Mose V, 15:9 - BAIBLO ALOO NGMAMI KLƆUKLƆU Ɔ

⁹ Ke jeha nɛ a kɛ hiɔ kee nɔ ɔ su ta po, ko kua kaa o maa pa lɛ nɔ́ ko. Ko ha susumi yaya kaa kikɛ nɛ ɔ nɛ ba o yi mi. Ke o kua lɛ nɔ́ nɛ hia lɛ ɔ hami, nɛ e fa kue ha Yawɛ kɛ si mo ɔ, a maa bu mo fɔ.

Mose V, 15:9 ပူးပေါင်းရင်းမြစ်များ

Hiob 34:28

A ha nɛ ohiatsɛmɛ kpa ngmlaa kɛ ba Mawu yemi kɛ buami, nɛ Mawu nu nɔ́ nali ɔmɛ a kue fami ɔ.

La 101:3

I be yi wu tso níhi a he susue. Nihi nɛ kua Mawu ɔ, i kɛ mɛ be bɔe. A ní peemi níhi muɛ ye hɛ.

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

Mose II, 22:22

Nyɛ ko wa yalɔyo, aloo awusa yi mi.

Mose II, 22:23

Ke nyɛ wa mɛ yi mi, nɛ a fo ya kɛ tsɛ mi ɔ, niinɛ, ma bu a ya fomi ɔ tue,

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Abɛ Womi 14:21

Nɔ nɛ gbeɔ e nyɛmi he guɛ ɔ, yayami e ngɛ pee ɔ nɛ. Se nɔ nɛ naa ohiatsɛ mɔbɔ ɔ, a gbaa lɛ.

Abɛ Womi 21:13

Nɔ nɛ tsiɔ e tue, konɛ e ko nu ohiatsɛ ngmlaa a, lɛ hu ke e kpa ngmlaa a, a be lɛ tue bue.

Abɛ Womi 23:6

Ke kpɛletsɛ ha mo abolo ɔ, koo ye; ko ha nɛ e niye ní ngɔngɔɛ ɔ nɛ jlo mo.

Abɛ Womi 24:9

Ga tsuaa ga nɛ kuasia toɔ ɔ, e peeɔ yayami. Nɔmlɔ nɛ nihi a he fɛu pɛ e yeɔ ɔ, a hiee lɛ.

Abɛ Womi 28:22

Nɔmlɔ nɛ hɛ mi sãã lɛ hlaa kaa e he maa sɔ kɛ na ní. Se e li tete kaa hwɔɔ se ɔ, e ma ba ye ohia.

Abɛ Womi 4:23

Susu o yi mi saminya loko o pee nɔ́ ko, ejakaa lɔ ɔ nɔ o wami daa si ngɛ.

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Yeremia 34:14

daa jeha kpaago ɔ, a ti nɔ tsuaa nɔ nyɛmi Hebri no nyɔguɛ ko nɛ sɔmɔ lɛ jeha ekpa a, e ha nɛ e ye e he. Se nyɛ nɛmɛ ɔmɛ bui mi tue fɛɛ, nɛ munyu nɛ i kɛ mɛ tu ɔ hu a ngɔɛ.

Mateo 15:19

Ejakaa tsui mi nɛ susumi yayami nɛ ɔmɛ jeɔ: nɔmlɔ gbemi, gba puɛmi, ajuama bɔmi, jumi, lakpa odase yemi, kɛ nɔ biɛ puɛmi.

Mateo 20:15

Anɛ i be he blɔ kaa i kɛ imi nitsɛ ye sika peeɔ nɔ́ nɛ i suɔ lo? Aloo ye mi mi nɛ jɔ ɔ he o hɛngmɛ tsu ngɛ nɛ ɔ?’ ”

Mose V, 15:1

“Jeha kpaagone tsuaa jeha kpaagone se ɔ, ke nɔ ko hɛɛ mo hiɔ ɔ, kɛ ke lɛ.

Mose V, 24:15

Daa ligbi, loko pu maa nɔ si ɔ, wo lɛ nɔ́ nɛ e tsu jamɛ a ligbi ɔ he hiɔ. Sika a he ngɛ lɛ hiae, nɛ e ngɔ e hɛ ngɔ fɔ nɔ. Ke o wui lɛ hiɔ ɔ, nɛ e fa kue ha Yawɛ ngɛ nɔ́ nɛ o pee nɛ ɔ he ɔ, a maa bu mo fɔ kaa o pee yayami.

Mose V, 31:10

E fa mɛ ke, “Daa jeha kpaagone ɔ, ke e su be nɛ a kɛ hiɔhi maa ke ɔ, nyɛɛ kane mlaa nɛ ɔ wawɛɛ nɛ a nu ngɛ Gbasisihimi nyami be ɔ.

Yakobo 4:17

Lɔ ɔ he ɔ, nɔ nɛ le nɔ́ kpakpa nɛ e pee we ɔ, yayami e pee ɔ nɛ.

Yakobo 4:5

Anɛ nyɛ susuu kaa yaka gu nɛ a ngma ke, “Mumi nɛ Mawu ngɔ wo wa mi ɔ, e jeɔ he hunga wawɛɛ” ɔ?

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Yakobo 5:9

Ye nyɛmimɛ, nyɛ ko pia nyɛ sibi, konɛ Mawu ko kojo nyɛ. Hyɛ, kojolɔ ɔ daa si ngɛ sinya a nya.

1 Petro 4:9

Nyɛ he nyɛ sibi atuu ngɛ nyɛ wehi a mi, nɛ nyɛ ko de ke nɔ́ nɛ ɔ peemi wa tsɔ.