Mose V, 16:16 - BAIBLO ALOO NGMAMI KLƆUKLƆU Ɔ

¹⁶ “Israel ma a mi nyumu ɔmɛ tsuo kulaa nɛ a bua a he nya si etɛ ngɛ jeha mi ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Be ɔmɛ ji Hetsɔmi nyami be, Ngmakpami nyami be, kɛ Gbasisihimi nyami be. Nɔ ko nɔ ko nɛ ko ba nyami nɛ ɔ kɛ e dɛ gu.

Mose V, 16:16 ပူးပေါင်းရင်းမြစ်များ

La 96:8

Nyɛ je Yawɛ biɛ klɔuklɔu ɔ yi; nyɛɛ ngɔ nike ní kɛ ba e we ɔ.

Hagai 1:9

“Nyɛ hyɛɛ blɔ kaa ke nyɛ kpa ní ɔ, nyɛ ma na babauu, se bɔbɔyoo pɛ nyɛ naa. Jehanɛ, ke nyɛ ngɔ kɛ ba we mi ɔ, kɛkɛ i ha nɛ e pee kɔɔhiɔ. Mɛni he je i ngɛ ja pee ɔ? Nyɛɛ hyɛ, be mi nɛ ye we ɔ ku kɛ pueɔ si ɔ, nyɛɛ lɛɛ nyɛ ti nɔ tsuaa nɔ ngɛ lɛ nitsɛ e we mae.

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Mose II, 34:20

O teji kekleekle bi ɔ, o maa ngɔ jijɔ kɛ dani lɛ. Ke o be suɔe nɛ o dani lɛ ɔ, lɛɛ o maa ku e kuɛ. O ma dani o bitɛte tsuaa bitɛte. Nɔ ko nɔ ko nɛ ko ba ye hɛ mi kɛ e dɛ gu.

Matsɛmɛ I, 9:25

Si etɛ ngɛ jeha mi ɔ, Salomo sãã sami bɔ, kɛ tue mi jɔmi bɔ ngɛ bɔ sami la tɛ ɔ nɛ e puɛ kɛ ha Yawɛ ɔ nɔ. E sãã tsopa kɛ e he via hulɔ kɛ haa Yawɛ. Jehanɛ, Salomo gbe Yawɛ we ɔ nya.

Yesaya 23:18

Sika nɛ e ma na kɛ je e jua yemi ɔ mi ɔ, e maa gbaa nɔ kɛ ha Yawɛ. E be nya buae kɛ to, se mohu nihi nɛ ma ba ja Yawɛ ɔ, a maa ngɔ sika nɛ ɔ kɛ he niye ní, kɛ heha ní nɛ hia mɛ.

Marko 12:3

Se apaa yeli ɔmɛ nu tsɔlɔ ɔ, nɛ a fia lɛ ní, nɛ a fie lɛ kɛ e dɛ gu.

Yohane 7:2

Benɛ Yuda bi ɔmɛ a Gbasisihimi nyami be ɔ ngɛ sue ɔ,

Mose II, 34:24

Ma fie je ma amɛ kɛ je o blɔ ɔ nɔ, nɛ ma bli o huzu ɔmɛ a mi. Nɛ ke o ba Yawɛ, o Mawu ɔ hɛ mi si etɛ ngɛ jeha mi ɔ, nɔ ko hɛ be o zugba a nɔ kɔe.

Mose V, 16:15

Nyɛ bua nɛ jɔ kɛ wo Yawɛ hɛ mi nyami ligbi kpaago ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Nyɛ bua nɛ jɔ saminya, ejakaa Yawɛ, nyɛ Mawu ɔ gbaa nyɛ ngmɔ niba ní, kɛ nyɛ nine nya ní tsumi tsuo pɛpɛɛpɛ nɔ.

Mose V, 16:17

Nɔ tsuaa nɔ nɛ ha bɔ nɛ e ma nyɛ, kaa bɔ nɛ Yawɛ, nyɛ Mawu ɔ gbaa lɛ ɔ.

Mose V, 31:11

Ke Israel ma a tsuo ba bua a he nya ngɛ Yawɛ, nyɛ Mawu ɔ hɛ mi ngɛ he nɛ a to nɛ a ja lɛ ngɛ ɔ, nyɛɛ kane mlaa nɛ ɔ nɛ a nu.

Samuel I, 1:3

Daa jeha a, Elkana jeɔ Rama kɛ yaa Shilo ya jaa Yawɛ Tabohiatsɛ ɔ, nɛ e sãã bɔ kɛ haa lɛ. Lejɛ ɔ Hofni kɛ Finehas, Eli binyumu enyɔ ɔmɛ ngɛ osɔfo yee ngɛ.

Samuel I, 6:3

A he nɔ ke, “Ke nyɛɛ kɛ Israel Mawu ɔ somi daka a maa ya a, nyɛɛ kɛ lɛ ko ya dɛ gu; e hia doo kaa nyɛɛ ngɔ fɔ yemi bɔ kɛ ya nɛ nyɛ ya kpata lɛ. Ke nyɛ pee ja loko nyɛ ma na he wami, kɛkɛ nyɛ maa le nɔ́ nɛ he je nɛ Mawu ngɛ nyɛ tue gblae ɔ.”

Kronika II, 8:13

E sã sami bɔhi, kaa bɔ nɛ Mose mlaa a tsɔɔ kaa a pee nyami be ɔmɛ, Hejɔɔmi ligbihi, Nyɔhiɔhe nyami behi, kɛ nyami be etɛ ɔmɛ nɛ a yeɔ ngɛ jeha mi ɔ. Mɛ ji Abolokplolo nyami be, Ngmakpami nyami be, kɛ Gbasisihimi nyami be.

Nehemia 8:15

Lɔ ɔ he ɔ, a fa nɛ a tsɔ kɛ ya Yerusalem, kɛ ma kpa amɛ a mi, nɛ a ya de nɔ tsuaa nɔ ke, “Nyɛɛ je kpo kɛ ya yoku ɔmɛ a nɔ, nɛ nyɛ ya poo oliv tso, ayɔ nu tso, mɔmɔ tso, tã, kɛ tso kpahi nɛ bɔ kusuu a kɔnihi, nɛ nyɛ kɛ ba ma gbahi kaa bɔ nɛ mlaa a tsɔɔ ɔ.”

La 84:7

Pɔ tɔɛ mɛ; mohu ɔ, a naa he wami he, nɛ a nyɛɛɔ kɛ ya suu Mawu hɛ mi tɔɔ ngɛ Zion.

La 122:4

Lejɛ ɔ nɛ Yawɛ wɛtso ɔmɛ yaa ya naa Yawɛ si kaa bɔ nɛ a fa Israel ma a ke a pee ɔ.

Ezra 3:1

Nyɔhiɔ kpaagone ɔ, benɛ Israel bi ɔmɛ kpale ba he si ngɛ a ma amɛ a mi ɔ, ma a tsuo ba bua a he nya ngɛ Yerusalem.

La 84:8

Yawɛ Tabohiatsɛ Mawu, bu ye kue fami ɔ tue! Yakob Mawu, moo bu mi tue koo!

Yesaya 33:20

Hyɛ, Zion, ma nɛ wa yeɔ wa nyami ligbi ɔmɛ ngɛ mi ɔ ji nɛ ɔ nɛ! Yerusalem, ma nɛ tue mi jɔmi ngɛ mi ɔ ji nɛ ɔ nɛ! Yerusalem ngɛ kaa bo tsu nɛ maa si nɛ be si nɔe gblegbleegble. Tso plɛɛkohi nɛ a ka kɛ wo zu mi ɔ ekoeko be hiae; tangme kpa amɛ hu be tsɔe.

Ezekiel 36:38

Ma ha nɛ a ma amɛ ma hyi tɔ kɛ nimli kaa tohi nɛ a kɛ ba bɔ sami, loo nimli kpekpemi nɛ ba Yerusalem nɛ a ba ye nyami be. Kɛkɛ ɔ, a maa le kaa imi ji Yawɛ.”