ maa sã bɔ kɛ ha mawu kpa ko, se pi imi Yawɛ ɔ, a kpata e hɛ mi.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Yeremia 34:18

I kɛ Yuda ma nimeli ɔmɛ, Yerusalem ma nimeli ɔmɛ, matsɛ we ɔ tsɔli ɔmɛ, osɔfo ɔmɛ, kɛ ma hɛ mi nyɛɛli ɔmɛ tsuo so somi. Okadi nɛ a pee ji a gbe na bi, nɛ a gba mi enyɔ, nɛ a nyɛɛ fa enyɔ ɔmɛ a mi kɛ be. Se a yi somi ɔ, kɛ blɔ nya tomi ɔmɛ a nɔ. Lɔ ɔ he ɔ, bɔ nɛ a pee na bi ɔ, ja nɔuu ma pee mɛ.

Ezekiel 16:38

Ma bu mo fɔ kaa o puɛ gba, nɛ o pue muɔ si. Ma ngɔ abofu, kɛ hunga kɛ gbla o tue, nɛ o hɛ mi ma kpata pɛsɛpɛsɛ!

Hosea 6:7

“Se benɛ ma a ya su he ko nɛ a tsɛɛ ke Adam ɔ, a kua mi; somi nɛ i kɛ mɛ so ɔ, a yi nɔ hu.

Hosea 8:1

Yawɛ ke, “Nyɛ kpa titimati! Ejakaa he nyɛli ma nɛ a ba tua ye zugba a kaa bɔ nɛ kɔle he sɔɔ kɛ saa nɔ́ ɔ. Somi nɛ i kɛ ye ma a so ɔ, a yi nɔ, nɛ a tɔ̃ ye mlaa amɛ hulɔ.

Mose III, 20:2

e de Israel bi ɔmɛ ke, “Ke nyɛ ti nɔ ko, loo nubwɔ ko nɛ ngɛ nyɛ kpɛti ngɔ e bi kɛ ha nɛ a kɛ ja mawu ɔ nɛ a tsɛɛ Molek ɔ, ma a tsuo nɛ fia lɛ tɛ nɛ e gbo.

Mose III, 26:15

ke nyɛ be ye mlaa amɛ, blɔ nya tomi ɔmɛ, kɛ somi nɛ i kɛ nyɛ so ɔ a nɔ yee ɔ,

Mose III, 26:25

Ma ha ta ma ba tua nyɛ; ma ngɔ ta a kɛ gbla nyɛ tue. Ke nyɛ bua nyɛ he nya kɛ laa nyɛ he ngɛ ma amɛ a mi ɔ, ma ha hiɔ nɛ be tsa ba maa sɛ nyɛ kpɛti; ma ngɔ nyɛ ngɔ wo nyɛ he nyɛli ɔmɛ a dɛ mi.

Mose V, 17:5

lɛɛ nyɛɛ ngɔ nɔ ɔ kɛ je ma a mi, nɛ nyɛ ya fiaa lɛ tɛ, nɛ e gbo, nyumu jio, yo jio.

Mose V, 29:18

Nyɛ nɛ nyɛ daa si ngɛ hiɛ ɔ mwɔnɛ ɔ, nyɛɛ hyɛ saminya nɛ nɔ ko nɔ ko kó je Yawɛ, wa Mawu ɔ se kɛ ya ja ma je li a mawu ɔmɛ, nyumu jio, yo jio, weku jio, wɛtso jio. Nɔ́ nɛ ɔ ngɛ kaa tso sipoku nɛ maa wa, nɛ maa ngɔ e duɔ kɛ gbla haomi kɛ ba nyɛ nɔ.

Mose V, 29:25

Mɛni he je e mi mi fu wawɛɛ kikɛ nɛ ɔ?’ Heto nɛ a ma na ji, ‘Nɔ́ he je nɛ e ba ja a ji kaa Yawɛ ma a yi somi nɛ a kɛ lɛ, a nɛmɛ a Mawu ɔ so ɔ nɔ. Lɛ ji nɔ nɛ kpaka mɛ kɛ je Egipt ɔ nɛ.

Mose V, 31:20

I ma kpaka mɛ kɛ ya zugba kpakpa nɛ baa ní saminya nɛ ɔ nɔ kaa bɔ nɛ i wo a nɛmɛ ɔmɛ si ɔ. A ma na niye ní bɔ nɛ a ngɛ hlae ngɛ lejɛ ɔ. A maa ye ní nɛ a maa tɔ, nɛ a ma na bua jɔmi. Se kɛ̃ ɔ, a maa je ye se kɛ ya ja mawu kpahi. A ma kua mi, nɛ a be somi nɛ i kɛ mɛ so ɔ nɔ yee,

Mose V, 4:23

Nyɛɛ hyɛ nɛ hi, konɛ nyɛ hɛ ko je somi nɛ Yawɛ, nyɛ Mawu ɔ kɛ nyɛ so ɔ nɔ. Mlaa nɛ e wo nyɛ ke nyɛ ko pee amaga ko ɔ, nyɛɛ ye nɔ.

Hebribi 10:28

Ke nɔ ko tɔ Mose mlaa a, nɛ a da ni enyɔ, loo etɛ a we odase nɔ kɛ bu lɛ fɔ ɔ, a nɛ́ lɛ mɔbɔ; pe a gbeɔ lɛ.

Yoshua 23:16

Ke nyɛ yi somi nɛ Yawɛ, nyɛ Mawu ɔ kɛ nyɛ so ɔ nɔ, nɛ nyɛ ya sɔmɔ mawu kpahi, nɛ nyɛ ja mɛ ɔ, lɔ ɔ lɛɛ e kɛ abofu maa gbla nyɛ tue, nɛ e be kɛe kulaa nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ e ngɔ ha nyɛ ɔ nɔ.”

Yoshua 7:11

Israel pee yayami! A yi somi nɛ i kɛ mɛ so ɔ nɔ; a ngɔ ní ɔmɛ nɛ i ke a kpata a hɛ mi ɔ ekomɛ kɛ piɛ mɛ nitsɛmɛ a níhi a he; a ju, nɛ a to lakpa.

Yoshua 7:15

Nɔ nɛ a maa na musu ní ɔmɛ ngɛ e dɛ ɔ, a kɛ la maa sã lɛ, kɛ e weku li, kɛ e nɔ́ tsuaa nɔ́. Ejakaa e tsu zo ní ngɛ Israel, nɛ imi Yawɛ, ye somi ɔ hu e yi nɔ.”

Manyadali 2:20

Kɛkɛ ɔ, Yawɛ mi mi ma fu Israel, nɛ e ma de ke, “Akɛnɛ ma nɛ ɔ yi somi ɔ nɛ i wo a nɛmɛ ɔmɛ mlaa ngɛ he ɔ nɔ, nɛ imi nitsɛ hu a bui mi he je ɔ,

Manyadali 6:31

Se Yoash de ni ɔmɛ tsuo nɛ ba bɔle lɛ ɔ ke, “Baal he nɛ nyɛ ngɛ pɛe nɛ ɔ? Baal he nɛ nyɛ ngɛ fae nɛ ɔ? Nɔ tsuaa nɔ nɛ ngɛ Baal he pɛe ɔ, a maa gbe lɛ loko je maa na. Baal ɔ, ke mawu ji lɛ ɔ, nyɛ ha e fa lɛ nitsɛ e he; e bɔ sami la tɛ lɛ a ywia a nɛ!”