Mose V, 15:19 - BAIBLO ALOO NGMAMI KLƆUKLƆU Ɔ

¹⁹ “Moo hla o na amɛ, kɛ o to ɔmɛ a kekleekle bi ku ɔmɛ nɛ a ma fɔ ɔ ngɔ to ha Yawɛ, o Mawu ɔ; koo ngɔ na nɛ ɔmɛ kɛ tsu nɔ́ ko, nɛ jijɔ bi ɔmɛ hu ko sã a he bwɔmi.

Mose V, 15:19 ပူးပေါင်းရင်းမြစ်များ

Mose II, 13:2

“Moo ngɔ kekleekle binyumu ɔmɛ tsuo ngɔ to ha mi. Binyumu tsuaa binyumu nɛ bliɔ fɔmi nya ngɛ Israel bi ɔmɛ a kpɛti ɔ, nɔmlɔ bi jio, lohwe bi jio, ye nɔ ji lɛ.”

Mose II, 13:12

nyɛɛ gbaa bitɛte tsuaa bitɛte nɛ bliɔ fɔmi nya a nɔ kɛ ha Yawɛ.

Mose V, 16:14

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, Levi bi ɔmɛ, nibwɔ ɔmɛ, awusa amɛ, kɛ yalɔyi ɔmɛ nɛ ngɛ nyɛ ma amɛ a mi ɔ tsuo nyɛɛ ye nyami be nɛ ɔ.

Mose V, 12:17

Nyɛ ko ye níhi nɛ nyɛ kɛ ke Yawɛ, nyɛ Mawu ɔ ekoeko ngɛ nyɛ hi he ɔmɛ, nyɛ blɛfo mi dlami nyɔngmanyɔngma mi kakaaka a jio, nyɛ wai jio, nyɛ oliv nu jio, loo nyɛ na amɛ kɛ to ɔmɛ a kekleekle bi ɔmɛ eko jio, nike níhi nɛ nyɛ wo si kaa nyɛɛ kɛ ma ha Yawɛ ɔ eko jio, nɔ́ nɛ je nyɛ tsui mi faa jio, loo bɔ kpa komɛ jio.

Mose IV, 18:17

Na, loo jijɔ, loo apletsi kekleekle bi lɛɛ a ko kpɔ; ejakaa mɛɛ a he tsɔ. Ngɔɔ a muɔ ɔ kɛ fĩa bɔ sami la tɛ ɔ nɔ, nɛ o sã a zɔ ɔ kaa bɔ nɛ jeɔ via ha Yawɛ.

Mose IV, 18:15

“Nɔ́ tsuaa nɔ́ nɛ bliɔ muklii nya, nɛ a kɛ ba ha Yawɛ ɔ maa pee o nɔ, nɔmlɔ jio, we mi lohwe jio. Se nɔmlɔ adesa e kekleekle bi, kɛ lohwe nɛ he tsɔ we e kekleekle bi lɛɛ o ha nɛ a kpɔ mɛ.

Mose III, 27:26

Lohwe tsuaa lohwe ɔ, e kekleekle bi ɔ, e ji Yawɛ nɔ́ momo, lɔ ɔ he ɔ, nɔ ko kó ngɔ kɛ ba ha Yawɛ kaa bɔ nɛ je nɔ tsui mi faa, na jio, jijɔ jio.

Hebribi 12:23

Nyɛ ba sɛ bitɛtehi nɛ a ngma a biɛ ngɛ hiɔwe ɔ a kpɛti. Mawu nɛ ji adesahi tsuo a kojolɔ ɔ, kɛ mumihi nɛ hɛɛ nihi nɛ peeɔ nɔ́ nɛ da, nɛ a ha a hi kɛ pi si ɔ, a hɛ mi nyɛ ba nɛ ɔ nɛ.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose V, 14:23

Lɔ ɔ se ɔ, nyɛɛ ya he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Nyɛɛ ye nyɛ blɛfo, wai, kɛ oliv nu mi dlami nyɔngmanyɔngma mi kakaaka a, kɛ nyɛ na amɛ, kɛ to ɔmɛ a kekleekle bi ɔmɛ ngɛ Yawɛ hɛ mi. Nyɛɛ pee enɛ ɔ kɛ kase bɔ nɛ nyɛ maa ye Yawɛ, nyɛ Mawu ɔ gbeye nyɛ wami be tsuo.

Mose II, 34:19

“Bitɛte tsuaa bitɛte, kɛ o we mi lohwehi a kpɛti kekleekle eku tsuaa eku ɔ, ye nɔ ji lɛ; na jio, to jio.

Romabi 8:29

Nihi nɛ Mawu hla ngɔ to momo ɔ, e pee mɛ klɔuklɔu, konɛ a subai nɛ hi kaa Bi ɔ nɔ. Kɛkɛ ɔ, Bi ɔ maa pee nɔkɔtɔma ngɛ e nyɛmimɛ babauu a kpɛti.

Mose II, 22:30

Ngɔɔ o na amɛ, kɛ o to ɔmɛ a kekleekle bi ku ɔmɛ hu ba ha mi. Ke a fɔ mɛ se ɔ, ha nɛ a hi a nyɛmɛ a kasa nya ligbi kpaago; ligbi nɛ ji kpaanyɔ ɔ, ngɔɔ mɛ kɛ ba sã bɔ ha mi.

Mose V, 15:18

E ko wa ha mo kaa o maa ngmɛɛ nyɔguɛ ko he nɛ e ye e he. Ke o maa bu nya a, e sɔmɔ mo jeha ekpa sɔuu, nɛ apaatsɛ hiɔwo fa pɛ o puɛ ngɛ e he. Pee bɔ nɛ i ngɛ mo dee nɛ ɔ, nɛ Yawɛ, o Mawu ɔ maa gbaa o nine nya ní tsumi tsuo nɔ.

Mose II, 22:29

“Ngɔɔ ngma, wai, kɛ oliv nu nɛ je o ngmɔ ɔmɛ a mi ɔ kɛ ba sã bɔ ha mi ngɛ be nɛ sa mi. “Ngɔɔ o bitɛte ɔmɛ kɛ ba ha mi.

Mose V, 12:11

Yawɛ maa hla he ko pɔtɛɛ nɛ a ja lɛ ngɛ. Nyɛɛ ngɔ bɔ sami ní ɔmɛ tsuo nɛ i ngɛ nyɛ a he mlaa woe nɛ ɔ kɛ ya sã bɔ ngɛ lejɛ ɔ: nyɛ sami bɔ ɔmɛ, nike ní ɔmɛ, nyɛ mi dlami nyɔngmanyɔngma mi kakaaka amɛ, kɛ bɔ pɔtɛɛ ɔmɛ nɛ nyɛ wo si ke nyɛ ma ha Yawɛ ɔ.