Mose V, 17:1 - BAIBLO ALOO NGMAMI KLƆUKLƆU Ɔ

¹ “Nyɛ ko ngɔ na, loo to nɛ kpa, loo nɔ́ ko yayami ngɛ e he kɛ sã bɔ ha Yawɛ, nyɛ Mawu ɔ; Yawɛ hiɔ jamɛ a bɔ.

Mose V, 17:1 ပူးပေါင်းရင်းမြစ်များ

Mose V, 15:21

Ke lohwe ɔmɛ a nane kplɔ ngɛ a sisi, loo a hɛngmɛ yu, loo sakpa ko ngɛ a he ɔ, koo ngɔ mɛ kɛ sã bɔ ha Yawɛ, o Mawu ɔ.

Malaki 1:8

Ke nyɛ ngɔ lohwe hɛ yuyuilɔ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe akpaketsɛ, aloo lohwe hiɔtsɛ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe kaa kikɛ nɛ ɔ ya ke nyɛ amlaalo ɔ, anɛ e ma na nyɛ he bua jɔmi, aloo e maa pee nyɛ hiami níhi ha nyɛ lo?”

Mose V, 23:18

Jehanɛ hu, hiɔ nɛ a woɔ yaholɔ, loo nyumu nɛ e kɛ e nyɛmi nyumu hwɔɔ ɔ, a ko ngɔ kɛ ba Yawɛ hɛ mi kaa siwo nɔ yemi bɔ. Yawɛ hiee nihi nɛ tsuɔ ní nɛ ɔmɛ.

Mose V, 24:4

Ke e ba mi ja a, nyumu nɛ e kɛ hi si kekleekle ɔ ko kpale ngɔ lɛ kɔkɔɔkɔ; ejakaa yo ɔ ble e he. Yawɛ hiɔ kaa e maa kpale ngɔ lɛ ekohu. Ko tsu musu ní kaa kikɛ nɛ ɔ ngɛ zugba nɛ Yawɛ, o Mawu ɔ ngɔ kɛ ngɛ mo hae ɔ nɔ.

1 Petro 1:19

se mohu, gbenɔ nɛ Kristo gbo, nɛ e ngɔ e he kɛ sã bɔ nɛ he jua wa a. Ee, Kristo ngɛ kaa to bi nɛ kpa, aloo mu ko be e he.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Abɛ Womi 11:1

Susumi ní yayahi nɛ a kɛ sisiɔ nɔ ɔ, Yawɛ sume. Nɔ́ nɛ e suɔ ji nɔ́ susumi ní kpakpahi.

Abɛ Womi 6:16

Ní kpaago komɛ nɛ Yawɛ hiee, nɛ e sume saasaa ji: Hewo, Lakpa yemi, Nɔ nɛ pee we nɔ́ ko e muɔ si puemi, Ga yayami tomi, He sɔmi kɛ yayami peemi, Lakpa odase yelɔ, kɛ Nɔ nɛ woɔ e nyɛmimɛ a kpɛti pɛ.

Mose V, 25:16

Ejakaa Yawɛ sume nihi nɛ sisiɔ nɔ.

Mose II, 12:5

To ɔ nɛ pee to ku nɛ ye jeha kake, nɛ kpa ko kulaa be e he. E pee jijɔ, loo apletsi.

Mose I, 41:19

Na yo kpaago kpa hu hia kpo kɛ nyɛɛ a se kɛ ba; mɛɛ lɛɛ a flãã nɛ a ngɛ kanyakanya. I nɛ nahi kɛ a he tai nɛ ɔmɛ a henɔ hyɛ ngɛ Egipt zugba a tsuo nɔ.

Abɛ Womi 20:10

Nihi nɛ ngɔɔ sɛni, kɛ sɛni tɛhi nɛ dɛ kɛ tsuɔ ní ɔ, Yawɛ sume mɛ.

Mose III, 1:3

Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

Mose IV, 29:8

Nyɛɛ ngɔ lohwe nɛ ɔmɛ kɛ sã sami bɔ nɛ jee via saminya, nɛ saa Yawɛ hɛ mi: na ku kake, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.