Mose V, 17:11 - BAIBLO ALOO NGMAMI KLƆUKLƆU Ɔ

¹¹ Nyɛɛ kplɛɛ bɔ nɛ a maa ma munyu ɔ nya si ɔ; nɛ nyɛɛ ye blɔ nya tomi ɔmɛ nɛ a maa tsɔɔ nyɛ ɔ a nɔ fitsofitso.

Mose V, 17:11 ပူးပေါင်းရင်းမြစ်များ

Samuel II, 14:19

Matsɛ ɔ bi lɛ ke, “Anɛ Yoab le ní nɛ ɔmɛ tsuo a he nɔ́ ko lo?” Yo ɔ he nɔ ke, “I na nɛnɛ, kaa nɔ ko nɔ ko be nyɛe maa je nɔ́ nɛ o de nɛ ɔ he nɔ́. O tsɔlɔ Yoab tutuutu ji nɔ nɛ tsɔ mi; nɛ lɛ nɔuu nɛ e tsɔɔ mi nɔ́ nɛ ma ba de mo ɔ nɛ.

Abɛ Womi 4:27

Koo pee yayami. Ko gba kɛ je blɔ nɛ da nɔ; yaa o hɛ mi tɛɛ.

Mose III, 10:11

Nyɛɛ tsɔɔ Israel bi ɔmɛ mlaa amɛ tsuo kulaa nɛ́ imi Yawɛ, i wo mɛ kɛ gu Mose nɔ ɔ.”

Mose V, 17:10

Mɛ ji ni nɛmɛ nɛ maa ma munyu ɔ nya si. Nyɛɛ pee bɔ nɛ a ma de nyɛ ɔ pɛpɛɛpɛ.

Mose V, 17:20

Enɛ ɔ ma ha nɛ e be susue kaa e hi pe e nyɛmimɛ Israel fɔfɔɛ ɔmɛ; nɛ e maa ye Yawɛ mlaa amɛ a nɔ pɛpɛɛpɛ. Lɔ ɔ loko e matsɛ yemi ɔ se maa kɛ, nɛ e bimɛ, kɛ e nina maa ye Israel nɔ be babauu.

Mose V, 25:1

“Waa ngɔ lɛ kaa Israel bi enyɔ ngɛ pɛe, nɛ a ba kojomi he ɔ, konɛ a hyɛ a sane ɔ mi ha mɛ. Nɔ nɛ nɔ́ dɛ ɔ, á bu lɛ fɔ; nɔ nɛ nɔ́ da a, á wo lɛ nguɔ.

Mose V, 28:14

Nyɛ ko kpale kɛ je mlaa nɛ ɔmɛ a he kɔkɔɔkɔ; nyɛ ko ya ja mawu kpahi, nɛ nyɛ ko sɔmɔ mɛ hulɔ.

Mose V, 5:32

“Israel ma, i ngɛ nyɛ dee ke nyɛɛ hyɛ saminya, nɛ nyɛɛ ye nɔ́ tsuaa nɔ́ nɛ Yawɛ, nyɛ Mawu ɔ ngɛ nyɛ fae ke nyɛɛ pee ɔ nɔ. Nyɛ ko gbo e mlaa amɛ ekoeko tue.

Tito 3:1

Mo kai o we bi ɔmɛ, nɛ a ba a he si ngɔ ha ma nɔ yeli, kɛ ni nɛmɛ nɛ hɛɛ blɔ nya. Á bu mɛ, nɛ a pee klaalo kaa a ma tsu ní tsumi kpakpa be tsuaa be.

Yoshua 1:7

Kaa bɔ nɛ i ngɛ dee ɔ, moo lɛɛ o he nɛ wa, nɛ o pee kã kɛkɛ; lɔ ɔ ji kaa, o maa ye mlaa a tsuo nɛ ye tsɔlɔ Mose wo mo ɔ nɔ sisiisi. Kó si ekoeko, nɛ he tsuaa he nɛ o maa ya a, o maa ye manye.

Yoshua 23:6

Lɔ ɔ he ɔ, nɔ́ tsuaa nɔ́ nɛ a ngma ngɛ Mose mlaa womi ɔ mi ɔ, nyɛɛ ye nɔ sisiisi. Nyɛ ko si eko,

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

Yuda 1:8

Jã nɔuu lakpa tsɔɔli nɛ ɔmɛ hu bleɔ he lo ɔ; a teɔ si kɛ siɔ Mawu nɔ yemi ɔ, nɛ a jɛɔ ni klɔuklɔuhi nɛ ngɛ hiɔwe ɔ po.