Mose V, 16:5 - BAIBLO ALOO NGMAMI KLƆUKLƆU Ɔ

^5-6 “Nyɛɛ gbe lohwe nɛ a kɛ maa ye Hetsɔmi ɔ ngɛ he nɛ Yawɛ, nyɛ Mawu ɔ to nɛ a ja lɛ ngɛ ɔ pɛ; nyɛ ko gbe ngɛ he saisaa ngɛ zugba a nɛ Yawɛ, nyɛ Mawu ɔ ngɔ ha nyɛ kaa nyɛɛ hi nɔ ɔ nɔ. Nyɛ tsu nɔ́ nɛ ɔ gbɔkuɛ nya si be nɛ pu yaa nɔ si ejakaa jamɛ a be mi nɛ nyɛ je Egipt ɔ nɛ.

Mose V, 16:5 ပူးပေါင်းရင်းမြစ်များ

Marko 14:12

Abolokplolo nyami be ɔ we kekleekle ligbi ɔ nɛ a gbee to kɛ yeɔ Hetsɔmi ɔ, Yesu kaseli ɔmɛ bi lɛ ke, “Jije o suɔ nɛ wa ya pee Hetsɔmi niye ní ɔ ngɔ to mo ngɛ?”

Mose V, 16:2

Nyɛɛ ya he nɛ Yawɛ, nyɛ Mawu ɔ to nɛ a ja lɛ Mawu ngɛ ɔ, nɛ nyɛ ya gbe nyɛ to, loo na amɛ eko kɛ ye Hetsɔmi ɔ kɛ wo Yawɛ, nyɛ Mawu ɔ hɛ mi nyami.

Mose V, 16:4

Ligbi kpaago nɛ ɔmɛ a mi ɔ, a ko na masa nɔ́ ko ngɛ we ko we ko mi ngɛ nyɛ zugba a nɔ. Lohwe nɛ a gbe kekleekle ligbi ɔ gbɔkuɛ nya si hu, á ye lo ɔ tsuo ligbi ɔ kɛ̃; je ko na yi.