Mose V, 17:14 - BAIBLO ALOO NGMAMI KLƆUKLƆU Ɔ

¹⁴ “Ke nyɛ ya ngɔ zugba a nɛ Yawɛ, nyɛ Mawu ɔ ngɛ nyɛ hae ɔ, nɛ e ba pee nyɛ nɔ ɔ, nyɛ ma de ke nyɛ maa wo matsɛ kaa bɔ nɛ ma amɛ nɛ bɔle nyɛ ɔ tsuo pee ɔ.

Mose V, 17:14 ပူးပေါင်းရင်းမြစ်များ

Samuel I, 12:19

nɛ a de Samuel ke, “Kpa Yawɛ, o Mawu ɔ pɛɛ ha wɔ, konɛ wa ko gbo; ejakaa wa na jehanɛ kaa ngɛ wa yayami kpa amɛ a se ɔ, wa pee yayami kaa wa bi ke a ha wɔ matsɛ.”

Yoshua 1:13

“Nyɛ kai kaa Yawɛ tsɔlɔ Mose de nyɛ ke Yawɛ, nyɛ Mawu ɔ ma ha nyɛ zugba nɛ ɔ ngɛ Yordan beleku je, nɛ e maa pee nyɛ hi he.

Mose V, 26:9

Jehanɛ, e kɛ wɔ ba su hiɛ ɔ, nɛ e ha wɔ zugba nɛ hi, nɛ baa ní saminya nɛ ɔ.

Mose V, 26:1

“Ke e ba mi kaa o ya su zugba nɛ Yawɛ, o Mawu ɔ ngɔ ha mo ɔ nɔ, nɛ e pee o nɔ́ nɛ o ngɛ nɔ ɔ,

Mose V, 18:9

“Ke o ya su zugba a nɛ Yawɛ, o Mawu ɔ ngɛ mo hae ɔ nɔ ɔ, mo ko pee je ma amɛ nɛ ngɛ lejɛ ɔ a ní hiɔmi ní ɔmɛ.

Mose V, 11:31

E su be nɛ nyɛ maa po Yordan pa a, nɛ nyɛ ma ya ngɔ zugba a nɛ Yawɛ, nyɛ Mawu ɔ kɛ ngɛ nyɛ hae ɔ nɛ nyɛɛ hi nɔ. Ke nyɛ ya ngɔ zugba a, nɛ nyɛ ngɛ nɔ ɔ,

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Mose III, 14:34

mlaa nɛ ɔmɛ nɛ kɔɔ wehi nɛ a he fu ja a he. Ke Israel bi ɔmɛ ya su zugba a nɛ Yawɛ ngɔ ha mɛ kaa a weto ní ɔ nɔ ɔ, mlaa nɛ sa kaa a ye nɔ ji nɛ ɔ nɛ.

Mose IV, 33:53

Nyɛɛ ngɔ zugba a, nɛ nyɛɛ hi nɔ; ejakaa i ngɔ kɛ ha nyɛ nɛ e pee nyɛ nɔ.

Yoshua 21:43

Yawɛ ngɔ zugba a tsuo ngɔ ha Israel bi ɔmɛ kaa bɔ nɛ e ka a nɛmɛ ɔmɛ kita ke e ma ha mɛ ɔ. Benɛ a nine su zugba a nɔ ɔ, a hi lejɛ ɔ.

Samuel I, 8:11

E de mɛ ke, “Matsɛ ɔ nɛ ma ba ye nyɛ nɔ ɔ, bɔ nɛ e maa pee nyɛ ji nɛ ɔ nɛ. E maa ngɔ nyɛ binyumu ɔmɛ ngɔ pee e ta buli; ni komɛ maa hi e ta zugba lɛ ɔmɛ a mi, ni komɛ maa hi e ta okpɔngɔ ɔmɛ a nɔ, nɛ ni komɛ hu maa hi fo tue ngɛ ta zugba lɛ ɔmɛ a hɛ mi.

Samuel I, 10:19

Imi ji nyɛ Mawu nɛ jeɔ nyɛ kɛ jeɔ haomi, kɛ nɔ́ nami tsuo mi. Se mwɔnɛ ɔ, nyɛ kua mi, nɛ nyɛ bi ke ma ha nyɛ matsɛ. Yoo, nyɛ ba bua nyɛ he nya wɛtso nya wɛtso nya, kɛ weku nya weku nya ngɛ Yawɛ hɛ mi.’ ”

Samuel I, 10:25

Jehanɛ Samuel tsɔɔ ma a bɔ nɛ matsɛ yemi ɔ blɔ nya tomi ngɛ ha, matsɛ ɔ blɔ nya nɛ e hɛɛ, kɛ e ní tsumi. E ngma nɔ́ nɛ ɔ kɛ wo womi mi, nɛ e ngɔ ya fɔ Yawɛ hɛ mi. Lɔ ɔ se ɔ, Samuel ha ma a nane, nɛ nɔ tsuaa nɔ ho e we mi ya.

Samuel I, 16:3

Moo kpee Ishai kɛ ba bɔ sami ɔ, nɛ ma tsɔɔ mo nɔ́ nɛ o pee. O maa pɔ nɔmlɔ nɛ ma tsɔɔ mo ɔ nu, nɛ o wo lɛ matsɛ ha mi.”