Mose V, 16:2 - BAIBLO ALOO NGMAMI KLƆUKLƆU Ɔ

² Nyɛɛ ya he nɛ Yawɛ, nyɛ Mawu ɔ to nɛ a ja lɛ Mawu ngɛ ɔ, nɛ nyɛ ya gbe nyɛ to, loo na amɛ eko kɛ ye Hetsɔmi ɔ kɛ wo Yawɛ, nyɛ Mawu ɔ hɛ mi nyami.

Mose V, 16:2 ပူးပေါင်းရင်းမြစ်များ

Mose V, 12:5

Yawɛ, nyɛ Mawu ɔ maa hla he kake ngɛ nyɛ wɛtso ɔmɛ tsuo a mi, nɛ e maa ngɔ e biɛ kɛ wo lejɛ ɔ kaa e si himi he nɛ a ja lɛ ngɛ.

Mose V, 12:26

Nyɛɛ ngɔ nyɛ bɔ ɔmɛ nɛ a sãã a, kɛ nike ní klɔuklɔu ɔmɛ nɛ nyɛ wo si ɔ kɛ ya he kake ɔ nɛ Yawɛ to ke a ja lɛ ngɛ ɔ.

1 Korintobi 5:7

Nyɛ je yayami nɛ ngɛ kaa masa a kɛ je nyɛ kpɛti, konɛ nyɛɛ pee kaa ma kplolo nɛ masa be mi kaa bɔ nɛ i le nɛ nyɛ ngɛ anɔkuale mi ɔ. Ejakaa a ngɔ Kristo ngɔ sã bɔ ha wɔ kaa to bi nɛ a gbeɔ Hetsɔmi nyami be.

Luka 22:15

E de mɛ ke, “I kɛ he hiami hyɛ blɔ wawɛɛ kaa i kɛ nyɛ maa ye Hetsɔmi niye ní nɛ ɔ loko ma na amanehlu!

Luka 22:8

Yesu tsɔ Petro kɛ Yohane, nɛ e de mɛ ke, “Nyɛɛ ya nɛ nyɛ ya pee Hetsɔmi niye ní ɔ ngɔ to wɔ nɛ wa ba ye.”

Marko 14:12

Abolokplolo nyami be ɔ we kekleekle ligbi ɔ nɛ a gbee to kɛ yeɔ Hetsɔmi ɔ, Yesu kaseli ɔmɛ bi lɛ ke, “Jije o suɔ nɛ wa ya pee Hetsɔmi niye ní ɔ ngɔ to mo ngɛ?”

Mateo 26:17

Abolokplolo nyami be ɔ we kekleekle ligbi ɔ, kaseli ɔmɛ ba Yesu ngɔ ba bi lɛ ke, “Jije o suɔ kaa wa ya dla ha mo nɛ o ye Hetsɔmi ɔ ngɛ?”

Mateo 26:2

“Kaa bɔ nɛ nyɛ le ɔ, e piɛ ligbi enyɔ pɛ nɛ a maa ye Hetsɔmi ɔ, nɛ a maa ngɔ Nɔmlɔ Bi ɔ ngɔ ha nɛ a ya sɛu lɛ.”

Kronika II, 35:7

Matsɛ Yosia ke ma a nɛ ba bua ngɛ lejɛ ɔ lohwe nɛ ɔmɛ, konɛ nɔ tsuaa nɔ nɛ ye Hetsɔmi ɔ bɔ nɛ sa: jijɔ kɛ akpakpo akpe nyingmi etɛ, kɛ na ku akpe etɛ. Matsɛ ɔ nitsɛ lohwehi ji enɛ ɔmɛ tsuo.

Mose V, 15:20

Daa jeha a, o kɛ o weku li nɛ ye mɛ ngɛ Yawɛ hɛ mi ngɛ he nɛ e to nɛ a ja lɛ ngɛ ɔ.

Mose V, 12:18

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ, nyɛɛ ye bɔ sami ní nɛ ɔmɛ ngɛ Yawɛ, nyɛ Mawu ɔ hɛ mi pɛ, ngɛ he kake ɔ nɛ e to nɛ a ja lɛ Yawɛ, nyɛ Mawu ɔ ngɛ ɔ. Nyɛɛ kɛ bua jɔmi nɛ pee nɔ́ tsuaa nɔ́ ngɛ Yawɛ, nyɛ Mawu ɔ hɛ mi ngɛ lejɛ ɔ.

Mose V, 12:14

Nyɛɛ sã bɔ ɔmɛ ha Yawɛ ngɛ he kake nɛ lɛ nitsɛ e maa to ngɛ nyɛ wɛtso ɔmɛ a kpɛti kake zugba mi ɔ pɛ. Lejɛ ɔ pɛ nyɛɛ sã nyɛ bɔ ɔmɛ nɛ nyɛ maa sã a, nɛ nyɛɛ pee ní kpa amɛ tsuo nɛ i fa nyɛ ke nyɛɛ pee ɔ ngɛ.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.

Mose IV, 9:2

“Ha nɛ Israel bi ɔmɛ nɛ a ye Hetsɔmi ɔ ngɛ be nɛ a to ɔ mi.

Mose V, 16:1

“Nyɛɛ ye Hetsɔmi nyami be ɔ ngɛ nyɔhiɔ nɛ a tsɛɛ Abib ɔ mi kɛ wo Yawɛ, nyɛ Mawu ɔ hɛ mi nyami. Nyɔ ko mi ngɛ jamɛ a nyɔhiɔ ɔ mi nɛ e kpɔ̃ nyɛ kɛ je Egipt ɔ nɛ.

Mose V, 16:3

Nyɛ ko ye masa nɔ́ ko ligbi kpaago, se mohu nyɛɛ ye abolo kplolo, nɛ ji nɔ́ nami niye ní nɛ nyɛ ye benɛ nyɛɛ kɛ he hiami tu fo kɛ je Egipt ɔ. Nyɛɛ ye abolo kplolo nɛ ɔ, konɛ nyɛ wami be mi tsuo ɔ, nyɛ kɛ kai bɔ nɛ nyɛ je Egipt, he nɛ nyɛ na nɔ́ ngɛ ɔ.

Matsɛmɛ II, 23:21

Matsɛ Yosia fa ma a tsuo ke, “Nyɛɛ ye Hetsɔmi ɔ nɛ nyɛ kɛ wo Yawɛ, nyɛ Mawu ɔ hɛ mi nyami kaa bɔ nɛ a ngma ngɛ mlaa womi nɛ ɔ mi ɔ.”