Mose V, 15:8 - BAIBLO ALOO NGMAMI KLƆUKLƆU Ɔ

⁸ Bli o dɛ mi ha nɔ nɛ e fi lɛ ɔ, nɛ o pa lɛ bɔ nɛ maa su lɛ.

Mose V, 15:8 ပူးပေါင်းရင်းမြစ်များ

Luka 6:34

Nɛ ke nyɛ pa sika ha nihi nɛ nyɛ hɛ ngɛ nɔ kaa a maa wo nyɛ hiɔ ekohu ɔ, mɛni lɛ nyɛ pee nɛ bɛ hyɛ nɛ sa kaa a jeɔ nyɛ yi? Nihi nɛ li Mawu po paa sika haa a sibi, nɛ a heɔ ngɛ a dɛ sisiisi!

Mateo 5:42

Ke nɔ ko ba mo nɔ́ ɔ, ha lɛ; ke nɔ ko ke o pa lɛ nɔ́ ko ɔ, ko kua.

Galatabi 2:10

Nɔ́ kake nɛ a kai wɔ wawɛɛ ngɛ he ji kaa wa hɛ ko je ohiatsɛmɛ ɔmɛ a nɔ; nɛ enɛ ɔ hu ji nɔ́ ko nɛ ngɛ ye tsui nɔ kaa ma pee.

La 37:26

Nɔmlɔ nɛ yeɔ Mawu gbeye ɔ, daa nɛ ɔ, e naa mɔbɔ. E haa nɔ nɔ́; e paa nihi sika, nɛ e bimɛ peeɔ gbaami.

Abɛ Womi 19:17

Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.

Mose III, 25:35

Ke e fi o nyɛmi Israel fɔfɔɛ, nɛ e dɛ mi ta, nɛ e nyɛ we nɛ e hyɛ e he nɔ hu ɔ, moo hyɛ e nɔ. O kɛ lɛ nɛ hi si kaa nubwɔ nɛ ba to mo, konɛ e nyɛ nɛ e hi o ngɔ.