Mose V, 17:17 - BAIBLO ALOO NGMAMI KLƆUKLƆU Ɔ

¹⁷ Matsɛ ɔ ko ngɔ yihi fuu; ejakaa ke e pee ja a, e tsui maa je Yawɛ he. E ko bua sika hiɔ kɛ sika tsu babauu nya ha e he.

Mose V, 17:17 ပူးပေါင်းရင်းမြစ်များ

Nehemia 13:26

I de ke, “Pi ma se yihi nɛ ha nɛ Matsɛ Salomo pee yayami ɔ? Matsɛ Salomo ji matsɛ nguaa pe je ma amɛ a matsɛmɛ ɔmɛ tsuo. Mawu suɔ e sane, nɛ e wo lɛ Israel tsuo nɔ matsɛ; se kɛ̃ ɔ, ma se yi ɔmɛ ha nɛ lɛ po e pee yayami.

Mateo 19:5

Nɛ Mawu de ke, ‘Enɛ ɔ he je ɔ, nyumu ma si e tsɛ kɛ e nyɛ, nɛ e maa mɛtɛ e yo he, nɛ mɛ ni enyɔ ɔmɛ a ma plɛ pee nɔ kake.’

La 62:10

Nyɛ ko ngɔ nyɛ hɛ kɛ fɔ amimi yemi nɔ; nyɛ ko hyɛ blɔ kaa nyɛ ma na nɔ́ kpakpa ko kɛ je ojo fiami mi. Ke nyɛ ba na ní babauu po, nyɛ ko ngɔ nyɛ hɛ kɛ fɔ nɔ.

Mose I, 2:24

Enɛ ɔ he je nɛ nyumu siɔ e tsɛ kɛ e nyɛ, nɛ e ngɔɔ e he ya mɛtɛɛ e yo he nɛ a peeɔ nɔ kake ɔ nɛ.

Malaki 2:15

O kɛ o yo ɔ, anɛ Mawu pee we nyɛ ni enyɔ ɔmɛ kake lo? Mɛni he je lɛ Mawu pee ja a? Mawu pee nɔ́ nɛ ɔ, bɔ nɛ pee nɛ nyɛ fɔ bimɛ nɛ ma ba pee lɛ nitsɛ e ma. Lɔ ɔ he ɔ, si nɛ nyɛ wo nyɛ nihe mi yi kpeekpee ɔmɛ ɔ, nyɛɛ hyɛ saminya nɛ nyɛ ti nɔ ko kó je se kɛ ya pee nɔ́ kpa.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

1 Timoteo 6:9

Nihi nɛ hlaa kaa a na ní ɔ, a sɛɛ ka mi. A ya dii kuasia níhi, kɛ akɔnɔ yayami se. Enɛ ɔ haa nɛ a hemi kɛ yemi taa, nɛ a hɛ mi kpataa.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Mateo 13:22

Wu nɛ ya pue mio mi ɔ daa si ha nihi nɛ nuɔ sɛ gbi ɔ, se je nɛ ɔ mi he nya gbami, kɛ sika suɔmi gbee sɛ gbi ɔ, nɛ e wui yiblii.

Matsɛmɛ I, 10:21

Sika tsu a kɛ pee Matsɛ Salomo nyu numi kpluhi tsuo. Níhi nɛ ngɛ Lebanon hue tsu ɔ mi hu sika tsu ngmingmiingmi sɔuu lɛ a kɛ pee mɛ; sika hiɔ be mi, ejakaa a bui sika hiɔ he akɔtaa ngɛ Salomo be ɔ mi.

Samuel II, 5:13

Benɛ David hia kɛ je Hebron kɛ ba Yerusalem ɔ, e ba ngɔ yihi babauu, nɛ e su plahi fuu; nɛ a fɔ binyumuhi kɛ biyihi ha David kɛ piɛ kekle ni ɔmɛ a he.

Samuel II, 12:11

Nɔ́ nɛ Yawɛ ngɛ mo dee ji nɛ ɔ nɛ: ‘Ma ha mo nitsɛ o we ɔ mi no ko ma tsɔ atuã kɛ wo mo. Ma kpɔ o yi ɔmɛ ngɛ o dɛ hɛ mi paa, nɛ ma ngɔ mɛ ngɔ ha o nyɛmi ko; nɛ e kɛ mɛ maa hwɔ piani katakata.

Matsɛmɛ I, 10:27

Salomo yi nɔ ɔ, a pee we sika hiɔ, kɛ seda he nɔ́ ko ngɛ Yerusalem; sika hiɔ ngɛ kaa tɛ, nɛ seda tso hu pɔ he kaa bɔ nɛ sikamore tso pɔ he ngɛ Yuda kɔ̃ ɔmɛ a mi.

Kronika II, 1:15

Salomo yi nɔ ɔ, sika hiɔ kɛ sika tsu hiɛ babauu ngɛ Yerusalem kaa tɛ; seda tso hu pɔ he kaa sikamore tso.

Kronika II, 11:21

Yihi tsuo nɛ Rehoboam ngɔ ji nyɔngma kɛ kpaanyɔ, kɛ plãhi hu nyingmi ekpa. E ngɛ binyumuhi nyingmi enyɔ kɛ kpaanyɔ, kɛ biyihi nyingmi ekpa. Nɔ nɛ e suɔ pe kulaa ngɛ e yi ɔmɛ kɛ e plã amɛ a kpɛti ji Absalom biyo Maaka.

Abɛ Womi 31:3

Koo ngɔ o he wami kɛ ha yihi. Matsɛmɛ tete po nɛ nyɛɛɔ yihi a se ɔ, a hɛ mi kpataa.

Kronika I, 14:3

Benɛ David ba Yerusalem ɔ, e ngɔ yihi babauu, nɛ a fɔ binyumuhi kɛ biyihi ha lɛ.