Mose V, 15:15 - BAIBLO ALOO NGMAMI KLƆUKLƆU Ɔ

¹⁵ Kai kaa nyɛ hu nyɛ ya ye nyɔguɛ hyɛ ngɛ Egipt zugba a nɔ, nɛ Yawɛ, nyɛ Mawu ɔ ha nyɛ ye nyɛ he; lɔ ɔ he nɛ i ngɛ nyɛ mlaa nɛ ɔ woe mwɔnɛ ɔ nɛ.

Mose V, 15:15 ပူးပေါင်းရင်းမြစ်များ

Mose V, 16:12

Nyɛɛ hyɛ saminya nɛ nyɛɛ ye mlaa nɛ ɔmɛ a nɔ; nyɛ hɛ ko je nɔ kaa nyɛ hu nyɛ ye nyɔguɛ ngɛ Egipt.

1 Yohane 3:16

Kristo ngɔ e wami ngɔ ha ngɛ wa he. Kɛ gu enɛ ɔ nɔ ɔ, wa na bɔ nɛ suɔmi tsuɔ ní ha. Lɔ ɔ he ɔ, e sa kaa wɔ hu waa ngɔ wa wami ngɔ ha ngɛ wa nyɛmimɛ a he.

Efesobi 4:32

Niinɛ, nyɛɛ na nyɛ sibi mɔbɔ; nyɛ tsui mi nɛ sã nyɛ ngɛ nyɛ sibi a he, nɛ nyɛɛ ngɔ a he yayami kɛ pa mɛ kaa bɔ nɛ Mawu hu ngɔ nyɛ he yayami ɔmɛ ngɔ pa nyɛ kɛ gu Kristo nɔ ɔ.

Efesobi 2:12

Jamɛ a be ɔ, nyɛ li Kristo. Nihi nɛ Mawu hla a, nyɛ be a kpɛti; lɔ ɔ he ɔ, nibwɔhi ji nyɛ. Somi nɛ Mawu kɛ e ni ɔmɛ so, kɛ si nɛ e wo mɛ ɔ, nyɛ piɛ we he. Nyɛ hi si ngɛ je ɔ mi kɛkɛ, nɛ nyɛɛ kɛ nyɛ hɛ fɔ we nɔ́ ko nɔ; Mawu nitsɛ tete nyɛ li lɛ.

Yesaya 51:1

Yawɛ ke, “Nyɛ nihi nɛ nyɛ ngɛ hlae nɛ a he nyɛ yi wami, nɛ nyɛ ba ye ngɔ, konɛ ma piɛ nyɛ he, nyɛɛ bu mi tue. Nyɛ susu ní nɛ ɔmɛ a he: tɛ sa nɛ a gba nyɛ kɛ je mi ɔ, kɛ tɛ muɔ nɛ a tsua nyɛ kɛ je mi ɔ.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Efesobi 1:7

Ejakaa Kristo ngɔ e he ngɔ sã bɔ, nɛ e kɛ e muɔ kpɔ wɔ, nɛ e dloomi babauu ɔ nya a, a e ngɔ wa he yayami ɔmɛ ngɔ pa wɔ.

Mose V, 15:14

Ngɔɔ níhi nɛ Yawɛ, o Mawu ɔ kɛ gbaa mo ɔ, to, blɛfo, kɛ wai ɔ eko kɛ ha lɛ faa, nɛ o kɛ wo lɛ blɔ.

Mose V, 15:16

“Se ke nyɔguɛ ɔ sume nɛ e si mo, akɛnɛ e suɔ o kɛ o we ɔ nyɛ sane ngɛ bɔ nɛ o kɛ lɛ hi si saminya a he je ɔ,

Samuel II, 7:23

Ma kpa ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguangua, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ, kɛ a mawu ɔmɛ kɛ je a blɔ mi.

Yeremia 16:14

Yawɛ ke, “Be ma nɛ nihi kɛ ye biɛ be kita kae hu kaa Mawu hɛ kalɔ ɔ nɛ jé Israel ma a kɛ je Egipt zugba a nɔ.