Mose V, 17:16 - BAIBLO ALOO NGMAMI KLƆUKLƆU Ɔ

¹⁶ Matsɛ ɔ ko hi ta okpɔngɔhi babauu; nɛ e ko tsɔ kɛ ya he okpɔngɔhi ngɛ Egipt; ejakaa Yawɛ de ke e ma a ko kpale kɛ ya lejɛ ɔ gblegbleegble.

Mose V, 17:16 ပူးပေါင်းရင်းမြစ်များ

Samuel II, 8:4

David nuu Hadadezer okpɔngɔ ta buli akpe kɛ e nya lafa kpaago, kɛ ta buli nɛ nyɛɛɔ nane akpe nyingmi enyɔ. David poo okpɔngɔ ɔmɛ tsuo a nane se pani, nɛ e si ta zugba lɛ lafa nya okpɔngɔhi pɛ.

Matsɛmɛ I, 1:5

Absalom senɔ Adoniya, nɛ ji David yo, Hagit binyumu ɔ ba bɔni e he nɔ womi, nɛ e fia pɛɛ si kaa ja e ye matsɛ kokooko. Enɛ ɔ he je ɔ, e dla e he kɛ ta zugba lɛhi, okpɔngɔhi, kɛ nyumuhi nyingmi enuɔ nɛ a maa hi fo tue kɛ nyɛɛ e hɛ mi. Adoniya he ngɛ fɛu saminya; e wami be mi tsuo e tsɛ kã we e hɛ mi hyɛ.

Matsɛmɛ I, 4:26

Salomo ngɛ okpɔngɔ tsu akpe nyingmi eywiɛ kɛ ha e ta zugba lɛ ɔmɛ, kɛ okpɔngɔ ta buli hu akpe nyɔngma kɛ enyɔ.

Matsɛmɛ I, 5:6

Lɔ ɔ he ɔ, ha nɛ a hɛ seda tsohi ngɛ Lebanon ha mi. Ye tsɔli ɔmɛ ma ba piɛ o tsɔli ɔmɛ a he, nɛ ma wo o tsɔli ɔmɛ hiɔ bɔ tsuaa bɔ nɛ o maa tsɔɔ. Kaa bɔ nɛ mo nitsɛ o le ɔ, nɔ ko nɔ ko be Israel nɛ le tso hɛmi kɛ nyɛ Sidon bi ɔmɛ sɔ.”

Kronika II, 1:16

Matsɛ Salomo tsɔli ya heɔ okpɔngɔ ngɛ Musri kɛ Kilikia kɛ ba haa lɛ.

Kronika II, 9:25

Jehanɛ, Matsɛ Salomo ngɛ okpɔngɔhi a tsu akpe eywiɛ kɛ ha e ta zugba lɛ ɔmɛ, kɛ okpɔngɔ ɔmɛ. E ngɛ ta okpɔngɔhi hu akpe nyɔngma kɛ enyɔ. Ta okpɔngɔ ɔmɛ ekomɛ ngɛ e ngɔ ngɛ Yerusalem, nɛ e ngɔ ekomɛ hu ya to ma kpa komɛ a mi.

La 20:7

Ni komɛ fĩaa kɛ fɔɔ a ta zugba lɛhi a nɔ; ni komɛ hu fĩaa kɛ fɔɔ a we okpɔngɔhi a nɔ; se wɔɔ lɛɛ Yawɛ, wa Mawu ɔ biɛ mi wa fĩaa ngɛ.

Mose II, 13:17

Benɛ Farao ɔ ha nɛ Israel bi ɔmɛ je ɔ, Mawu kpakaa we mɛ kɛ gu blɔ kpiti ɔ nɛ gu Filisti bi ɔmɛ a zugba a mi ɔ. Mawu de ke, “Ke ta ba na ma nɛ ɔ pɛ, ke o li peemi ɔ, a yi mi ma plɛ, nɛ a maa kpale kɛ ho Egipt ya.”

Mose II, 13:18

Lɔ ɔ he ɔ, Mawu kpaka mɛ kɛ ya lɔgɔ si kɛ gu nga nɔ blɔ ɔ ngɛ Wo Tsu ɔ he. Israel bi ɔmɛ dla a he kɛ ha ta, benɛ a hia kɛ je Egipt zugba a nɔ ɔ.

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Yesaya 2:7

A zugba a nɔ hyi kɛ sika hiɔ kɛ sika tsu; a li a juetli ɔ nya. A we okpɔngɔ ɔmɛ hu hiɛ babauu, nɛ a ta zugba lɛ ɔmɛ hu a li nya.

Yeremia 42:19

I ya nɔ nɛ i de ke, “Nyɛ ni nɛmɛ nɛ nyɛ piɛ ngɛ Yuda a, Yawɛ de nyɛ ke, ‘Nyɛ ko ya Egipt.’ Nyɛ ná nɛ nyɛɛ le kaa i bɔ nyɛ kɔkɔ mwɔnɛ ligbi nɛ ɔ,

Ezekiel 17:15

Se Yuda matsɛ ɔ tsɔ atuã; e tsɔ nihi kɛ ho Egipt ya, konɛ a ha lɛ okpɔngɔhi, kɛ ta buli nɛ he hiɛ. Anɛ e ma nyɛ maa ye kunimi lo? Anɛ matsɛ nɛ ɔ yi ma na wami lo? Ke e yi somi ɔ nɔ ɔ, anɛ e yi ma na wami lo?”

Hosea 11:5

“Akɛnɛ a kua ye ngɔ bami ɔ, a maa kpale kɛ ho Egipt ya, nɛ Asiria maa ye a nɔ.

Hosea 14:3

Asiria be nyɛe ma he wa yi wami. Wa be wa he ngɔe kɛ fɔ ta okpɔngɔhi a nɔ. Wa be wa amaga amɛ dee hu ke mɛ ji wa Mawu. Yawɛ, mo nɛ o naa awusahi mɔbɔ.”

Mika 5:10

Yawɛ ke, “Jamɛ a be ɔ, ma kpɔ okpɔngɔ ɔmɛ ngɛ nyɛ dɛ, nɛ ma kpata nyɛ ta zugba lɛ ɔmɛ a hɛ mi.

Mose V, 28:68

E ngɛ mi kaa Yawɛ de ke nyɛ be kpalee kɛ ya Egipt gblegbleegble lɛɛ, se e maa wo nyɛ lɛ, nɛ e maa kpale nyɛ kɛ ya lejɛ ɔ. Nyɛ ma hla kaa nyɛ maa jua nyɛ he kaa nyɔguɛ ha nyɛ he nyɛli ɔmɛ ngɛ lejɛ ɔ, se a be nɔ ko nae nɛ ma he nyɛ.”

Samuel I, 8:11

E de mɛ ke, “Matsɛ ɔ nɛ ma ba ye nyɛ nɔ ɔ, bɔ nɛ e maa pee nyɛ ji nɛ ɔ nɛ. E maa ngɔ nyɛ binyumu ɔmɛ ngɔ pee e ta buli; ni komɛ maa hi e ta zugba lɛ ɔmɛ a mi, ni komɛ maa hi e ta okpɔngɔ ɔmɛ a nɔ, nɛ ni komɛ hu maa hi fo tue ngɛ ta zugba lɛ ɔmɛ a hɛ mi.