Mose V, 15:23 - BAIBLO ALOO NGMAMI KLƆUKLƆU Ɔ

²³ Se a muɔ lɛɛ nyɛ ko ye; nyɛɛ tsɛ̃ ngɔ pue si kaa nyu.

Mose V, 15:23 ပူးပေါင်းရင်းမြစ်များ

Mose V, 12:16

Se muɔ lɛɛ, kaa niye ní ɔ, nyɛ ko ye; nyɛɛ tsɛ̃ pue zugba kaa nyu.

Mose V, 12:23

Lo kɛ e mi muɔ lɛɛ nyɛ ko ye kɔkɔɔkɔ; ejakaa wami ngɛ muɔ ɔ mi, nɛ e sɛ kaa nyɛ yeɔ lo kɛ e mi wami ɔ tsuo.

Mose III, 7:26

Jehanɛ hu, nɔ ko nɔ ko kó ye lohwe pɛlitsɛ, loo nane eywiɛtsɛ ko muɔ ngɛ nyɛ hi he ɔmɛ.

Ezekiel 33:25

“De mɛ ke imi Nyɔmtsɛ Yawɛ, bɔ nɛ i ngɛ dee ji, nyɛ yeɔ lo nɛ muɔ ngɛ mi. Nyɛ jaa amagahi. Nyɛ pueɔ muɔ si. Mɛni ha nɛ nyɛ susuɔ kaa nyɛ nɔ ji zugba a?

Samuel I, 14:32

Lɔ ɔ he ɔ, a sa fo kɛ ho ta yibu ní ɔmɛ nɛ a ha a he ya. A ya nuu tohi kɛ nahi nɛ a gbe ngɛ lejɛ ɔ nɔuu, nɛ a ye lo ɔ kɛ muɔ ɔ tsuo.

Ni Tsumi 15:20

Mohu ɔ, waa ngma mɛ womi ke a ko ye niye ní nɛ he tsɔ we, a ko ye wɔ nya lo, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi. A nyɛ lohwehi nɛ a kika a kuɛ kɛ gbe mɛ, nɛ a ko ye lo nɛ muɔ ngɛ mi kɛ mwɔɔ.

Mose I, 9:4

Nɔ́ nɛ nyɛ ko ye ji lo nɛ muɔ ngɛ mi kɛ mwɔɔ; i kplɛɛ we enɛ ɔ, ejakaa muɔ ɔ, wami ngɛ mi.

Mose III, 17:10

Ke Israel fɔfɔɛ ko, aloo nɔ ko nɛ ba to nyɛ nubwɔ ye muɔ ɔ, ye hɛ maa dɔ kɛ wo jamɛ a nɔ ɔ. Ma je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

Mose III, 19:26

“Nyɛ ko ye lo nɛ muɔ ngɛ mi kɛ mwɔɔ. Nyɛ ko klaa, nɛ nyɛ ko ye kunya hulɔ.

Samuel I, 14:33

Kɛkɛ nɛ nɔ ko ya de Saul ke, “Hyɛ, ma a ngɛ yayami pee kɛ ngɛ Yawɛ sie kaa a ngɛ lo kɛ muɔ tsuo yee.” Saul de ke, “Nyɛ tɔ̃! Nyɛ kpɛne tɛ agbo ko ba ha mi ngɛ hiɛ ɔ.”

Mose V, 12:15

“Se kɛ̃ ɔ, nyɛ ma nyɛ maa gbe nyɛ lohwe ɔmɛ nɛ nyɛɛ ye ngɛ nyɛ hi he ɔmɛ. Nyɛɛ ye bɔ nɛ nyɛ suɔ, kaa bɔ nɛ Yawɛ, nyɛ Mawu dloo nyɛ ɔ. Nɔ tsuaa nɔ nɛ ye; ke ngɛ kɔ nya a, nɔ ɔ he tsɔ jio, e he tsɔ we jio, e ye kaa bɔ nɛ nyɛ yeɔ bayelɔ, loo avugbɛ lo ɔ.

Mose V, 12:24

Nyɛ ko ngɔ muɔ kɛ pee niye ní; mohu nyɛɛ tsɛ̃ pue zugba kaa nyu.