Mose V, 16:8 - BAIBLO ALOO NGMAMI KLƆUKLƆU Ɔ

⁸ Nyɛɛ ye abolo kplolo ligbi ekpa, nɛ ligbi nɛ ji kpaago ɔ, nyɛ bua nyɛ he nya kɛ ja Yawɛ, nyɛ Mawu ɔ; nyɛ ko tsu ní tsumi ko jamɛ a ligbi ɔ.

Mose V, 16:8 ပူးပေါင်းရင်းမြစ်များ

Kronika II, 7:9

A ye ligbi kpaago kɛ tsukɔ bɔ sami la tɛ ɔ he, nɛ Gbasisihimi nyami be ɔ hu a ye ligbi kpaago. Nyagbe ligbi ɔ, a bɔ gua klɛdɛɛ ko, nɛ a kɛ mu nyami be ɔ nya.

Nehemia 8:18

Kɛ je kekleekle ligbi ɔ nɔ kɛ ya si be nɛ a gbe nyami be ɔ nya a, a kaneɔ Mawu mlaa a fa ko daa ligbi. A ye Gbasisihimi nyami be nɛ ɔ ligbi kpaago, nɛ ligbi kpaanyɔne ɔ, a pee nyagbe kpe kaa bɔ nɛ mlaa a tsɔɔ ɔ.

Yoel 1:14

Nyɛɛ wo mlaa nɛ ma a tsuo nɛ ha hwɔ; nɛ a ba bua a he nya. Nyɛ bua Yuda ma nimeli ɔmɛ, kɛ ma a tsuo a nya ngɛ Yawɛ, nyɛ Mawu ɔ we ɔ nɛ nyɛɛ fa kue ha lɛ.

Mose III, 23:36

Daa ligbi ɔ, nyɛɛ sã niye ní bɔ nɛ a kɛ la sãã. Nyɛɛ pee enɛ ɔ ligbi kpaago. Ligbi nɛ ji kpaanyɔ ɔ, nyɛ bua nyɛ he nya ekohu nɛ nyɛ ja Mawu, nɛ nyɛɛ ngɔ niye ní bɔ nɛ a kɛ la sãã kɛ ba ha Yawɛ. E ji jami ligbi; nyɛ ko tsu ní tsumi kpakpataa ko jamɛ a ligbi ɔ.

Mose IV, 28:25

Ligbi nɛ ji kpaago ɔ, nyɛ bua nyɛ he nya, nɛ nyɛ ja Mawu; nyɛ ko tsu ní tsumi ko nɛ he wa.