Mose V, 15:6 - BAIBLO ALOO NGMAMI KLƆUKLƆU Ɔ

⁶ Yawɛ maa gbaa mo kaa bɔ nɛ e wo si ɔ. O maa pa sika kɛ ha mahi babauu, se moo lɛɛ o be sika pae ngɛ nɔ ko nɔ ko dɛ; o maa ye je mahi babauu a nɔ, se moo lɛɛ je ma ko je ma ko be o nɔ yee.

Mose V, 15:6 ပူးပေါင်းရင်းမြစ်များ

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

Matsɛmɛ I, 4:24

Salomo ye tsɛ ngɛ zugba a nɛ ngɛ Yufrate pa a bonyoku je ɔ tsuo nɔ, kɛ je Tifsa hluu kɛ ya pue Gaza. Matsɛmɛ ɔmɛ tsuo nɛ ngɛ Yufrate pa a bonyoku je ɔ sɔmɔ lɛ; nɛ e kɛ je ma amɛ nɛ bɔle lɛ kɛ kpe ɔ hi si ngɛ tue mi jɔmi mi.

Kronika I, 17:27

Lɔ ɔ he ɔ, i kpa mo pɛɛ nɛ o ya nɔ nɛ o gbaa imi, o tsɔlɔ ɔ, ye nina daa. Yawɛ lee, o gbaa mɛ momo, nɛ o gbaami ɔ maa hi a nɔ kɛ maa ya neneene.”

Kronika II, 9:26

Salomo ye matsɛmɛ ɔmɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a nɔ, kɛ Egipt huzu ɔ nya.

Ezra 4:20

Jehanɛ hu, a na kaa matsɛ nguahi hi Yerusalem sa a, nɛ a ye ma a nɔ kɛ ya pue Yufrate pa a se tsuo; nɛ Yerusalem he tó, kɛ sika kpahi ngɛ ma amɛ a dɛ.

Nehemia 9:27

Lɔ ɔ he ɔ, o ha a he nyɛli ba ye a nɔ, nɛ a hao mɛ. Ngɛ a fimi be ɔ mi ɔ, a fa kue kɛ tsɛ mo, nɛ o bu mɛ tue kɛ je hiɔwe. O mɔbɔ nami babauu ɔ nya a, o ha mɛ hɛ mi nyɛɛli nɛ kpɔ mɛ kɛ je a he nyɛli a dɛ.

La 112:5

Nɔmlɔ nɛ e mi mi jɔ, nɔ nɛ paa nɔ nɔ́, nɛ e yeɔ anɔkuale ngɛ e ní tsumi mi ɔ, á gbaa lɛ.

La 37:21

Ke nɔmlɔ yayami pa sika a, e wui hiɔ; dalɔ lɛɛ e naa mɔbɔ, nɛ e haa nɔ nɔ́.

La 37:26

Nɔmlɔ nɛ yeɔ Mawu gbeye ɔ, daa nɛ ɔ, e naa mɔbɔ. E haa nɔ nɔ́; e paa nihi sika, nɛ e bimɛ peeɔ gbaami.

Abɛ Womi 22:7

Niatsɛ nyɔguɛ ji ohiatsɛ. Ke o pa sika ngɛ nɔ ko dɛ kɛkɛ o plɛ pee e nyɔguɛ.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

Mose V, 15:5

Ke o maa bu Yawɛ, o Mawu ɔ gbi tue, nɛ o maa ye nɔ́ tsuaa nɔ́ nɛ i ngɛ mo he mlaa woe mwɔnɛ ɔ nɔ pɛpɛɛpɛ ɔ, o be ohia yee.

Mose V, 28:44

A ma na ní, nɛ a maa pa nyɛ eko, se nyɛɛ lɛɛ nyɛ be ní nae nɛ nyɛ maa pa mɛ eko. Nyagbe mi ɔ, mɛ lɛ a maa ye nyɛ nɔ.