Mose V, 17:15 - BAIBLO ALOO NGMAMI KLƆUKLƆU Ɔ

¹⁵ Nyɛɛ hyɛ saminya, konɛ nɔ nɛ nyɛ ngɛ hlae kaa e ye matsɛ ɔ, e pee nɔ nɛ Yawɛ hla. E pee nyɛ ma mi no; nyɛ ko ngɔ nubwɔ kɛ to matsɛ nɛ e ye nyɛ nɔ.

Mose V, 17:15 ပူးပေါင်းရင်းမြစ်များ

Yeremia 30:21

A nɔ yelɔ ɔ maa je mɛ nitsɛmɛ a ma a mi; a matsɛ ɔ maa je mɛ nitsɛmɛ nɔuu a kpɛti. Ma tsɛ lɛ, nɛ e maa ba ye ngɔ. Mɛnɔ ma nyɛ maa hɛ lɛ kɛ su ye he be mi nɛ i tsɛ we lɛ? A maa pee ye ma, nɛ imi hu ma pee a Mawu. Imi, Yawɛ lɛ i de.”

Kronika I, 22:10

Lɛ ji nɔ nɛ ma ba po we ha mi. E maa pee ye bi, nɛ imi hu ma pee e tsɛ. E nina maa ye matsɛ ngɛ Israel kɛ maa ya neneene.’ ”

Kronika I, 12:23

Benɛ David ngɛ Hebron ɔ, ta buli nɛ a je blɔ tsɔse mɛ babauu ya piɛ e he ngɛ lejɛ ɔ, konɛ a kpɔ matsɛ yemi ɔ ngɛ Saul dɛ kɛ ha lɛ kaa bɔ nɛ Yawɛ de to ɔ. Bɔ nɛ a hiɛmi ngɛ ha ji nɛ ɔmɛ nɛ. Yuda: ta buli 6,800. A mia saminya, nɛ a hɛɛ tsɛ̃i kɛ akplɔ; Simeon: ta buli 7,100 nɛ a je blɔ tsɔse mɛ; Levi: ta buli 4,600; Yehoyada se nyɛɛli nɛ ji Aaron nina: ta buli 3,700; Niheyo katsɛ ko nɛ a tsɛɛ lɛ Zadok ɔ kɛ e nyɛmimɛ: asafoatsɛmɛ 22; Benyamin (Saul nitsɛ e wɛtso ɔ): ta buli 3,000 (Benyamin bi ɔmɛ a ti nihi babauu ngɛ Saul se kɛ mwɔɔ); Efraim: ta buli katsɛmɛ nɛ he biɛ ngɛ a weku ɔmɛ a mi 20,800; Manase wɛtso fa a: ta buli 18,000 nɛ a je blɔ hla mɛ ke a ya nɛ a ya wo David matsɛ ɔ; Isakar: asafoatsɛmɛ 200 kɛ a we bi ngɛ a sisi, (Kikɛmɛ a asafoatsɛmɛ nɛ ɔmɛ le nɔ́ nɛ sa kaa Israel nɛ a pee, kɛ be tutuutu nɛ sa nɛ a pee); Zebulun: ta buli 50,000 nɛ le ta hwumi saminya, kɛ ta hwumi níhi saisaa a he ní tsumi. A le ta gbami saminya, nɛ a yi mi pee we mɛ enyɔɔnyɔ; Naftali: asafoatsɛmɛ 1,000 kɛ a we bi 37,000 nɛ hɛɛ tsɛ̃i kɛ akplɔ; Dan: ta buli 28,600 nɛ a je blɔ tsɔse mɛ; Asher: ta buli 40,000 nɛ a le ta gbami saminya; Wɛtsohi nɛ je Yordan pa a se, nɛ ji Ruben, Gad, kɛ Manase wɛtso fa a: ta buli 120,000 nɛ le ta hwumi ní slɔɔtohi a he ní tsumi.

Samuel I, 10:24

Samuel de ma a tsuo ke, “Nyumu ɔ nɛ Yawɛ hla ji nɛ ɔ nɛ. Nɔ ko nɔ ko be kaa lɛ ngɛ ma mi bi ɔmɛ tsuo a kpɛti.” Kɛkɛ nɛ ma a tsuo hwɔ lele nɛ a de ke, “Matsɛ yi nɛ e na wa!”

Yeremia 2:25

I de mo ke, Israel, kpa mawu kpahi a se nyɛɛmi, bɔ nɛ pee nɛ o nane nɛ ko ba gbo, nɛ kuma ba gbe mo. Se o de ke, ‘Dɛbi! I be ye se kpalee; i suɔ ma se mawuhi, nɛ ma se mawuhi a se lɛ ma nyɛɛ.’ ”

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

La 2:2

Zugba a nɔ matsɛmɛ ɔmɛ pee kake. Nɔ yeli ɔmɛ so ngɔ wo Yawɛ, kɛ matsɛ ɔ nɛ e hla a a he.

Samuel II, 5:2

Be ko nɛ be benɛ Saul ngɛ tsɛ yee ngɛ wa nɔ po ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Mateo 22:17

Lɔ ɔ he ɔ, de wɔ; kɛ o susuu kɛɛ? Anɛ mlaa ngmɛɛ blɔ kaa a tsu tó ha Kaisare ɔ, aloo a ko tsu?”

Kronika I, 28:5

E ha mi bimɛ babauu, nɛ e hla Salomo kɛ je ye binyumu ɔmɛ tsuo a kpɛti ke e ba hi matsɛ sɛ ɔ nɔ nɛ e ye Yawɛ nitsɛ ma, Israel ɔ nɔ.

Samuel I, 8:5

nɛ a de lɛ ke, “O nɛ, o bwɔ, nɛ o binyumu ɔmɛ ya wo we o nane; lɔ ɔ he ɔ, moo wo matsɛ ha wɔ nɛ e ye wa nɔ kaa bɔ nɛ je ma kpa amɛ ngɛ ɔ.”

Samuel I, 16:3

Moo kpee Ishai kɛ ba bɔ sami ɔ, nɛ ma tsɔɔ mo nɔ́ nɛ o pee. O maa pɔ nɔmlɔ nɛ ma tsɔɔ mo ɔ nu, nɛ o wo lɛ matsɛ ha mi.”

Samuel II, 5:1

Jehanɛ, Israel wɛtso ɔmɛ tsuo ba David ngɔ ngɛ Hebron nɛ a ba de lɛ ke, “O nɛ, wa nyɛmi tutuutu ji mo.

La 89:20

I ngɔ ye nu klɔuklɔu ɔ kɛ pɔ ye tsɔlɔ David, nɛ i wo lɛ matsɛ.